Sefania 3:4 - Uwumbɔr aagbaŋ

⁴ Uwumbɔr aabɔnabr bi bi ki ponn ni na kpa kigaak kaa kpa mbamɔn; le bitotoorb bii tiwan ni bi chain na, le ki fenn Uwumbɔr aakaal diir baah gee niwɔb na.

Sefania 3:4 ပူးပေါင်းရင်းမြစ်များ

Aisaya 9:15

Bininkpiib bi por na, ni baaninyuum le ye liyil, le ŋitaa ye Uwumbɔr aabɔnabr bi joo inyamɔn mɔk binib ngbaan na.

Jeremia 23:32

Uwumbɔr bui ke, “Li pel man maah len pu na. M ni bibɔnabr bi joo baadaŋ ti gbii inyamɔn na mooni na ga kan tɔb. Bi joo tidaŋ ngbaan le len, ki joo baanyamɔn ni kipupuk ŋmanni maanib. Maa tun bi, kaa bui bi ke bi li cha, le baa kpa nterm mubaa ki tii binib ngbaan. Min Uwumbɔr le len kina.”

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Jeremia 8:10

Kina pu le m ga di baakpaakon tii bikpaacham, ki di bipuutiib tii bijab biken. Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil. Hali maabɔnabtiib ni bitotoorb ji binib la.

Inandalahn 2:14

Bibɔnabr nan tuk si inyamɔn ŋmeen la. Baah nan tuk si tibɔr ti na le ŋmann si, ba pu? baa nan kpiir saatunwanbir pu. Bi nan cha aa dak ke saa kpa tibɔbir tibaa aa kpiir.

Esekiel 22:26

Bitotoorb bii maakaal, le kaa pak tiwan ni ye chain na. Baa yakr tiwan ni bi chain na, ni ni kaa bi chain na. Baa mɔk tiwan ni bi chain na, ni ni kaa bi chain na aah kaa kpaa pu na, le ki cha bitafal aa bi Likpaakool daal ni. Kina pu na, Israel aanib aa pak mi.

Esekiel 22:6

Israel yaab aasalolm mɔmɔk nan dak ke bibaa aapɔɔn pu le bi bi, le ki ku binib.

Esekiel 44:23

“Bitotoorb le ga mɔk maanib tiwan ni ye chain na, ni ni kaa ye chain na, ki mɔk bi tiwan ni kɔ na, ni ni kaa kɔ na.

Hosea 9:7

Ntafadaan aayoonn fuu a, n‑yoonn ngbaan binib ga kan ni ŋeer bi na. Kina yaa nan ŋa kan, Israel yaab ga bee ni. Ni bui ke, “Uwumbɔr aabɔnabr umina ye ujɔr la. Unii u Nfuur Nyaan fir u pu ngbaan na aa ki kpa nlan la.” Nimi aatunwanbir aah nyaŋ na le kinanaŋ gbiin nimi.

Maika 2:11

“Binib bee ban bibɔnabr bi chuun ŋmanni ki geei inyamɔn, ki len ke, ‘M nabr ke ni ga gur ndaan la.’

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Malakai 2:8

“Le nimi bitotoorb yii isan i ŋan na. Naah mɔk binib pu na cha bi yenn ki tun titunwanbir la. Ni bii tipuur ti m nan puu tii nimi aayaaja Liifai na.

Matiu 7:15

“Ni li nyi binyamɔndam bi ŋmanni ke bi ye Uwumbɔr aabɔnabr na. Bi ŋmanni ke bi ye ipiih, le ki tee ye ŋisapol ŋi ga bii nimi na.

2 Korenti 11:13

Binib ngbaan ŋmanni nimi la. Baa ye Kristo aakpambalb. Bi ŋmanni nimi ke bi tun waatuln, ki mu aa tun.

1 Jɔnn 4:1

Maanigeekaab, binib yaa len ke bi kpa Uwumbɔr Aafuur Nyaan kan, ni taa pak bi mɔmɔk. Ni lik baah len pu na, aan ki bee ke ni ye Uwumbɔr Aafuur Nyaan le cha bi len aan naa ye. Biŋmaŋmannim chuun dulnyaa wee ni ki wiir, ki len ke bi ye Uwumbɔr aabɔnabtiib, kaa ye.

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.

Bibɔjirb 9:4

Bi nan nyan tikunabr aakur aamombil imonko itaa ni kipiik, Baal Berif aawaadiik ni tii u, le u di ŋimombil ngbaan ban maabitibaanidam bi kaa kpa lituln libaa na kpee ubaa pu.

1 Samuel 2:22

N‑yoonn mue Eli nan por pam. U nan beenin ŋun ujapɔtiib aah nan ŋani Israel yaab mbiin pu na, ni baah kpaan doo bipiib bi tun lituln Uwumbɔr Aabool aabisamɔb na chee pu na.