Sefania 1:16 - Uwumbɔr aagbaŋ

¹⁶ mu ga li ye nwiin mundaal bijab ga pii butɔb aakpiin, ki faa butɔb aakuun, ki tak ntim mu bi maa tidifɔfɔŋ ni ŋigon kiir mu na la.

Sefania 1:16 ပူးပေါင်းရင်းမြစ်များ

Aisaya 27:13

Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Aisaya 32:14

Hali libɔrchiln na mu ga kpaln nkuun, le litiyil na mu ga kpaln nkuun, ubaa aan ki li bi li ni. Ŋidichal ni ŋigon ŋi kiir ŋi na mɔmɔk ga kuln, kaan ki fii daalbaadaal. Ibon i bi timoor ni na le ga li gur chuun nima, le ipiih mu kan nin chee i ga li ŋmɔ timoor na.

Aisaya 59:10

le ti chuun tuul ke bijoom na. Ti chuun nwiin pu le ki gbeer, ke naah ye kinyeek le na, ki naahn ke taah bi kitekpiitiŋ ni le na.

Jeremia 6:1

Benjaminn aanib, li san ban ŋŋmarm man. San nya Jerusalem ni man. Pii ukpiin Tekoa aatiŋ ni, ki tuur limɔkl aamii Bef Hakerem aatiŋ ni man. Tibɔbir ni libiil ban ni nya ni ŋŋangan wɔb ki dan la.

Jeremia 8:16

Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Esekiel 7:7

Nimi binib bi bi kitiŋ pu na aadoon choo. N‑yoonn peen ni le njim aan ki li bi ŋijoo aawaachur ni, see nlanŋmal ŋmeen.

Hosea 5:8

Pii butɔb aakpiin Gibea aatiŋ ni man. Faa nkuun Rama aatiŋ ni man. Faa butɔb aakuun Bef Afenn aatiŋ ni. Benjaminn aajab, fii buen butɔb ni man.

Hosea 8:1

Uwumbɔr bui ke, “Faa nkuun man. Bidim boon nan lir maatiŋ pu ke ŋikaagii na la. Maanib bii tipuur ti m nan puu tii bi na, le ki yii maamɔkm.

Joel 2:1

Pii kakaan man; faa nkuun Sionn aajool li ye Uwumbɔr aajool ki bi chain na paab. Juda aatiŋ aanib, cha niwon li gbaa man. Uwumbɔr aawiin peen ni a.

Amos 3:6

Ukpiin yaa wii kitiŋ ni kan, ijawaan chur binib mɔmɔk la. Tibɔbir aan ŋmaa koo ni kitisakpeŋ ni kaa nyan ni Uwumbɔr chee.

Habakuk 3:6

U yaa sil kan, kitiŋ deŋni la; le u yaa yaar lik kan, ŋitimbol jii. Ŋijoo ŋi bi n‑yoonn mɔmɔk na wur la; le n‑yoonn mɔmɔk aagongon na mu ber lir kitiŋ. Ŋima pu le u nan chuun n‑yaayoonn na.

Ikaal 28:52

Nidindaan Uwumbɔr aah ban u di kitiŋ ki tii nimi na, bi ga tak nimi, nimi aatim mɔmɔk ni. Nimi aagon fɔfɔk ŋi ni maa ki dak ke ŋi pɔɔ na ga lir.

Josua 6:20

Josua aah len ti doo na, le bitotoorb na pii iyiin, le bijab faa ikaa, le ligoln sakpeln ngbaan lir kitiŋ. Le bijab ngbaan san koo kitiŋ ngbaan ni, ki ton bi butɔb, le ki nyaŋ kitiŋ ngbaan aanib.