Sefania 2:1 - Uwumbɔr aagbaŋ

¹ Ŋa nlan, sin maasanimɔɔn aatimbol,

Sefania 2:1 ပူးပေါင်းရင်းမြစ်များ

2 Bibɔrb Aabɔr 20:4

Binib nan nyan Juda aatim mɔmɔk ni ki buen Jerusalem ni ke bi ti ban Uwumbɔr chee nterm,

Nehemia 8:1

Ki joo cha ni ŋmalole ponn ni na, Israel aanib mɔmɔk nan kal baatim ponn ni. Uŋmal ngbaan aajan aawiin daal le bi mɔmɔk nan kuun ni Jerusalem ponn ni, mbisamɔb mu bi yin mu ke Nnyun Aabisamɔb na chee. Bi nan bui Esra, u nan ye utotoor ki mu bae Nkaal mu Uwumbɔr nan di tii Moses ke u di tii Israel yaab na, ke u ti yoor ni Nkaal Aagbaŋ ngbaan.

Nehemia 9:1

Uŋmabaan ngbaan ponn ni aawiin moninko ni inaa daal le Israel yaab nan kuun ke bi lul bumɔb ki mɔk baapombiin baatunwanbir pu. N‑yoonn mue na bi nan yakr biwɔwɔm bi ŋmal bi ponn ni na chee. Bi nan pee tiwanpeenkaan ni saak kuub na, le ki di titan puŋ biyil, bisui aah bii pu na pu. Le bi sil ki kpiir baatunwanbir, ni biyaajatiib mu aatunwanbir pu.

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Jeremia 3:3

Nima pu le utaal aa nan ki nu, le utakuutaal mu aa nan ki nu. Ni sil naahn bidagoob la; naa san inimɔɔn.

Jeremia 6:15

Baa nan san inimɔɔn, baajɔŋ aatun ŋee pu. Aayii, baa nan san inimɔɔn kpala; baa kpaan nyi baah ga mɔk pu ke inimɔɔn joo bi na. Kina pu le bi mu ga lir ke biken aah lir pu na; m yaa nan daa bitafal kan, baadoon le ga li bi na. Min Uwumbɔr le len kina.”

Joel 1:14

Cha binib mɔmɔk lul bumɔb man; yin binib mɔmɔk aan bi kuun ni. Kuun binib bimɔk ye bisalolm na, ni Juda aatiŋ aanib mɔmɔk aan bi mɔmɔk dan Nidindaan Uwumbɔr Aadichal ni ki nan wii yin u.

Sefania 3:5

Tɔ, Uwumbɔr mu tee beenin bi kitiŋ ngbaan ponn ni; u ŋani tiwan ni ŋan na n‑yoonn mɔmɔk, kaa ŋani tiwan ni kaa ŋan na kpala. U cha ibamɔn bi waanib chee kichakpiik mɔmɔk ni, le kaa yiil. Le binib bi bi nima chee aan baabimbin aa ŋan na tun taani, kaa san inimɔɔn.

Sekaria 11:8

Maaŋuul nan fii bipihkpaab bitaa bi kaa gee mi na pu, le m jenn bi mɔmɔk uŋmabaan ni.

Matiu 18:20

Binib bilee, bee bitaa, yaa kuun tɔb chee maayimbil pu kan, m ga li bi bikaasisik ni.”