Sefania 2:3 - Uwumbɔr aagbaŋ

³ Fenn gir ni Uwumbɔr chee, nimi binib bi mɔmɔk sunn nibaa taab ki kii waakaal na, fenn gir ni u chee man. Ŋa tiwan ni ŋan na man, ki sunn nibaa taab Uwumbɔr aanimbiin ni. Nibaakan, ni ga nan nya ntafadaan ni, bundaal aan Uwumbɔr ga nan nyan waaŋuul paacham na.

Sefania 2:3 ပူးပေါင်းရင်းမြစ်များ

2 Samuel 12:22

Le David gar bi ke, “Mbamɔn, m nan lul bumɔb, waah nan laa bi na. M nan dak ke nibaakan Uwumbɔr ga san mi kinimbaak ki taa cha u kpo la.

Ilahn 105:4

Li cha Uwumbɔr chee ti ban nterm man; ki li dooni u n‑yoonn mɔmɔk.

Ilahn 149:4

Uwumbɔr neen waanib; u joo linyaŋ tii binib bi sunn bibaa taab na ki nyuŋni bi.

Ilahn 22:26

Bigiim ga ji baah ban pu na la; binib bi choo Uwumbɔr chee na ga pak u. Tii bi nkam n‑yoonn mɔmɔk.

Ilahn 31:20

Saah bi bi chee pu na, le binib bi kpokl bi pu na aa ŋmaa pii bi; aa joo bi bɔrni mbɔbɔr mu ŋan na ni la, le baadim aasiibil aa piir bi.

Ilahn 45:4

Di mpɔɔn buen ki ti kan mbamɔn ni mbimbinyaan aanyaŋ. Saapɔɔn le ga cha aa kan linyaŋ sakpeln.

Ilahn 57:1

San mi kinimbaak, Uwumbɔr, san mi kinimbaak; ba pu? m dan aa chee ki ban ŋŋmarm la. Saafeen ponn ni le m kani lifuur ki ti saa buyoonn ŋimuk sakpiin ga ti jer doo na.

Ilahn 76:9

n‑yoonn mu aa fii sil ke aa ji tibɔr ki gaa baah muk binib bi na lii na, le ni ŋmin chii.

Ilahn 91:1

Unii umɔk chaa Uwumbɔr chee ti ban nkiirm na, unii umɔk bi Uwumbɔr Mpɔɔnsakpiindaan aaŋaal ni na

Nnyam 12:27

ni bui bi ke, ‘Ni ye Lakr‑jer aatork ki ti ŋani ki nyuŋni Uwumbɔr na la, ba pu? njan aatork ngbaan daal le u nan lakr jer timi Israel yaab aadichal pu, Ijipt aatiŋ ponn ni. U nan ku Ijipt yaab, le ki di cha timi.’” Moses aah len kina doo na, le Israel yaab nan gbaan kitiŋ le ki doon Uwumbɔr.

Ŋiyataŋak 18:10

Uwumbɔr naahn lidichal li bi maa aan li pɔɔ ki fɔk na la, nima chee le binib bi aabimbin ŋan na ga buen ki ti kan ŋŋmarm.

Aisaya 1:17

ki bee ni ŋan na ki ŋa kina. Cha ibamɔn ŋa, ki ter bigiim, ki tii nkpobim baabamɔn, ki li kii bikpopiib.”

Aisaya 11:4

u ga di bigiim ni binib bi kaa kpa biteterb na aabamɔn tii bi. Waamɔliin le ga daa binib aatafal, le titunwanbirdam ga kpo.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Jeremia 39:18

M ga li kii si, le baan ku si. Saah kii tii mi pu na le ga cha aa ŋmar. Min Uwumbɔr le len kina.”

Jeremia 45:5

Aa bi ban ke m ŋa si tiwankpaan la aa? Taa ban kina. M ban m cha tibɔbir dan unibɔn mɔmɔk pu la, le aa ma ga ŋmar nin chee mɔk aa ga li bi na. Min Uwumbɔr le len kina.”

Esekiel 13:5

Baa kiir kitiŋ ngbaan aagon nin chee kar lir na, kaa maa leŋni ŋigon ngbaan pu, kina pu na, Uwumbɔr aatɔb aawiin daal yaa nan fuu ni kan, Israel aatiŋ aan ŋmaa kiir kibaa.

Hosea 10:12

Le m bui ke, ‘Ko nkpaakopɔɔn tii nibaa man, di mbimbinyaan bu, ki nan chee naah di nibaa tii mi pu na aanyoor. Ni ŋeer ke ni fenn gir ni min Uwumbɔr chee, le m ga dan ki nan di tinyoor gbiin nimi.’

Hosea 7:10

Israel aanib aagaak wii ban bi la. Hali tiwan ni mɔmɔk ŋa na pu, baa fenn ki gir ni min Bidindaan Uwumbɔr chee.

Jona 3:9

Nibaakan, Uwumbɔr ga kpeln waalandak aan waaŋuul ga sɔŋ, le ti taa kpo.”

Sekaria 8:19

“Bumɔb aalulm bu ni lulni ŋmanaa, ni ŋmaŋmu, ni ŋmalole, ni ŋmapiik ni na ga kpaln mpopiin, ni mmɔɔn aajim le ki tii Juda aanib. Ni li gee ibamɔn ni nsuudoon.”

Matiu 5:5

Binib bi sunn bibaa taab na, Uwumbɔr aanyoor bi bi pu. Bima le ga li yeh dulnyaa wee.

1 Tesalonika 4:1

Tinaabitiib, ti nan mɔk nimi naah ga ŋa pu ki piir Uwumbɔr aasui na. Le ni ŋani kina. Ti gaŋni nimi, ki sur nimi Tidindaan Yesu aayimbil pu ke ni li moo ŋani kina.

1 Tesalonika 4:10

Ni ye mbamɔn la, ni gee tinaabitiib bimɔk bi Masedonia aatim mɔmɔk ni na. Ti gaŋni nimi, ni li moo gee bi.

1 Piita 1:22

Ni kii Uwumbɔr aabɔr ti gbii na la. Nima le cha nimi aabimbin bi chain. Le ni sil gee ninaabitiib. Nima pu na, ni li beenin gee tɔb mbamɔm.

1 Piita 3:4

Tiwan ni ga cha ni li ŋan na le ye mbimbin mu ŋan na. Ni yaa kpa mbimbin suuna kan, nima le ye kinyaan ki kaan fir, ki ŋan sakpen Uwumbɔr chee na.

2 Piita 3:18

Ni moo gaa Tidindaan Yesu Kristo u gaal timi lir na aaterm, ki li moo bae waaliin. Uma le yeh mpakm dandana wee ki ti saa n‑yoonn mu kaa kpa ndoon na. Amii.