Sefania 1:3 - Uwumbɔr aagbaŋ

³ m ga kuln binib, ni tiwakor, ni inyoon, ni ijan mɔmɔk. M ga cha bibiindam lir baatun mɔmɔk ni. M ga kuln unibɔn, ubaa aan ŋmar. Min Uwumbɔr le len kina.

Sefania 1:3 ပူးပေါင်းရင်းမြစ်များ

Mpiin 6:7

Le u bui ke, “M ga kuln unibɔn, ni ipeel, ni tiwakor, ni inyoon, ni tiwan ni fu na mɔmɔk; ba pu? nsui bii maah naan unibɔn aan u tun titunwanbir ti na pu.”

Aisaya 27:9

Israel yaab yaa nan baawaatakpal ke nfatan na, ki kuln nnyɔknii aabimbin ni liwaapii Asera aanaŋ kan, Uwumbɔr ga di baatunwanbir cha pinn bi.

Aisaya 6:11

Le m baa ke, “Ndindaan, nimina ga yunn kinye?” Le u gar mi ke, “Ki ti saa n‑yoonn mu ntim ngbaan ti kuln, nibaa aa ki bi mu ni na; buyoonn unii aa ti ki bi ŋidichal ni na; buyoonn kitiŋ kee kibaa aa ti ki kpa tinyoor tibaa na.

Aisaya 6:12

Min Uwumbɔr ga cha binib nya buen dandar ki kuln ki mɔmɔk.

Jeremia 12:4

Timi aatiŋ ga li kuun kina ki ti saa bayoonn? Timoor ti bi ikpaakon ni na mu yɔl yɔl. Tiwakor ni inyoon kpoi timi aanib aatunwanbir pu la; bima le len ke, ‘Uwumbɔr aa kani taah tun pu na.’”

Jeremia 50:3

“Litimbol li nyan ni ŋŋangan wɔb na dan ke li nan tak Babiloŋ, le ki ga ŋa ki nteersakpiin. Binib ni tiwakor ga san, le ubaa aan ki li koo nima.”

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Jeremia 9:10

Le m bui ke, “M ga wii ŋijoo aakpowiil ki wii tiwakor aamoŋmɔpaan aah kuur pu aan ubaa aa chuun nima chee pu na aakpowiil. Inaa aawiil ŋmin chii; inyoon ni ipeel fii ki san buen a.”

Esekiel 44:12

Tɔ, min Bidindaan Uwumbɔr puu tipuur kpaan ke baah nan toor ŋiwaa aatork tii Israel aanib, ki di bi koon titunwanbir aatun ni na, see bi kan ntafadaan.

Esekiel 7:19

Bi ga di baasalmaa ni tikunabr mae kitiŋ ponn ni ke timoor na; ba pu? baasalmaa ni tikunabr aan ŋmaa gaa bi lii buyoonn Uwumbɔr di waaŋuusakpeln lii ni bi pu na. Baan ŋmaa di ni kuln baakpeek, bee bi di ni gbiin bipuu. Salmaa ni tikunabr le di bi koon titunwanbir ponn ni.

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Hosea 14:8

Israel aanib aatafal aan ki li bi ŋiwaa ni; m ga kii baameel ki li joo bi. M ga li kii bi ke busub bu aafar aa gbaar na la; min le ye nin chee baanyoor mɔmɔk ga nya ni na.”

Hosea 4:3

Kina pu le kitiŋ ga kuur, le tiwan nimɔk bi ki pu na ga kpoi. Tiwakor, ni inyoon, ni ijan mu ga kpoi.”

Sekaria 13:2

N‑yoonn ngbaan kan, m ga nyan ŋiwaa aayimbil mɔmɔk kitiŋ ngbaan pu, le ubaa aan ki teer ŋibɔr daalbaadaal. M ga jenn nyan unii umɔk ŋmann ke u ye maabɔnabr na, le ki nyan binib bimɔk tun lituln li kaa ŋan na kitiŋ ngbaan ni.

Matiu 13:41

Min Unibɔn Aabo ga tun ni maatuuntiib dulnyaa wee ni, bi nan chuu titunwanbirdam, ni bitɔtɔŋ mɔmɔk, aan ki nyan bi maanaan ni,

Matiu 23:39

M tuk nimi la, naan ki kan mi ki nan saa bundaln ni ga bui ke ‘Uwumbɔr ŋa tinyoor ŋa unii u choo waayimbil ni na pu.’”

Tibɔkpiirkaan 2:14

Tɔ, m mu galn nimi tibɔr tibaa pu. Ba pu? Ni ponn ni bibaa joo Balaam aamɔkm; uma le nan mɔk Ubɔr Balak waah ga ŋa pu ki tɔŋ Israel yaab bi ti ŋmɔ libaawol aanann, ki gɔr kidagook, aan Uwumbɔr daa bitafal na.