Sefania 3:13 - Uwumbɔr aagbaŋ

¹³ Israel aanib bi ŋmar na aan tun ubaa taani, kaan gii inyamɔn, kaan ŋmann ubaa. Bi ga kan liwangol, ki li bi ŋŋmarm ni, kaan li san unii ubaa ijawaan.”

Sefania 3:13 ပူးပေါင်းရင်းမြစ်များ

2 Bibɔrb Aabɔr 20:30

Nima le nan tii Jehosafat nsuudoon u di joo waanib, le Uwumbɔr tii u lifuur ŋipepel mɔmɔk pu.

Job Aagbaŋ 11:19

Saan li san saadim; binib pam le ga dan nan ban nterm aa chee.

Ilahn 119:3

baa tun taani ubaa; bi dii Uwumbɔr aasan la.

Ilahn 120:2

Uwumbɔr, nyan mi binyamɔndam ni biŋmaŋmannim chee.

Ilahn 120:3

Nimi binyamɔndam, Uwumbɔr ga ŋa nimi kinye? U ga daa nitafal kinye?

Ilahn 23:2

U tii mi lifuur timosɔnn aah bi nin chee na, ki mɔk mi uyayak aanyun mu soon na chee.

Aisaya 17:2

Binib ga san cha Siria aatim mɔmɔk. Mu ga li gur ye inaa ni ipiih aah ŋmɔ timoor nin chee, aan ubaa aan san jenn i na la.

Aisaya 35:8

Nsanja ga naan nima chee, bi ga li yin mu ke, “Uwumbɔr aasan.” Titunwanbirdam aan chuun mu pu daalbaadaal; bijɔrb aan ŋmaa cha binib bi dii mu na yenn.

Aisaya 54:14

Ibamɔn ni lituln li ŋan na le ga tii si mpɔɔn. Aa ga fuur limukl ni mbiin pu.

Aisaya 6:13

Hali unii ubaa baanja le yaa gur binib kipiik ponn ni kitiŋ ngbaan pu kan, u mu ga kpo; unibaan ngbaan ga gur li bi ke baah gaa gii likpaln ki cha lisikpiil pu na la.” Lisikpiil ngbaan mɔk Uwumbɔr aanib bi ga nan ki naahn linibol pɔln na la.

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 63:8

Uwumbɔr bui ke, “Bi ye maanib la; baan ŋmann mi.”

Aisaya 65:10

Bi ga li dooni mi aan ki di baawakor di buen Saronn, ni bi liwilir wɔb na, ni Tibɔbir Aafataŋ ki bi liwipuul wɔb na ti ti ŋmɔ timoor.

Jeremia 23:4

M ga ban biyidam bi ga li joo bi na. Maanib aan ki li san ijawaan, le maan ki daa bitafal. Min Uwumbɔr le len kina.”

Jeremia 30:10

Maanib, taa san ijawaan man; Israel aanib, taa cha ijawaan joo nimi man. M ga nyan ni nimi dandar aatiŋ ni, m ga nyan ni nimi kitiŋ ki ponn ni, ni ye binaagbiib na. Ni ga gir ni linampal ki nan li bi nsuudoon ni, ni ga li bi lifuur ni, le ubaa aan ki cha ijawaan chuu nimi.

Jeremia 31:33

Maah ga puu tipuupɔln ti tii Israel yaab na ga li ye le ke: M ga di maakaal ŋa baalandak ni, ki ŋmee mu bisui ponn ni. M ga li ye Baawumbɔr, le bi li ye maanib.

Esekiel 39:26

Bi yaa ki gir kal baatiŋ ngbaan pu lifuur ni, aan ubaa aa ki bi u faan bi kan, bi ga ŋmaa suln baah nya mpuwɔb ki jin inimɔɔn i na bɔr.

Joel 3:17

“N‑yoonn ngbaan, le nimi Israel yaab ga bee ke min le ye Nidindaan Uwumbɔr. M bi Sionn, maajool li bi chain na pu la; Jerusalem ga li ye kitiŋ ki bi chain na la; le kaadim aan ki ŋmaa nyaŋ ki daalbaadaal.

Liifai Yaab 26:6

“M ga tii nimi nsuudoon nimi aatiŋ ngbaan ni, le ni ga li dɔ geen kaa san ijawaan ibaa. M ga kuln tipeewanbir timɔk bi nimi aatiŋ ni na, le butɔb aan ki li bi nima chee.

Maika 4:4

Unii mɔmɔk ga li bi nsuudoon ni ubaa aadaan aasubil, ni ŋisubil ŋiken aasui aasar ni, le ubaa aan faan u nima. Uwumbɔr Mpɔɔnsakpiindaan le puu kina.

Maika 4:7

Binib bi gur na wɔb le ki daa bido, le m ga tii bi mpɔɔn, le bi ga kpaln litimbol kpaan. M ga li bi Sionn Aajool paab le ki joo bi ki ti saa n‑yoonn mu kaa kpa ndoon na.”

Maika 7:14

Uwumbɔr, li bi saanib bi aa lee na chee ke upihdaan na. Bi yaa, ki bi kipɔɔk ni la, le kitiŋ ki nyuun na bi bi chee. Cha bi buen Basann, ni Gilead aapihkpaamoor ti nyuun na ni, ke baah nan bi n‑yaayoonn na pu na.

Sefania 2:7

Juda aanib bi ŋmar na le ga gaa nimi aatiŋ. Baawakor ga li ŋmɔ timoor nima chee la, le bi mu li doo Askelonn aanib aadichal ni. Bidindaan Uwumbɔr ga li bi bi chee ki cha bi ki kan liwangol.

Sefania 3:5

Tɔ, Uwumbɔr mu tee beenin bi kitiŋ ngbaan ponn ni; u ŋani tiwan ni ŋan na n‑yoonn mɔmɔk, kaa ŋani tiwan ni kaa ŋan na kpala. U cha ibamɔn bi waanib chee kichakpiik mɔmɔk ni, le kaa yiil. Le binib bi bi nima chee aan baabimbin aa ŋan na tun taani, kaa san inimɔɔn.

Sekaria 8:12

Bi ga bu baajikaar nsuudoon ni la. Baasubil aasui ga lu ŋisubil, le kitiŋ ga ŋa tijikaar, le utaal ga nu. Maatimbol aanib bi ga ŋmar na le m ga tii bi tinyoor timina mɔmɔk.

Sekaria 8:16

Naah ga ŋa tiwan ni na sɔ: Li len ibamɔn tɔb chee man. Libɔjil ponn ni kan, tii ibamɔn i ga joo ni nsuudoon na.

Sekaria 8:3

M ga gir ni Jerusalem aatiŋ pu. Kima le ye maatiŋ ki bi chain na, le m ga li koo ki ponn ni. Kaayimbil le ga li ye ke kitiŋ ki dii min Uwumbɔr mbamɔm na, le min Uwumbɔr Mpɔɔnsakpiindaan na aagongoln aayimbil ga li ye ke ligongoln li kaa kpa tijɔŋ na.

Matiu 13:41

Min Unibɔn Aabo ga tun ni maatuuntiib dulnyaa wee ni, bi nan chuu titunwanbirdam, ni bitɔtɔŋ mɔmɔk, aan ki nyan bi maanaan ni,

Jɔnn 1:47

Yesu nan waa Natanael choo u chee, le ki bui ke, “Lik, Israel aabobamɔnn. Nnyamɔn aa bi u ni.”

Kolosiya 3:9

Ni taa mɔln inyamɔn ki tuk tɔb; ba pu? ni nan di nimi aabimbikpok aatuln lii a,

1 Piita 3:14

Ni mu yaa kan falaa lituln li ŋan na pu kan, Uwumbɔr aanyoor bi ni pu la. Ni taa san unii ubaa ijawaan, ki taa cha ilandak li joo nimi.

1 Jɔnn 5:18

Ti nyi ke unii umɔk ye Uwumbɔr aabo na aa ki tun titunwanbir; ba pu? Uwumbɔr Aajapɔɔn kii u, le kinimbɔŋ aan ŋmaa ŋa u nibaa.

Tibɔkpiirkaan 14:5

Nnyamɔn mubaa aa bi bimɔi ni. Baa kpa taani ubaa.

Tibɔkpiirkaan 21:27

Tiwan ni kpa tijɔŋ na nibaa aan koo ni ki ponn ni. Binib bi dii ŋiwaa na ponn ni ubaa aan koo ni. Binib bi mɔln inyamɔn na ponn ni ubaa mu aan koo ni. Binib bi aayimbil ŋmee Upihbo ngbaan aamɔfal aagbaŋ ni na baanja le ga koo ni.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”