Sefania 3:8 - Uwumbɔr aagbaŋ

⁸ Uwumbɔr nan ki bui ke, “Ni li kii man. Li ŋmin man ki li kii bundaal aan m ga fii sil ki galn ŋitimbol na. M ŋa nlandak ke m kuun ŋitimbol ni nnaan, ki cha ŋi bee maaŋuul aah pɔɔ pu na. M ga di maaŋuusakpeln li wu ke mmii na le di kuln kitiŋ kee mɔmɔk.

Sefania 3:8 ပူးပေါင်းရင်းမြစ်များ

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 123:2

Tidindaan Uwumbɔr, unaagbiija aah bi udindaan pu, aan unaagbiipiibo mu bi udindaan pu pu na, kina le ti mu lik aa pu, ki kii n‑yoonn mu aa ga san timi kinimbaak na.

Ilahn 27:14

Di naadii tii Uwumbɔr. Li kpa gaakii, taa cha aataakpab yɔl; di naadii tii Uwumbɔr.

Ilahn 37:34

Li kpa Uwumbɔr pu limakl, ki kii tii waamɔbon; waah ga nyuŋ si pu na le ye ke u di kitiŋ kee tii si, le aa ga kan ke u jenn nyan bibiindam.

Ilahn 37:7

Ji limɔr ki li kii Uwumbɔr aah ga ŋa pu na; taa cha binib bi kani nkam na, bee bi kani tinyoor baatunwanbir aatun ponn ni na aabɔr li muk si.

Ilahn 62:1

M jin limɔr le ki kii Uwumbɔr ke u gaa mi lii; uma baanja pu le m ga ŋmaa nyii ki sil.

Ilahn 62:5

Uwumbɔr baanja pu le m nyii ki bi; m kpa u pu limakl.

Ilahn 79:5

Uwumbɔr, saaŋuul ga li bi ti pu n‑yoonn mɔmɔk la aa? Saaŋuul ga li beenin gaal ke mmii na la aa?

Ilahn 79:6

Cha li fenn lir binib bi kaa dooni si na pu, Cha li fenn lir binib bi kaa mee limeel tii si na pu,

Ŋiyataŋak 20:22

Taa cha ni li ye si limukl ke aa teen unii taani. Kii tii Uwumbɔr aan u ga toor ti tii si.

Solomonn Aalahn 8:6

Taa ki bɔnn upii ubaa ki kpee m pu; taa ki cha aaŋaal bub ubaa ki kpee m pu. Mbɔngeehm pɔɔ ke nkun na la; Mbɔngeehm pɔɔ ke kitekpiitiŋ na la. Mu ti gaal ke mmii na la, le ki wu ke kichook ni aamii na.

Aisaya 14:26

Maah ŋa maalandak mu ki tii dulnyaa na le na, le m fii sil ke m daa ŋitimbol aatafal.”

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 34:2

Uwumbɔr gee liŋuul ŋitimbol mɔmɔk ni ŋaajab bi jaa kijaak na pu. U ga kuln bi mɔmɔk.

Aisaya 63:6

Maaŋuul ponn ni le m nan taa taa ŋitimbol ki yaa ŋaanib ki di baamɔfal aasin kpir kitiŋ.”

Jeremia 10:25

Di saaŋuul toŋ ŋitimbol ŋi kaa dooni si na, ni binib bi yii si na wɔb. Bi ku saanib, bi kuln timi pel pel, le ki cha timi aatiŋ kpaln ŋilangben.

Hosea 12:6

Kina pu na, Jakob aayaabitiib, kii tii nimi Aawumbɔr, ki fenn gir ni u chee. Li si uchaŋ ni ki li bi mbamɔm, ki li kii nimi Aawumbɔr aah ga nan tun pu na.

Joel 3:2

le ki kuun ŋitimbol mɔmɔk ki nan ji ŋi tibɔr Libɔjil Aafataŋ ni. Baah tun maanib pu na le m ga ji bi tibɔr. Bi jenn yaa Israel yaab koon ntiyayam ponn ni, le ki chuu yakr maatiŋ Israel ngbaan.

Maika 7:7

Le mma ga li lik Uwumbɔr pu; m ga ji limɔr ki li kii Uwumbɔr u ga gaa mi lii na. Maawumbɔr ga ŋun maayim.

Habakuk 2:3

ba pu? tibɔkpiirkaan ngbaan aayoonn aa kee ŋeer ke ti gbiin, ti ye ndoon aabɔr la, le ki ga dan mala ki nan gbiin kina. Nibaakan, ti ga yunn siib, aa mu tee li kii ti, ti ga sil dan kaan yunn.

Sefania 1:18

Nwiin mundaal Uwumbɔr ga mɔk waaŋuul na kan, hali baakunabr ni salmaa aan ŋmaa gaa bi lii. Waaŋuul li wu ke mmii na le ga kuln kitiŋ kee mɔmɔk. U ga kuln unii umɔk bi kitiŋ kee pu na aamɔfal mala.

Hagai 2:22

ki nyaŋ nnaan yayan mɔmɔk ki kuln mu aapɔɔn. M ga nyaŋ itaan aatɔroku tiib ni binib bi ŋaal bi na; itaan ga kpoi, le binib bi dik i pu na ku tɔb.

Matiu 25:32

Le bi ga kuun ni dulnyaa wee ni aanib mɔmɔk nnimbiin ni. Le m ga yakr bi ke upihkpaal aah yakr ipiih ni iŋoob pu na,

2 Piita 3:10

Tidindaan aawiindaal ga fuu ni ke unaayuk aah fuur ni pu na la. Liyaadaal ngbaan le paacham ga faa kifuuk sakpen ki jer. Mmii mu ton sakpen na ga donn paacham aawan mɔmɔk. Kitiŋ, ni tiwan nimɔk bi kitiŋ pu na mu ga gaa mmii.

Tibɔkpiirkaan 16:1

Le m ŋun nneel sakpiin nyan ni Uwumbɔr Aadichal ni, ki tuk Uwumbɔr aatuuntiib bilole ngbaan ke, “Li cha ti di falaa u bi ŋisambil ŋilole ni na kpir dulnyaa ni; ba pu? Uwumbɔr gee liŋuul bi pu.”

Tibɔkpiirkaan 16:14

Tiyayaar ngbaan ye kinimbɔŋ yaan la, le ki tun lijinjiir aatun, ki buen dulnyaa wee ni aabɔrb mɔmɔk chee, ki ti kuun bi, ke bi to butɔb, Uwumbɔr u yeh mpɔɔn mɔmɔk na aawiinsakpiin daal.