Sekaria 1:16 - Uwumbɔr aagbaŋ

¹⁶ Kina pu le m gir ni Jerusalem aatiŋ ni ke m nan mɔk ki maanimbaasaln. Maadichal ga ki gir sil, le bi ga ki gir maa kitiŋ ngbaan.”

Sekaria 1:16 ပူးပေါင်းရင်းမြစ်များ

Job Aagbaŋ 38:5

Ŋma nan siin waah ga li wiir pu na? Ŋma nan di tiwaŋaŋkaan taln ti saa umɔk? Aa nyi ngarm ngbaan mɔmɔk aa?

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 34:11

Ki ga kpaln ifiin ni ikaabɔn aatiŋ la. Uwumbɔr ga ŋa ki tilangbenn ŋmeen, kitiŋ ki kaa kpa tinyoor tibaa na la.

Jeremia 30:18

Uwumbɔr ki bui ke, “M ga giin ni maanib baatiŋ pu ki san lidichal mɔmɔk kinimbaak; Jerusalem ga ki gir maa, le kaanaan aadichal ki gir sil.

Esekiel 40:3

U nan moo di mi foor buen, le m kan unii u moor lak lak ke tikumann na. U nan joo tiwaŋaŋkaan ni bi di ŋitanyaan ŋa ni na, ni tikur aadabil li bi joo ŋaŋni tiwan na, ki si mbisamɔb mubaa chee.

Esekiel 47:3

Uja ngbaan nan di waakur aadabil li bi joo ŋaŋni tiwan na ki ŋaŋ ti saa ŋitaa lichur, ni ikui iloob, ni imonko iniin, ki toŋ liwipuul wɔb, le ki bui mi ke m luul nima chee ki jer. Nnyun aanyonyoon nima chee nan saa ntaagbeln mɔk la.

Esekiel 48:35

Ŋigon ŋinaa ngbaan aafɔfɔk nan ti saa ŋitaa ŋichur piitaa ni ikui ilee ni moninko la. Kitiŋ ngbaan aayimbil ki nyan n‑yoonn mue ki joo cha ga li ye ke “Uwumbɔr‑bi‑do.”

Hagai 1:14

Uwumbɔr nan pɔɔk unii mɔmɔk aataakpab ke bi tun Waadichal aatuln ngbaan: U nan pɔɔk Serubabel u ye Juda aatiŋ aayidaan na, ni Utotoorninkpel Josua, ni binib bi mɔmɔk nan nyan ni tinaagbiir ni ki gir ni na aataakpab.

Sekaria 10:6

M ga tii Juda aanib mpɔɔn; m ga gaa Israel aanib lii. M ga san bi kinimbaak, ki giin ni bi mɔmɔk linampal. Bi ga li bi ke maah kaa kee yii bi daalbaadaal le na. Min le ye Bidindaan Uwumbɔr; m ga kii baameel.

Sekaria 2:4

Le njan aatuun na bui uŋeen aatɔ na ke, “Li san ki ti bui unachipɔɔn u joo ŋŋmin mu bi joo ŋaŋni tiwan aafɔfɔk na, ke binib ni tiwakor ti ga li bi Jerusalem aatiŋ ni na ga li wiir pam, le Jerusalem aatiŋ ga li wiir ki jer baah ga ŋmaa maa ŋigon gob ki pu na.

Sekaria 2:5

Uwumbɔr puu ke uma ubaa le ga li ye mmii aagoln ki mann goln kitiŋ ngbaan ki ga li kii ki, le ki ga li bi ki ni, ki wiin chain.”

Sekaria 2:6

Uwumbɔr nan bui waanib ke, “Min le nan cha ni yaa koo ŋipepel mɔmɔk ni. Tɔ, dandana wee, nimi binaagbiib, san nya Babiloŋ aatiŋ ni, ki gir ni Jerusalem aatiŋ ni man.”

Sekaria 4:9

U nan bui ke, “Serubabel bil Maadichal aadinyikl aatakpal, le ki ga maa li doo. Nimina yaa nan ŋa kan, maanib ga bee ke min le tun ni si bi chee.

Sekaria 8:3

M ga gir ni Jerusalem aatiŋ pu. Kima le ye maatiŋ ki bi chain na, le m ga li koo ki ponn ni. Kaayimbil le ga li ye ke kitiŋ ki dii min Uwumbɔr mbamɔm na, le min Uwumbɔr Mpɔɔnsakpiindaan na aagongoln aayimbil ga li ye ke ligongoln li kaa kpa tijɔŋ na.