Sefania 2:9 - Uwumbɔr aagbaŋ

⁹ Maah sil ye Uwumbɔr u bi n‑yoonn mɔmɔk, ki ye Israel yaab Aawumbɔr na, m puu ke m ga kuln Moab ni Amonn aatim ke maah nan kuln Sodom ni Gomora aatim pu na. Mu ga kpaln baah gbii n‑yaan nin chee na, ni baah kuln nin chee kookoo aan timoor gaa nima chee na la. Maanib bi ŋmar na ga yoor baawan ni baatiŋ mu.”

Sefania 2:9 ပူးပေါင်းရင်းမြစ်များ

Aisaya 11:14

Bi ga kpaan le ki ti tak Filistia yaab bi bi liwilir wɔb na, aan ki kpaan ti jenn gaa binib bi bi liwipuul wɔb na mu aawan. Bi ga nyaŋ Edom ni Moab aanib; le Amonn yaab mu ga kii baamɔi.

Aisaya 25:10

Uwumbɔr ga kiir Sionn paab aanib; Moab yaab ma kan, u ga taa diin bi pu, ke inaa aah taa diini likakl tinaanyar ponn ni pu na la.

Aisaya 49:18

Fenn ki lik tiwan ni bi ŋani na. Saanib bi kuuni tɔb chee, ki choo kun ni la. Maah po ye Uwumbɔr u bi n‑yoonn mɔmɔk na pu na, kina le aa ga li kpa limakl saanib pu, ke ubɔndinn aah mak waaleenyaan pu pu na.

Jeremia 46:18

Min Uwumbɔr Mpɔɔnsakpiindaan le ye ubɔr. Min le ye Uwumbɔr u bi n‑yoonn mɔmɔk na. Unii u ga tak si na ga li kpa mpɔɔn ke Tabor Aajool aah paa jer ŋijoo mɔmɔk pu, ki mu ga li kpa mpɔɔn ke Kamel Aajool aah paa jer nnyusakpem pu na la.

Jeremia 48:1

Uwumbɔr Mpɔɔnsakpiindaan aah nan len Moab yaab aabɔr ti na sɔ: “Nebo aanib aatiŋ kuln a, san bi kinimbaak man. Bi nyaŋ Kiriataim aatiŋ a, bi wii kaadir ti pɔɔ ki fɔk na, le kaanib jin inimɔɔn.

Jeremia 49:1

Uwumbɔr aah nan len Amonn aatiŋ aabɔr ti na sɔ: “Israel aajab bi la chee? Ubaa aa bi ki kiir baatiŋ aa? Ba ŋa bi cha Amonn aanib bi dii liwaal Milkom na gaa Gad aanibol aapepel ki kal nima?

Jeremia 49:18

Tiwan ni nan ŋa Sodom ni Gomora aatim aan mu ni ntim mu nan bi gbɔk mu na kuln na, kina le ga ŋa Edom aatiŋ mu. Ubaa aan ki koo nima kpala. Min Uwumbɔr le len kina.

Jeremia 49:33

Hasor ga kpaln nteersakpiin le ki ti saa n‑yoonn mu kaa kpa ndoon na, ikakal ŋmeen le ga li koo nima. Ubaa aan ki koo nima daalbaadaal. Min Uwumbɔr le len kina.”

Jeremia 50:40

Maah nan kuln Sodom ni Gomora aatim, ni ntim mu bi gbɔk mu na pu na, kina le m ga ŋa Babiloŋ mu. Ubaa aan ki koo nima daalbaadaal. Min Uwumbɔr le len kina.

Amos 1:13

Uwumbɔr ki len ke, “Amonn yaab aah tun titunwanbir n‑yoonn mɔmɔk pu na, kina le ga cha m sil daa bitafal. Baah nan jaa kijaak ki ban ntim bi kpee baatiŋ pu na, bi nan ŋa Gilead yaab mbiin pam ki saa gber baapudam aapuu ki nyan mbipɔm.

Amos 2:1

Uwumbɔr ki len ke, “Moab yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi nan jinn Edom aabɔrkpaan aakpab inimɔɔn ki see i mmii ki cha i wun ki ti kpaln nfatan.

Sefania 2:14

Nima chee le ipiih, ni iŋoob, ni inaa, ni tiwakor mɔmɔk aabɔŋ ga li doo. Ifiin ga li koo kaalangbenn ni, le ki wii takolu tiib ni kinyeek. Ikakal ga li tɔk ibisamɔi pu le ki wii nima. Santina tiib aadɔ i bi di maa baadichal na ga nya lir kitiŋ,

Sefania 2:7

Juda aanib bi ŋmar na le ga gaa nimi aatiŋ. Baawakor ga li ŋmɔ timoor nima chee la, le bi mu li doo Askelonn aanib aadichal ni. Bidindaan Uwumbɔr ga li bi bi chee ki cha bi ki kan liwangol.

Sefania 3:13

Israel aanib bi ŋmar na aan tun ubaa taani, kaan gii inyamɔn, kaan ŋmann ubaa. Bi ga kan liwangol, ki li bi ŋŋmarm ni, kaan li san unii ubaa ijawaan.”

Sekaria 2:13

Ni mɔmɔk ŋmin chii Uwumbɔr aanimbiin ni man, ba pu? u nyan ni waakookoo yaan ni bi chain na ni, le ki choo.

Nkahm 14:21

M mu puu ke maah ga li bi aan ki li kpa kipak dulnyaa wee ni ki cha na,

Rom Yaab 14:11

Ni ŋmee Uwumbɔr Aagbaŋ ni ke uma Uwumbɔr len ke, “Ni ye mbamɔn, binib mɔmɔk ga dan nan gbaan nnimbiin ni, ki pak mi, ke min le ye Uwumbɔr.”

Ikaal 29:22

“Niyaabitiib bi ga paa ni nipuwɔb na, ni biwɔwɔm bi nyan ntim mu daa na ni na, ga nan kan tibɔbir ni falaa u Uwumbɔr di lii nimi aatiŋ pu na.

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.