Sefania 1:5 - Uwumbɔr aagbaŋ

⁵ M ga kuln unii umɔk joi ŋidichal aapaacham ki ti dooni nwiin, ni uŋmal, ni iŋmabi na. M ga kuln binib bi mɔmɔk dooni mi ki bui ke bi ga kii maamɔb, ki tee puur liwaal li bi yin li ke Milkom na.

Sefania 1:5 ပူးပေါင်းရင်းမြစ်များ

1 Bibɔrb 11:33

Solomonn aa yii mi ki dooni ŋiwaa na pu le m ga ŋa kina. U dooni Saidonn yaab aawaapii Astaate; ni Moab yaab aawaal Kemos, ni Amonn yaab aawaal Molek. Solomonn yii maamɔb; u tun mi taani, kaa joo maakaal, ni maah bui u pu na, ke ute David aah nan joo pu na.

1 Bibɔrb 11:5

U nan dooni Saidonn aawaapii Astaate, ni Amonn yaab aawaal Molek li bir na.

1 Bibɔrb 18:21

Elaija nan buen binib ngbaan chee le ki ti bui ke, “Ni ga ki yunn kinye aan ni kpeln nimi aalandak? Uwumbɔr le yaa ye Nidindaan kan, ni li dooni u; liwaal Baal le yaa ye nidindaan kan, ni li dooni li.” Tɔ, binib ngbaan aa nan gar tibaa.

2 Bibɔrb 17:32

Binib bimina nan dooni Uwumbɔr mu, le ki nyan bibaa ni aanib mɔk aabɔŋ le bi ye baawaa aawaadam ke bi li toor kitork nima tii bi.

2 Bibɔrb 17:33

Kina pu na, bi nan dooni Uwumbɔr, le ki mu ki dooni baawaa baah nyan ni ntim mu ni na aakaal aah mɔk pu na.

2 Bibɔrb 17:41

Kina pu na, binib ngbaan nan dooni Uwumbɔr le ki mu ki dooni baawaa; le biyaabitiib beenin ŋani kina ki nan saa din.

2 Bibɔrb 23:12

Ubɔr Josia nan ber ŋiwaa aatork aabimbin ŋi Juda yaab aabɔrb nan maa tɔŋ Ubɔr Ahas aadir paab libɔrdichal aapaacham na mɔmɔk, le ki ber Ubɔr Manase mu aah nan maa ŋiwaa aatork aabimbin ŋi Uwumbɔr Aadichal aachin ŋilee na ponn ni na; u nan gbaa wɔi ŋiwaabimbin ngbaan le ki di ŋi mee Kidronn aafataŋ ni.

Aisaya 22:1

Tibɔr timina ye kifataŋ ki ponn ni Uwumbɔr kpiir tiwan mɔk waanib na aabɔr la. Ni ye ba bi ŋani? Ba ŋa binib ngbaan mɔmɔk bi ji njim baadichal aapaacham.

Aisaya 44:5

Binib ga dan ubaabaa ki nan bui ke, ‘M ye Uwumbɔr yoo la.’ Bi ga dan nan kpaan Israel yaab chee. Bi mɔmɔk ga ŋmee Uwumbɔr aayimbil paan biŋaal pu, ki li yin bibaa ke bi ye Uwumbɔr aanib la.”

Aisaya 45:23

Maah puu tipuur ti na gbii, kaan kpeln daalbaadaal. M sil puu mbaa pu ke: Unibɔn mɔmɔk ga dan nan gbaan nnimbiin ni, ki puu ke waan nyan mpuwɔb daalbaadaal.

Aisaya 48:1

Nimi Israel aanib bi ye Juda aayaabitiib na, li pel man tibɔr tee: Ni puu tipuur Uwumbɔr aayimbil pu, ki bui ke ni dooni nimi Israel yaab Aawumbɔr la, le naa bi nisui ni kpala.

Jeremia 12:16

Bi yaa gaa maanib aah dii nsan mu na, ni bisui mɔmɔk, ki puur tipuur ke, ‘Uwumbɔr u bi na’ pu, ke baah nan cha maanib puur tipuur tii liwaal Baal pu na kan, bi mu ga li bi maanib ponn ni ki ga kan liwangol.

Jeremia 19:13

Jerusalem aadichal, ni Juda aabɔrb aadichal, ni ŋidichal ŋi mɔmɔk pu bi nan seer tulalee aayon tii iŋmabi, ni nin chee bi nan joo ndaan kpir tii ŋiwaa na mɔmɔk pu, ga li kpa tijɔŋ ke Tofef na la.”

Jeremia 32:29

ki see ki mmii. Bi ga see ki ni tidir ti pu binib seer tulalee aayon tii liwaal Baal ti paab, ki joo ndaan toor kitork tii ŋiwaa, ki cha maaŋuul fii bi pu na mɔmɔk mmii ni.

Jeremia 4:2

ni ga ŋmaa puu tipuur maayimbil pu. Le ŋitimbol mɔmɔk ga bui mi ke m ŋa maanyoor ŋa bi pu, ki ga pak mi.”

Jeremia 49:1

Uwumbɔr aah nan len Amonn aatiŋ aabɔr ti na sɔ: “Israel aajab bi la chee? Ubaa aa bi ki kiir baatiŋ aa? Ba ŋa bi cha Amonn aanib bi dii liwaal Milkom na gaa Gad aanibol aapepel ki kal nima?

Jeremia 5:2

Ni bui ke ni dooni Uwumbɔr la, le nisui aa joo kina.

Jeremia 5:7

Le Uwumbɔr baa ke, “Ni ga ŋa kinye aan m di maanib aatunwanbir cha pinn bi? Bi yii mi ki siir cha mi, le ki dooni ŋiwaa. M kpiin maanib le bi jin ti bab, le ki tee fii ti tun kidagook aatuln le ki chuun dii bipiib bi joo bibaa kooh na.

Jeremia 7:10

Ni ŋani tiwan ni maa gee ni na, le ki dan nan sil nnimbiin ni, min mbaa Aadichal ni, ki bui ke, ‘Ti kpa ŋŋmarm.’

Jeremia 7:9

Ni su kinaayuk, ki ku binib, ki gɔr kidagook, ki mɔni inyamɔn tipuur pu, ki toor kitork tii liwaal Baal, le ki dooni ŋiwaa ŋi naa nan nyi daalbaadaal na.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Hosea 10:2

Binib bi aasui ni ye ŋŋmann ŋmeen na ga ji baatunwanbir aafalaa. Uwumbɔr ga gbaa wii baawaa ni ŋaabimbin ngbaan ki tur ŋi lir.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Amos 5:26

Tɔ, dandana wee, naah dii ki toor liwaal Sakuf li ye nimi aawaabɔr na, ni liwaal Kaiwann li ye liŋmabil aanaŋ na, nima pu na, ni ga li joo tiwanaankaan ngbaan

Matiu 6:24

“Unii ubaa aan ŋmaa li ye dindatiib bilee aanaagbiija; u ga li nan ubaa, le ki gee uken; u ga li si ubaa aachaŋ ni, le ki lik uken fam. Naan ŋmaa dii Uwumbɔr ni liwankpal mu.

Lituln 10:9

Naah woln kitaak na, le bi bi nsan ni, ki peen Jɔpa aatiŋ ni. Nwiin kaasisik ni, le Piita jon kidiik paab u ti mee Uwumbɔr.

Rom Yaab 14:11

Ni ŋmee Uwumbɔr Aagbaŋ ni ke uma Uwumbɔr len ke, “Ni ye mbamɔn, binib mɔmɔk ga dan nan gbaan nnimbiin ni, ki pak mi, ke min le ye Uwumbɔr.”

Ikaal 10:20

Ni kii Nidindaan Uwumbɔr aamɔb aan ki li dooni uma baanja. Ni li si chob ki dii u mbamɔm, ki li puur tipuur waayimbil baanja pu.

Ikaal 4:19

Ni taa cha nibaa tɔŋ nimi aan ni li dooni tiwan ni ni waa kitaapaak, ni ye nwiin, ni uŋmal, ni iŋmabi na. Nidindaan Uwumbɔr le di tiwan nimina mɔmɔk tii binib bi mɔmɔk bi dulnyaa wee ni na.

Josua 23:7

nima kan, naan di nibaa ŋmal biniyayam bi gur ki bi ni chee na ni, ki mu taa yin baawaa aayimbil, ki taa di ŋaayimbil puu tipuur, ki taa doon ŋiwaa ngbaan kpala, ki taa gbaan ŋinimbiin ni.