Sefania 3:17 - Uwumbɔr aagbaŋ

¹⁷ Nidindaan Uwumbɔr bi ni chee; waapɔɔn le tii nimi linyaŋ. Uwumbɔr ga li neen nimi le ki ga tii nimi limɔfapɔln waageehm ni. Nimi pu le u ga gaa ilahn ki li kpa mpopiin,

Sefania 3:17 ပူးပေါင်းရင်းမြစ်များ

Ilahn 149:4

Uwumbɔr neen waanib; u joo linyaŋ tii binib bi sunn bibaa taab na ki nyuŋni bi.

Ilahn 147:11

u neen binib bi nyuŋni u ki mak waageehm mu bi n‑yoonn mɔmɔk na pu la.

Jeremia 32:41

M yaa ŋani tiwan ni ŋan na tii bi kan, ni ga li mɔ mi, le m ga kaan bi kitiŋ kimina ni, kaan ki fiin bi.

Hiibru Yaab 7:25

U bi n‑yoonn mu kaa kpa ndoon na, u li mee Uwumbɔr tii binib bi dan Uwumbɔr chee u pu na. Nima le u ga ŋmaa gaa bi lii n‑yoonn mu kaa kpa ndoon na.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Ikaal 30:9

Uwumbɔr ga ŋa tinyoor ŋa ni pu, nimi aatuln mɔmɔk ni, le ni ga li kpa mbim ni tiwakor pam, le nimi aakpaakon ga ŋa tijikaar pam. U ga li kpa mpopiin ke u tii nimi liwangol, ke waah nan kpa mpopiin ki tii niyaajatiib pu na.

Sefania 3:15

Uwumbɔr kuln nimi aatafadaan a; u nyaŋ nimi aadim mɔmɔk a. Uwumbɔr u ye Israel yaab aabɔr na bi ni chee; taa ki san ijawaan man.

Jɔnn 15:11

“M tuk nimi tibɔr timina ke ni li kpa mpopiin ke maah kpa pu na. M ban ke ni li kpa mpopiin mbamɔm.

Aisaya 65:19

Min mbaa ga li kpa mpopiin Jerusalem ni kaanib pu. Iwiil aan li bi nima, ubaa aan li yin uken ki ban nterm nima.

Nkahm 14:8

Ti yaa piir Uwumbɔr aasui kan, u ga di timi koo kitiŋ ngbaan ni, ki tii timi kaawangol, ni kaakpaatan mu nyuun na.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Tibɔnyaan ti Luk ŋmee ti na 15:32

Aanaal umina, m nan nyi ke u kpo a, le u bi. U nan wɔŋ a, le m ki kan u. Nima le ni ŋan ke ti li mɔɔni ki li kpa mpopiin.’”

Sefania 3:5

Tɔ, Uwumbɔr mu tee beenin bi kitiŋ ngbaan ponn ni; u ŋani tiwan ni ŋan na n‑yoonn mɔmɔk, kaa ŋani tiwan ni kaa ŋan na kpala. U cha ibamɔn bi waanib chee kichakpiik mɔmɔk ni, le kaa yiil. Le binib bi bi nima chee aan baabimbin aa ŋan na tun taani, kaa san inimɔɔn.

Jɔnn 13:1

Ni nan ye kitaak ki ga nan ji aan ki woln Lakr‑jer aajim daal na. Le Yesu nyi ke ni ŋeer u nya dulnyaa wee ni, ki buen Ute Uwumbɔr chee. N‑yoonn mɔmɔk u nan gee waanib bi bi dulnyaa ni na. U gee bi mbamɔm ki ti saa ndoon.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Mpiin 18:14

Nibaa pɔɔ min Uwumbɔr chee ee? Maah len pu na, m ga ki gir ni iŋmal iwae aapuwɔb, le Sara ga maa ubijabo.”

Aisaya 18:4

Uwumbɔr bui mi ke, “M ga li bi kitaapaak ki lik ni suuna ke lijikaacheel yoonn aamaln aah naani kinyeek pu na, ki lik chimm ke nwiin aah wiin nwiin pu pu na.

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

Mpiin 1:31

Le Uwumbɔr nan lik ki kan ke waah ŋa tiwan nimɔk na ŋan pam. Le ni ki joor, ki ki woln kichakpiik ni. Winloob daal le na.

Aisaya 63:1

“Ŋma ye u nyan ni Bosra aatiŋ ki bi Edom ni na ki choo na? Ŋma ye u pee tiwanyaan ni man na, ki chuun ni mpɔɔn ŋmeen ki choo na?” Uwumbɔr u kpa mpɔɔn sakpen ki ga ŋmaa gaa unii lii na le choo ke u nan moon waanyaŋ.

Aisaya 63:12

Uwumbɔr u nan tii Moses waapɔɔn sakpiin ki nan yakr nnyusakpem nfum mulee aan waanib dii jer, ki ti kan liyimbil li kaa kpa ndoon ki tii ubaa na bi la chee?” Uwumbɔr aah nan loln bi pu nsan na, bi nan chuun ke timoor ni aataan na, kaa gbeer nibaa.

Mpiin 2:2

Winlole daal, le Uwumbɔr nan tun lituln mɔmɔk doo, ki kal fuur.

Hosea 14:4

Uwumbɔr bui ke, “M ga giin ni maanib mbaa chee. M ga li gee bi ni nsui mɔmɔk; maaŋuul aan ki fii bi pu.

Joel 2:21

Ikpaakon, taa cha ijawaan li joo nimi man, li kpa mpopiin man, ki li mɔɔni man Uwumbɔr aah ŋa pu tii nimi na mɔmɔk pu.

Ikaal 23:15

“Unaagbiija yaa san udindaan chee, ki dan nimi aatiŋ ni, ki nan ban nkiirm kan, ni taa jenn giin u udindaan do.

Ilahn 78:65

Nee aapuwɔb le Uwumbɔr nan fii ke waah finn ngeen pu le na; u nan bi ke unachipɔɔn u nyun ndaan aan ni mɔɔr u na.