Sefania 1:7 - Uwumbɔr aagbaŋ

⁷ Uwumbɔr aawiin peen ni a, nwiin mundaal Uwumbɔr ga ji binib tibɔr na peen ni a, kina pu na, li ŋmin suuna man. Uwumbɔr gor ke u kɔr waanib ke kitork aawakor na la, le ki yin baadim ke bi nan yoor baawan.

Sefania 1:7 ပူးပေါင်းရင်းမြစ်များ

Job Aagbaŋ 24:1

Ba ŋa Uwumbɔr aa siin libɔjil aawiin, ba ŋa waa siin binib bi dii u na aabamɔn aawiin?

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Aisaya 13:3

Uwumbɔr yin waatɔb aajab bi kpa kigaak ki nyi bibaa pu na ke bi nan jan mbamɔn aajaak ki daa waah gee binib bi pu liŋuul na aatafal.

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 2:12

Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Aisaya 29:2

le Uwumbɔr ga di tibɔbir lii kitisakpeŋ ki bi yin ki ke “Uwumbɔr aatork aabimbiln” na pu. Ikpowiil ni iwiil ga li bi ki ponn ni, le kitisakpeŋ ngbaan mɔmɔk ga li gbii nsin ke kitork aabimbiln paab na.

Aisaya 34:5

Uwumbɔr toor waajaak aajuk paacham, le dandana ki ga gaa Edom yaab, binib bi u bui ke bi ga doo na.

Aisaya 34:6

Waajaak aajuk po ga li ye nsin ni nkpan ŋmeen la, ki ga li naahn ipiih ni iŋoob i bi di toor kitork na aasin ni nkpan la. Uwumbɔr ga toor kitork kimina Bosra aatisakpeŋ ni la; u ga ŋa linikul sakpeln limina Edom aatiŋ ni la.

Aisaya 6:5

Le m bui ke, “Maabɔr doo a. Maamɔfal junn le na; ba pu? tibɔr timɔk nyani mmɔb ponn ni na ye titunwanbir aabɔr la, le maah bi binib bi ponn ni na mu aabɔr ye titunwanbir la. Le nimina mɔmɔk aapuwɔb, m kan Ubɔrkpaan ngbaan, Uwumbɔr Mpɔɔnsakpiindaan.”

Jeremia 46:10

Din wee le ye Tidindaan Uwumbɔr Mpɔɔnsakpiindaan aawiin, din le u ga teen waadim; din le u ga daa waadim aatafal. Waajaak aajuk ga geei bi ki ti bab, le ki nyu baasin ki ti gbii. Din wee le Uwumbɔr Mpɔɔnsakpiindaan ga di waadim toor kitork ŋŋangan wɔb, Yufrates aamɔɔl chee.

Esekiel 7:10

Israel yaab aabɔbir aawiin choo.

Esekiel 7:7

Nimi binib bi bi kitiŋ pu na aadoon choo. N‑yoonn peen ni le njim aan ki li bi ŋijoo aawaachur ni, see nlanŋmal ŋmeen.

Joel 1:15

Uwumbɔr aawiin peen ni a; nwiin mundaal Mpɔɔnsakpiindaan ga bii tiwan mɔmɔk doo na peen ni a. Ba aajawaan aaboln aan kina aawiin ga joo ni.

Joel 2:11

Uwumbɔr tar ke utaal na ki tuk waatɔb aajab baah ga ŋa pu na. Waajab bi kii tii waamɔb na wiir ki kpa mpɔɔn. Uwumbɔr aawiin ngbaan daal kan, ubaa aan li wii aan uŋeen aatɔ ka laa. Ubaa aan ŋmar nwiin ngbaan daal.

Joel 2:31

Nwiin ga bɔln, le uŋmal mann ke nsin na waahr aan Uwumbɔr aawiin daal nin fuu ni. Mu ga li ye nwiin sakpiin mu kpa ijawaan na la.

Amos 6:10

Utekpel aado yoo, u yeh waakpuul na, le ga yoor linikpol ngbaan nyan lidichal ngbaan ni. Udo yoo ngbaan ga yin unii umɔk gur lidichal ngbaan ni na ki baa ke, “Unii ubaa ki gur ki bi aa chee ee?” Le nneel ga kii ke, “Aayii.” Le udo yoo ngbaan ga bui ke, “Li ŋmin suuna. Ti ga chuu tibaa le ki taa ki yin Uwumbɔr aayimbil.”

Amos 8:3

Liyaadaal ngbaan kan, baah gaa ilahn i libɔrdichal ni na ga kpaln ikpowiil la. Ŋinikpol ga po li dɔ ni kookoo la. Le bi ga di bi mae liŋmiŋmiln.”

Habakuk 2:20

Uwumbɔr bi Waadichal li bi chain na ni, cha kitiŋ kee mɔmɔk ŋmin chii unimbiin ni.

Sefania 1:14

Uwumbɔr aawinkpaan ngbaan peen ni, mu peen ni ki choo mala mala. Mu ga li ye mpombiin daal la, hali bijab bi kaar na ga wii itaakpayɔl pu.

Sekaria 14:1

Nwiin mundaal Uwumbɔr ga kal ki ji binib tibɔr na peen ni a. Le bi ga yoor Jerusalem aawan mpɔɔn buen, ki ga yakr tiwan ngbaan ninimbil ni.

Sekaria 2:13

Ni mɔmɔk ŋmin chii Uwumbɔr aanimbiin ni man, ba pu? u nyan ni waakookoo yaan ni bi chain na ni, le ki choo.

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Matiu 22:4

Le u ki tun bitutum biken ke bi ti yin bi ki tuk bi, ‘Ubɔrkpaan len ke u gor tijikaar mɔmɔk doo a. U kɔr inaaja ni tiwakor ti filk na, ki gor tiwan mɔmɔk doo a,’ ke bi dan.

Rom Yaab 3:19

Tɔ, ti nyi ke nkaal aah len pu na mɔmɔk len binib bi bi mu chee na la. Nima le dulnyaa wee ni aanib mɔmɔk aabɔr bii Uwumbɔr chee. Ubaa aan ŋmaa len tibaa ke u nyan ubaa tibɔr ni Uwumbɔr chee.

Rom Yaab 9:20

Njɔ, aa ye ŋma ki kpak Uwumbɔr? Tiwanaankaan aan baa unii u naan ni na, “Ba ŋa aa naan mi kina?”

Filipi 4:5

Ni li bi suuna binib mɔmɔk chee man. Tidindaan ga gir ni dandana wee.

Kolosiya 1:12

ki li dooni u; ba pu? uma le ŋa nimi binib bi ŋeer ke bi kan tiwan ni u ga tii waanib, nwiihn aanaan ni na.

1 Samuel 16:5

Le Samuel bui bi ke, “Een, m dan m nan toor kitork tii Uwumbɔr la. Toor nibaa man, aan ti buen.” U nan toor Jese ni ujapɔtiib ke bi dan kitork ngbaan ni.

1 Samuel 20:26

Sɔɔl mu aa nan len tibaa liyaadaal ngbaan; ba pu? u nan dak ke, “Nibaa le ga li ŋa u, le waa toor ubaa kiir njim ngbaan.”