Sefania 1:17 - Uwumbɔr aagbaŋ

¹⁷ Uwumbɔr ki bui ke, “M ga cha tibɔbir ngbaan aaboln dan unibɔn pu aan unii mɔmɔk li chuun baani ke ujoon na. Bi tun mi taani, le m ga cha baasin puu ke nnyun na, le baanikpol ga li dɔ kitiŋ ki ti bur.”

Sefania 1:17 ပူးပေါင်းရင်းမြစ်များ

Ilahn 83:10

Aa nan nyaŋ bi Endor aatiŋ pu, le bi dɔ nima ki ti bur.

Aisaya 29:10

Uwumbɔr le cha ni doon ki geen kaan finn mala. Nimi Uwumbɔr aabɔnabr le ba ye binib aanimbil, le Uwumbɔr ŋum ninimbil.

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Jeremia 10:18

Uwumbɔr ban u jenn nyan nimi kitiŋ kee pu la; u ga gbaa ni mɔmɔk le ubaa aan gur. Uwumbɔr le len kina.

Jeremia 15:3

Min Uwumbɔr le siin ke tibɔbir nfum munaa pu ga kan bi: bi ga kpo butɔb ni, le ibɔ ga fuul baawon buen, le inyoon ga ji ti, le ipeel ga di ti gur na ŋmɔ.

Jeremia 18:21

Tɔ, Uwumbɔr, cha nkon ku baabim; cha bi kpoi butɔb ni. Cha baapiib lann bichatiib ni baabim; cha iween ku bijab, aan baanachipɔm mu kpoi butɔb ni.

Jeremia 2:17

Israel yaab, nimi le joo ni nimina niyil pu. Ni yii min, Nidindaan Uwumbɔr, buyoonn m nan cheeni nimi cha na.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 3:25

Ti ga doon kitiŋ le ki cha timi aanimɔɔn biin ti pu. Timi ni tiyaajatiib tun Tidindaan Uwumbɔr titunwanbir le n‑yoonn mɔmɔk; taa kii waamɔb daalbaadaal.”

Jeremia 4:18

Juda yaab, naah bi mbimbin mu na, ni ŋitun ŋi ni tun na le cha ni joo ni nima nibaa pu. Nimi aatunwanbir le joo ni falaa umina; ti saa chaar nipobil a.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Inandalahn 1:14

U ŋmee maatunwanbir mɔmɔk bil le ki buu ti mɔmɔk kpaan tɔb ni. U nan di ti leen nneen ni, le taanyunyuun nyii mi bil kitiŋ. Uwumbɔr di mi tii maadim, le maa nan kpa mpɔɔn mubaa bi chee.

Inandalahn 1:18

Tɔ, Uwumbɔr kpa mbamɔn, min le yii waamɔb. Ŋipepel mɔmɔk aanib, li pel m chee man, lik maah bi iween i ponn ni na man. Bi chur maanachipɔm ni bipiisapɔm tinaagbiir.

Inandalahn 1:8

Kaanyuŋ doo a; ki gur nkuun la, le bi gur lik ki fam. Ki ker idun le ki bɔrni inimɔɔn pu. Jerusalem aatiŋ di titunwanbir le ŋa kibaa tijɔŋ.

Inandalahn 2:21

Binib bi por na, ni bi kaa por na mɔmɔk kpoi kitiŋ ponn ni la. Bidim aajaak aajum le ku binachipɔm ni bisapɔm mɔmɔk. Saaŋuul aawiin daal le aa kɔr bi mɔmɔk, kaa san bi kinimbaak.

Esekiel 16:38

M ga di kidagook ni linikul le mɔk saabɔr aah bii pu na, le maaŋuul li fii ki pɔɔ na ni, m di nkun daa aatafal.

Esekiel 24:7

Linikul nan bi kitiŋ ngbaan ponn ni; nsin ngbaan mu aa nan yaa nin chee titan ga ŋmaa biin mu pu na; mu yaa litakpal pu la.

Esekiel 24:8

M di cha nsin ngbaan nin chee mu aan ŋmaa bɔr na, nima chee le mu dɔ ki joo liŋuul ban mu teen lipɔln.”

Amos 4:10

“Le m tun ni iween nan lii ni pu ke maah nan di lii Ijipt aatiŋ ni pu na. M nan ku nimi aanachipɔm butɔb ni, ki di nimi aataan mu buen. Le ŋinikpol aanunun gbiin nimɔfataabun ni, ni nimi aakookoo yaan chee. Nee aapuwɔb na, naa di cha nimi aatunwanbir ki gir ni m chee ke m di cha pinn nimi.

Maika 7:13

Tɔ, kitiŋ kee tee ga kpaln nteer ŋmeen, binib bi bi ki pu na aatunwanbir pu.

Matiu 15:14

Taa gar bi man. Bi ye bisanmɔkb bi jɔb na la. Ujoon yaa mɔk ujoon nsan kan, bi mɔmɔk bilee ga lir libuul ponn ni la.”

Rom Yaab 11:25

Nnaabitiib, m ban ke ni bee tibɔbɔrkaan tibaa, aan ki taa li dak ke ni kpa nlan sakpen. Juu yaab bibaa kpak tibɔnyaan tee la, ki ga kpak ti ki nan saa buyoonn binib bi kaa ye Juu yaab aan Uwumbɔr lee bi na ga ŋmar na.

Rom Yaab 11:7

Kina kan, ni bi kinye? Israel yaab aah ban pu na, baa kan. Binib bi Uwumbɔr nyan bi na le kan. Bi gur na gaa biyil.

2 Korenti 4:4

Kinimbɔŋ ki joo dulnyaa aanib na le jɔb binib bi kaa gaa Yesu ki kii na aanimbil, ke tibɔnyaan tee taa woln binimbil. Tibɔnyaan tee tuk timi Kristo aah ŋan sakpen pu na. U ye Uwumbɔr aanaŋ la.

2 Piita 1:9

Unii u lann mbimbin ngbaan aaboln na kan, u jɔb la. U suln ke Uwumbɔr nan finn u ki nyan titunwanbir ti nan bi usui ni na.

1 Jɔnn 2:11

Unii umɔk nan una aabo na bi mbɔmbɔɔn ni la, le ki dii mbɔmbɔɔn aasan. Mbɔmbɔɔn ngbaan jɔb unimbil la, nima le waa nyi waah cha nin chee na.

Tibɔkpiirkaan 3:17

Ni len ke ni ye biwankpadam ki kan liwangol kaa lann nibaa, kaa tee nyi ke ni kpa kinimbaak, ki ye bigiim, ki ye bijoom, ki si niŋmeen la.