Sefania 1:4 - Uwumbɔr aagbaŋ

⁴ “M ga daa Jerusalem aatiŋ, ni Juda aapepel aanib mɔmɔk aatafal. M ga kuln kookoo aanib bi gur ki dooni liwaal li bi yin li ke Baal na, ki kuln baawaadam bi toor li na.

Sefania 1:4 ပူးပေါင်းရင်းမြစ်များ

2 Bibɔrb 21:13

M ga daa Jerusalem yaab aatafal ke maah nan ŋa Samaria aatiŋ, ni Israel yaab aabɔr Ahab ni uyaabitiib pu na. M ga ŋar Jerusalem aatiŋ aanib ŋŋaan chain ke baah ŋir lisambil chain chain ki labr li chiŋni pu na.

2 Bibɔrb 23:12

Ubɔr Josia nan ber ŋiwaa aatork aabimbin ŋi Juda yaab aabɔrb nan maa tɔŋ Ubɔr Ahas aadir paab libɔrdichal aapaacham na mɔmɔk, le ki ber Ubɔr Manase mu aah nan maa ŋiwaa aatork aabimbin ŋi Uwumbɔr Aadichal aachin ŋilee na ponn ni na; u nan gbaa wɔi ŋiwaabimbin ngbaan le ki di ŋi mee Kidronn aafataŋ ni.

2 Bibɔrb Aabɔr 34:4

U nan cha waajab gbaa wɔi Baal aawaa aatork aabimbin, ki gbaa ber ŋibimbin ŋi pu bi nan seer nnyɔknii na. Bi nan nan liwaapii Asera aanaŋ ni ŋiwaa ŋiken le ni ti kpaln ntayon, le bi di ntayon ngbaan yaa yaa binib bi nan toor ŋi na aakaakul pu.

Nnyam 15:12

Sin le taln aaŋangii, le kitiŋ di timi aadim di nab.

Jeremia 15:6

Nimi le yii mi, ni fenn nipuwɔb tii mi. Kina pu le m taln ŋŋaal ki faa nimi, ba pu? maa nan ki ŋmaa chuu maaŋuul.

Jeremia 6:12

Bi ga di baadichal, ni baakpaakon, ni bipuutiib tii binib bibaa la. M ban m daa kitiŋ kee pu aanib aatafal la.

Esekiel 25:7

Naah ŋa kina na pu le m ga di nimi tii ŋitimbol ŋiken aan ŋi su nimi kinaayuk ki yoor nimi aawan. M ga kuln nimi pel pel aan naan ki li ye litimbol, kaan ki li kpa nibaa aatingbaln. N‑yoonn ngbaan le ni ga bee ke min le ye Uwumbɔr.”

Esekiel 6:14

Mbamɔn, m taln ŋŋaal le ki kuln baatiŋ. M ga cha ki kpaln nkuun, ki nya ŋŋangii wɔb nteersakpiin ni, ki ti saa Ribla aatiŋ ki bi ŋŋangan wɔb na, kaan di cha nin chee mɔk Israel yaab koo na. Le unii mɔk ga bee ke min le ye Uwumbɔr.”

Hosea 10:5

Binib bi koo Samaria aatiŋ ni na ga san ijawaan ki wii, baah ga lann salmaa aanaaja aawaal li bi naan siin Bef Afenn ni na pu. Bi ni bitotoorb bi dooni liwaal ngbaan na ga wii li pu. Buyoonn baadim chuu nyan laasalmaa aanyaan na le bi ga li kaani.

Maika 5:13

M ga bii nimi aawaa, ni nimi aatakpal ŋi ni dooni na; naan ki doon tiwan ni, ni di nibaa aaŋaal naan ni na.

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Sefania 2:13

Uwumbɔr ga di waapɔɔn kuln Asiria aatiŋ. U ga cha kaatiyil Ninefa kpaln tilangbenn, ni nteersakpiin mu kaa kpa nnyun na.