Sefania 1:2 - Uwumbɔr aagbaŋ

² Uwumbɔr bui ke, “M ga kuln tiwan mɔmɔk kitiŋ kee pu,

Sefania 1:2 ပူးပေါင်းရင်းမြစ်များ

Mpiin 6:7

Le u bui ke, “M ga kuln unibɔn, ni ipeel, ni tiwakor, ni inyoon, ni tiwan ni fu na mɔmɔk; ba pu? nsui bii maah naan unibɔn aan u tun titunwanbir ti na pu.”

2 Bibɔrb Aabɔr 24:24

Siria aajab ngbaan nan par pam, le Uwumbɔr cha bi nyaŋ Juda aajapaak. Binib ngbaan aah nan yii uma, u ye biyaajatiib Aadindaan Uwumbɔr na, le nan cha ni ŋa kina. Kina le Uwumbɔr nan di daa Ubɔr Joas aatafal.

2 Bibɔrb Aabɔr 36:21

Kina pu na, Uwumbɔr aah nan cha waabɔnabr Jeremia len pu na gbiin ke, “Kitiŋ ngbaan ga doon nkuun ki ti saa ŋibin imonko itaa ni kipiik, ki teen Likpaakool daal aafuur li bi nan yii kaa kal fuur na.”

Aisaya 6:11

Le m baa ke, “Ndindaan, nimina ga yunn kinye?” Le u gar mi ke, “Ki ti saa n‑yoonn mu ntim ngbaan ti kuln, nibaa aa ki bi mu ni na; buyoonn unii aa ti ki bi ŋidichal ni na; buyoonn kitiŋ kee kibaa aa ti ki kpa tinyoor tibaa na.

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 36:29

Uwumbɔr nan bui mi ke m tuk ubɔr ke, “Aa see kigbaŋ ngbaan mmii, le ki baa Jeremia ke ba ŋa u ŋmee kigbaŋ ke Babiloŋ aabɔr ga dan ki nan kuln kitiŋ kee ki ku kaanib ni tiwakor.

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Inandalahn 2:17

Uwumbɔr nan ŋa waah faan ke u ga ŋa pu na. U kuln timi kaa san timi kinimbaak, ke waah nan sak timi n‑yoonn mu jer na pu na. U tii timi aadim linyaŋ, u cha ti lir le ki tii bi mpopiin.

Maika 7:13

Tɔ, kitiŋ kee tee ga kpaln nteer ŋmeen, binib bi bi ki pu na aatunwanbir pu.