Sefania 1:18 - Uwumbɔr aagbaŋ

¹⁸ Nwiin mundaal Uwumbɔr ga mɔk waaŋuul na kan, hali baakunabr ni salmaa aan ŋmaa gaa bi lii. Waaŋuul li wu ke mmii na le ga kuln kitiŋ kee mɔmɔk. U ga kuln unii umɔk bi kitiŋ kee pu na aamɔfal mala.

Sefania 1:18 ပူးပေါင်းရင်းမြစ်များ

Mpiin 6:7

Le u bui ke, “M ga kuln unibɔn, ni ipeel, ni tiwakor, ni inyoon, ni tiwan ni fu na mɔmɔk; ba pu? nsui bii maah naan unibɔn aan u tun titunwanbir ti na pu.”

1 Bibɔrb 14:22

Juda aanib nan tun Uwumbɔr titunwanbir ki ŋa taani u jer biyaajatiib mɔmɔk aah nan ŋa pu na le ki fiin waaŋuul.

Job Aagbaŋ 21:30

Bundaal aan Uwumbɔr aaŋuul fii aan u dar binib aatafal na, bibiindam le ŋmar n‑yoonn mɔmɔk.

Job Aagbaŋ 3:15

M ba ga li geeni ke bitinjoob bi di salmaa ni tikunabr gbiin baadichal ni na,

Ilahn 78:58

Bi nan cha waaŋuul fii baah dooni ŋiwaa nin chee na pu, ki cha usui fii baawaa ngbaan pu.

Ilahn 79:5

Uwumbɔr, saaŋuul ga li bi ti pu n‑yoonn mɔmɔk la aa? Saaŋuul ga li beenin gaal ke mmii na la aa?

Ŋiyataŋak 11:4

Nwiin mundaal aa ni nkun ga kan tɔb na, liwankpal aan ŋmaa gaa si lii, le saabamɔn ma ga gaa si lii.

Ŋiyataŋak 18:11

Biwankpadam ma dak le ke baawangol kii bi ke ŋigon ŋi bi maa gob kitisakpeŋ aan ŋi fɔk ki pɔɔ na la.

Aisaya 1:24

Kina pu na, li pel man Uwumbɔr Mpɔɔnsakpiindaan, Israel yaab Aadindaan u kaa kpa ŋeen aatɔ na aah len pu na: “M ga teen nimi maadim, aan naan ki ŋa mi tibɔbir tibaa.

Aisaya 10:17

Uwumbɔr u ye Israel yaab aawiihn na ga kpaln mmii. Israel yaab Aawumbɔr u bi chain na ga kpaln mmiigaal mu ga di nwiin mubaa baanja ki di wu tiwan mɔmɔk doo na, hali ikokon ni ŋinaabukar mɔmɔk ga wu.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Jeremia 7:34

Kitiŋ ngbaan ga kpaln nteersakpiin la. Mpopiin, ni mmɔɔn aafuuk, ni tibɔndinn aajim aamɔɔn ga doo Juda aatim, ni Jerusalem ponn ni.

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Esekiel 16:38

M ga di kidagook ni linikul le mɔk saabɔr aah bii pu na, le maaŋuul li fii ki pɔɔ na ni, m di nkun daa aatafal.

Esekiel 23:25

Maaŋuul aah fii aa pu pu na pu, le baaŋuul ponn ni m ga cha bi ŋa si baah gee pu na. Bi ga gii nyan aamɔfal ni aatafal, ki ku saabim. Mbamɔn, bi ga nyan aajapɔtiib ni aabisatiib aa chee, le ki ti see bi mmii ki ku bi.

Esekiel 7:11

Mbimbin mu pɔɔ na moo kpae la. Kipupuk nyaŋ sakpen a. Mbimbin mu pɔɔ na joo ni mbiin la. Baawangol, ni baanyaan, ni baanyuŋ nibaa kina aan gur.

Esekiel 7:19

Bi ga di baasalmaa ni tikunabr mae kitiŋ ponn ni ke timoor na; ba pu? baasalmaa ni tikunabr aan ŋmaa gaa bi lii buyoonn Uwumbɔr di waaŋuusakpeln lii ni bi pu na. Baan ŋmaa di ni kuln baakpeek, bee bi di ni gbiin bipuu. Salmaa ni tikunabr le di bi koon titunwanbir ponn ni.

Esekiel 7:5

Tidindaan Uwumbɔr aah ki len pu na sɔ: “Tibɔbir tibaa ga dan aa pu le tiken paan ni.

Sefania 1:11

Nimi bi bi kitiŋ ngbaan aanyaŋ ni wɔb na, ni li wii ikpowiil, ba pu? binib bi mɔmɔk chuun daa ki tiir na ga kpo.

Sefania 1:15

Mu ga li ye liŋuusakpeln daal la, mu ga li ye libiil ni liwonyɔl daal la, mu ga li ye libiil ni likuln daal la, mu ga li bɔɔn ki kpa ntaalangbam pam,

Sefania 2:2

waahr aan ki nin kuur ki kpo ke mmopuun na, waahr aan Uwumbɔr nin mɔk waaŋuul li wu ke mmii na aawiin nin fuu ni aa chee.

Sefania 3:8

Uwumbɔr nan ki bui ke, “Ni li kii man. Li ŋmin man ki li kii bundaal aan m ga fii sil ki galn ŋitimbol na. M ŋa nlandak ke m kuun ŋitimbol ni nnaan, ki cha ŋi bee maaŋuul aah pɔɔ pu na. M ga di maaŋuusakpeln li wu ke mmii na le di kuln kitiŋ kee mɔmɔk.

Matiu 16:26

Unii yaa kan dulnyaa wee ni aawan mɔmɔk ki lann waamɔfal kan, ba aanyoor le u kan? Unii tee ga di ba ki daa waamɔfal?

1 Korenti 10:22

Ti ban Tidindaan li kpa lipiipoln ti pu uu? Ti kpa mpɔɔn jer u uu?

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.