Sekaria 1:5 - Uwumbɔr aagbaŋ

⁵ Niyaajatiib ni bibɔnabr ngbaan aa ki bi.

Sekaria 1:5 ပူးပေါင်းရင်းမြစ်များ

2 Bibɔrb 13:14

Iween i bir sakpen na nan chuu Uwumbɔr aabɔnabr Elaisa, le waah dɔ kibundiik ni na, Israel yaab aabɔr Jehoas buen u ti mann u. U nan wii le ki bui Elaisa ke, “Nte, nte, sin le ye Israel yaab aakikiir kpaan.”

2 Bibɔrb 13:20

Elaisa nan kpo, le bi di u sub. Libiln mɔk kan, Moab aajab nan koo ni Israel aatiŋ ni le ki nan tak bi.

Ilahn 90:10

Timi aabin ye imonko itaa ni kipiik baanja la, le binib bi pɔɔ na fuur imonko inaa; tɔ, ŋi mu aah joo ni tiwan ni na tii timi na le ye tibɔr ni nsuubiin; limɔfal kpaan doo le na, timi aadoon le na.

Ulandaan 1:4

N‑yoonn mue ni mu aanib choo, le n‑yoonn mue ni mu aanib jer, le dulnyaa ma beenin bi waabimbin.

Ulandaan 12:5

Aa ga li san ke aa tɔŋ tiwan ni fɔk paacham na ijawaan, le lisachuln ga li ye tiwan ni bir na le aa chee. Aayikpir ga piir, le saan ki ŋmaa yoor aataa paacham ki chuun. Lineen mɔmɔk ga nya aa chee. Ti cha timi aakookoo aafuur chee la, le ikpowiil ga li bi kitiŋ ponn ni.

Ulandaan 12:7

Timi aawon ga ki gir kpaln kitiŋ aatan, le limɔfal aafuurk ga gir buen Uwumbɔr u di li tii timi na chee.

Jeremia 36:28

le Uwumbɔr ki bui mi ke m ki ban kigbaŋ ki ŋmee tiwan ni mɔmɔk m nan ŋmee ŋa njan yaak ni na.

Inandalahn 5:7

Tiyaajatiib le nan tun titunwanbir, le kaa ki bi din wee, le timi le bi ji baatunwanbir ngbaan aafalaa.

Jɔnn 8:52

Le bi bui u, “Dandana wee ti bee ke aa kpa kinimbɔŋ la. Tiyaaja Abraham nan kpo. Uwumbɔr aabɔnabtiib mu nan kpo, le aa len ke unii yaa joo saaliin kan, waan kpo.

Lituln 13:36

Ubɔr David aah nan bi na, u nan tun Uwumbɔr aatuln, le ki ti kpo. Le bi sub u uyaajatiib chee, le u bur.

Hiibru Yaab 9:27

Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.

1 Samuel 25:1

Samuel nan kpo, le Israel yaab mɔmɔk kuun dan nan wii waakpuul. Bi nan ti sub u udo aatiŋ Rama ni la. Nee aapuwɔb le David buen Parann aateersakpiin ni.