Sefania 3:20 - Uwumbɔr aagbaŋ

²⁰ N‑yoonn ngbaan choo, le m ga giin ni nimi aanib bi yaa na linampal; m ga cha ni li kpa liyimbil dulnyaa wee mɔmɔk ni, ki cha ni ki gir kan liwangol.” Uwumbɔr le len kina.

Sefania 3:20 ပူးပေါင်းရင်းမြစ်များ

Ilahn 35:6

Uwumbɔr aatuun aah gbaa bi lir pu na, cha baasan li bɔɔn ki ŋar.

Aisaya 56:5

saayimbil ga yunn Maadichal ni, ni maanib ni, ki jer saah ba ga li kpa mbijabim ni mpiibim pu na. Baan suln aabɔr kpala.”

Aisaya 56:8

Tidindaan Uwumbɔr u nyan ni waanib Israel yaab tinaagbiir ni na, puu ke u ga nyan binib biken nan kpee bi pu.

Aisaya 60:15

Ubaa aan ki lik si fam, kaan ki li nan si, kitiŋ ki baanib nan san cha ki aan ki ye tilangbenn na. M ga tii si mpɔɔn ni kinyaan nin chee mmɔɔn ga li bi n‑yoonn mɔmɔk na.

Aisaya 61:9

Maanib ga li kpa liyimbisakpeln ŋitimbol mɔmɔk ni; unii umɔk kan bi na ga bee ke bi ye binib bi m ŋa tinyoor ŋa bi pu na la.”

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Aisaya 62:7

Bi taa cha u fuur kpala ki ti saa buyoonn u ga ki giin Jerusalem siin kaasisiiyaan, ki ŋa ki kitiŋ ki dulnyaa mɔmɔk pak na.

Aisaya 66:22

“Kitaapaapɔŋ ni kitipɔŋ aah ga yunn maapɔɔn pu pu na, kina le niyaabitiib ni nimi aayimbil ga yunn.

Jeremia 23:3

M ga kuun ni maanib bi ŋmar na ki nya ni ntim mu m yaa bi aan bi bi mu ponn ni na, le ki giin ni bi bido aatiŋ pu. Bi ga li kpa mbim pam ki pɔr kpee.

Jeremia 29:14

Een, m bui ke, ni ga kan mi, le m ga giin ni nimi nido aatiŋ pu. M ga kuun ni nimi litimbol mɔk ni, ni nimɔk m cha ni yaa ki bi na, le m ga giin ni nimi kitiŋ ki pu m nan nyan nimi di buen tinaagbiir ni na. Min Uwumbɔr le len kina.’

Jeremia 30:3

ba pu? n‑yoonn choo le m ga nan giin ni maanib, Israel ni Juda yaab. M ga giin ni bi biyaajatiib aatiŋ ki m nan di tii bi na pu, le ki ga ki ŋa baatiŋ. Min Uwumbɔr le len kina.”

Jeremia 33:9

Jerusalem ni le maamɔɔn, ni bunyuŋ, ni limakl ga li nya ni, le dulnyaa wee aatimbol li ŋun maah ŋani tiwanyaan ni tii Jerusalem aanib, ni nkam mu m joo ni kitiŋ ngbaan ni na pu kan, biwon ga li gbaa, le bi san ijawaan.”

Esekiel 16:53

Uwumbɔr nan ki bui Jerusalem aatiŋ ke, “M ga ki tii Sodom ni kaatimbim, ni Samaria ni kaatimbim liwangol. Mbamɔn, m ga tii aa mu liwangol.

Esekiel 28:25

Tidindaan Uwumbɔr nan ki len ke, “M ga ki nyan Israel yaab maah nan cha bi yaa ki bi ŋitimbol ŋi na ni, ki cha ŋitimbol mɔmɔk bee ke m ye chain la. Israel aanib ga li koo bibaa aatiŋ pu la, kima le ye kitiŋ ki m nan di tii maatutunn Jakob na.

Esekiel 34:16

“M ga ban ipiih i wɔŋ na, ki giin ni i yenn na, ki poo i kan titotonn na aabuun, ki cha i bun na pɔɔk; le ipiih i filk ki pɔɔ na, m ga kuln ima, ba pu? m ye upihdaan u tun tiwan ni ŋan na la.

Esekiel 37:12

Kina pu na, nabr maabɔr tuk maanib Israel yaab, ki tuk bi ke min Dindaan Uwumbɔr ban m chuu biir baakaakul la. M ban m chuu nyan ni bi le ki di bi giin ni Israel aatiŋ pu.

Esekiel 37:21

ki tuk bi ke min Bidindaan Uwumbɔr ban m nyan maanib mɔmɔk ŋitimbol ŋi ponn ni bi buen na, ki kuun ni bi, ki giin ni bi bibaa aatiŋ pu.

Esekiel 39:13

Kitiŋ ngbaan pu aanii mɔmɔk ga ter ŋinikpol ngbaan aasum, le bi ga kan bunyuŋ, maanyaŋ aawiin ngbaan daal. Min Dindaan Uwumbɔr le len kina.

Esekiel 39:28

Nima le maanib ga bee ke min le ye Bidindaan Uwumbɔr. Tiwan ni ga cha bi bee kina na le ye ke min le nan cha bi chur bi buen tinaagbiir ni, le ki ki kuun ni bi ki joo ni bi bibaa aatiŋ pu, kaa cha ubaa kina gaar puwɔb.

Joel 3:1

Uwumbɔr len ke, “N‑yoonn ngbaan kan, m ga giin Juda ni Jerusalem aatim aawangol tii mu,

Amos 9:14

Le m ga giin ni maanib baatiŋ ni, le bi ga ki gir maa baatim mu nan ber doo na ki koo mu ni. Bi ga ŋum ndaan aasubil aasui ki nyu ŋaadaan, ki ga ko ikpaakon ki ji yaajikaar.

Maika 2:12

“Le m ga kuun ni nimi Israel aanib bi gur na nan kpaan. M ga kuun ni nimi ke ipiih aah kpaan chaa koo yaabool ponn ni pu na la. Nimi aatiŋ ga ki gbiin binib ke kipihkpaamook ki ponn ni gbii ipiih na la.”

Maika 4:7

Binib bi gur na wɔb le ki daa bido, le m ga tii bi mpɔɔn, le bi ga kpaln litimbol kpaan. M ga li bi Sionn Aajool paab le ki joo bi ki ti saa n‑yoonn mu kaa kpa ndoon na.”

Sefania 2:7

Juda aanib bi ŋmar na le ga gaa nimi aatiŋ. Baawakor ga li ŋmɔ timoor nima chee la, le bi mu li doo Askelonn aanib aadichal ni. Bidindaan Uwumbɔr ga li bi bi chee ki cha bi ki kan liwangol.

Sefania 3:19

N‑yoonn choo, le m ga daa binib bi muk nimi na aatafal; m ga gaa binib bi mɔmɔk ye biwɔb na lii, ki giin ni binib bi bi tinaagbiir ni kitiyayaŋ ni na linampal. M ga cha baanimɔɔn kpaln nnyuŋ, le dulnyaa mɔmɔk ga li pak bi.

Sekaria 8:13

Juda ni Israel aatim aanib, n‑yaayoonn na, nimi aayimbil le biwɔwɔm nan joo puuni lir tɔb pu ki len ke, ‘Tibɔbir ti nan dan Juda ni Israel pu na dan aa pu.’ Tɔ, m ga gaa nimi lii, le biwɔwɔm ngbaan ga bui tɔb ke, ‘Cha tinyoor ti dan Juda ni Israel pu na dan aa pu.’ Kina pu na, taa san ijawaan man. Cha nitaakpab li pɔɔ.”

Sekaria 8:8

le ki nyan ni bi liwipuul ni liwilir wɔb, bi nan li koo Jerusalem ponn ni. Bi ga li ye maanib, le m mu ga li ye Baawumbɔr, ki joo bi ibamɔn ni, ki cha mbimbinyaan li bi.

Malakai 3:12

Le ŋitimbol mɔmɔk aanib ga yin nimi ke mpopiindam, ba pu? nimi aatiŋ ga li ye kitinyaan tii binib ke bi li koo ki ponn ni.”

Ikaal 26:18

Din wee na, Uwumbɔr mu gaa nimi ki di ŋa ubaa aanib, ke waah nan puu tipuur pu na, ki bui ke ni li joo waakaal mɔmɔk mbamɔm.

Ikaal 26:19

Waah naan ŋinibol mɔmɔk ŋi dulnyaa wee ni na, nimi le u nyan ke u ga ŋa nimi linibol li kpa mpɔɔn sakpen ki jer ŋi mɔmɔk na, le ni ga pak ki nyuŋ waayimbil. Ni ga li ye uma ubaa aanib ke waah nan puu pu na.”