Sefania 3:16 - Uwumbɔr aagbaŋ

¹⁶ N‑yoonn choo, le bi ga nan bui Jerusalem aanib ke, “Sionn aanib, taa san ijawaan man. Taa cha niwon yɔl.

Sefania 3:16 ပူးပေါင်းရင်းမြစ်များ

Job Aagbaŋ 4:3

Aa bae binib pam tiwan ki tii binib bi kaa kpa mpɔɔn na mpɔɔn.

Aisaya 25:9

Kina yaa ŋa kan, binib mɔmɔk ga bui ke, “Uma le ye Tidindaan. Ti kpa u pu limakl, le u gaa timi lii. Uma le ye Uwumbɔr. Ti kpa u pu limakl, le dandana ti kpa mpopiin ki mɔɔni; ba pu? u gaa timi lii.”

Aisaya 40:9

Jerusalem yaab, buen lijool li fɔk na paab man ki ti moon tibɔnyaan ngbaan. Teen mpɔɔn pu ki len ke, Sionn aanib, moon tibɔnyaan ngbaan man. Len mpɔɔn pu ki taa san ijawaan man. Tuk Juda aatim aanib ke Uwumbɔr choo.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 44:2

Min le ye Uwumbɔr u naan nimi na; ki nyan bundaal bi ma nimi na, le m nan piin ki ter nimi. Taa san ijawaan man, nimi le ye maatutum, maanib bi m lee bi ki gee bi na.

Aisaya 54:4

Taa san ijawaan man; naan ki ji inimɔɔn; ubaa aan ki lik seen nimi. Aa ga suln saah kaa nan si chob pu na aabɔr, ki suln buyoonn aa nan gur ka ke ukpopii na mu.

Joel 2:21

Ikpaakon, taa cha ijawaan li joo nimi man, li kpa mpopiin man, ki li mɔɔni man Uwumbɔr aah ŋa pu tii nimi na mɔmɔk pu.

Sekaria 8:13

Juda ni Israel aatim aanib, n‑yaayoonn na, nimi aayimbil le biwɔwɔm nan joo puuni lir tɔb pu ki len ke, ‘Tibɔbir ti nan dan Juda ni Israel pu na dan aa pu.’ Tɔ, m ga gaa nimi lii, le biwɔwɔm ngbaan ga bui tɔb ke, ‘Cha tinyoor ti dan Juda ni Israel pu na dan aa pu.’ Kina pu na, taa san ijawaan man. Cha nitaakpab li pɔɔ.”

Sekaria 8:15

N‑yoonn mumina ma kan, m ŋa nlandak ke m tii Jerusalem ni Juda aanib tinyoor. Kina pu na, taa san ijawaan man.

Jɔnn 12:12

Ki woln kitaak le kinipaak ki bi Jerusalem ke bi ti ji njim na ŋun ke Yesu choo.

2 Korenti 4:1

Tɔ, Uwumbɔr aanimbaasaln pu, le u tii timi waatuln ke ti tun. Nima le timi aataakpab aa yɔl.

Galantiya 6:9

Cha ti tun litunyaan ki taa di cha; ba pu? ti yaa kaa di cha kan, ni nan saa naayoonn kan, ti ga kan lituln ngbaan aanyoor.

Efesusi 3:13

Nima pu na, m gaŋ nimi, ke ni taa cha nitaakpab yɔl maah ji falaa ni pu pu na. Maafalaa le ye nimi aaterm.

Hiibru Yaab 12:12

Nima pu na, ni li yoor iŋaal i bak na man, ki li pɔɔni nitaakpab,

Tibɔkpiirkaan 2:3

Ni kpa limɔr la. M pu, le ni ji falaa, kaa bakr.