Sefania 3:18 - Uwumbɔr aagbaŋ

¹⁸ ki li kpa mpopiin ke binib bi bi ji njim na.” Uwumbɔr nan ki bui ke, “Maan ki faan nimi ke m ga kuln nimi; m nyan nimi aanimɔɔn ni pu a.

Sefania 3:18 ပူးပေါင်းရင်းမြစ်များ

Ilahn 43:3

Cha saawiihn ni saabamɔn dan; cha ni loln m pu nsan ki giin ni mi saagongoln li bi chain na pu, ki ti fuu saadichal, li ponn ni aa koo na,

Ilahn 79:4

Ŋitimbol ŋi mann goln timi na seei timi la; bi laa timi le ki ŋani timi mbɔnyun.

Jeremia 23:3

M ga kuun ni maanib bi ŋmar na ki nya ni ntim mu m yaa bi aan bi bi mu ponn ni na, le ki giin ni bi bido aatiŋ pu. Bi ga li kpa mbim pam ki pɔr kpee.

Inandalahn 1:4

Ubaa aa ki koo Uwumbɔr Aadichal ni ke u nan doon Uwumbɔr njim daal. Bisapɔm bi nan gaa ilahn nima na ji falaa la, le bitotoorb ker idun ŋmeen la. Kitiŋ aagoln aabisamɔi ni gur ye nkuun la, le Sionn aatiŋ aanib bi iween sakpen ni.

Inandalahn 1:7

Jerusalem aatiŋ teer kaayaayoonn na aanyaan bɔr, le ki gur ber ki dɔ suuna. Kaah nan lir kaadim aaŋaal ni na, ubaa aa nan bi ki ter ki. Le binib bi nan nyaŋ ki na laa, kaah nan lir pu na.

Esekiel 34:13

M ga nyan ni i nwɔwɔtim ni, ki kuun ni i nan kpaan, ki giin ni i yaatiŋ pu. M ga di i giin buen Israel aajoo, ni ikpen chee, ki ga cha i ŋmɔ timoor mmoŋmɔpaan mu ŋan na ni.

Esekiel 36:24

M ga nyan ni nimi litimbol, ni kitiŋ mɔmɔk ni, ki giin nimi nibaa aatiŋ pu.

Esekiel 9:4

“Koo Jerusalem aatiŋ ponn ni, ki daan unii umɔk aasui bii aan ni muk u baah tun ŋitun ŋi sukr ponn ni kitiŋ ngbaan ponn ni na aayigbeer pu kidaan.”

Hosea 1:11

Juda aanib ni Israel aanib ga ki gir kpaan kimɔbaan. Bi ga kpaan le ki ban usaloln ubaa, le bi ga ki pɔr ki kan nkam baatiŋ ni. Een, Jesreel aawiin daal ga li ye nwinkpaan la.

Hosea 9:5

Le n‑yoonn yaa nan fuu ni ke bi ji njim ki nyuŋ Uwumbɔr kan, baan li nyi baah ga ŋa pu na.

Sefania 3:20

N‑yoonn ngbaan choo, le m ga giin ni nimi aanib bi yaa na linampal; m ga cha ni li kpa liyimbil dulnyaa wee mɔmɔk ni, ki cha ni ki gir kan liwangol.” Uwumbɔr le len kina.