Sefania 1:14 - Uwumbɔr aagbaŋ

¹⁴ Uwumbɔr aawinkpaan ngbaan peen ni, mu peen ni ki choo mala mala. Mu ga li ye mpombiin daal la, hali bijab bi kaar na ga wii itaakpayɔl pu.

Sefania 1:14 ပူးပေါင်းရင်းမြစ်များ

Aisaya 15:4

Hesbonn ni Eleale aanib wii la, le Jahas aatiŋ aanib ti ŋun baawiil pu. Hali butɔb aajab aawon gbaa la, le bitaakpab yɔl.

Aisaya 33:7

Bipobidam wii ki ban nterm la. Bitutum bi pɔɔk bibaa bi joo ni nsuudoon na wii iwiil la.

Aisaya 66:6

Li pel man, kifuuk sakpeŋ ki bi kitiŋ ponn ni na, ni ki bi Uwumbɔr Aadichal ni na, ki ye Uwumbɔr aah bi dar waadim aatafal pu na aafuuk la.

Aisaya 8:22

bee bi si lik kitiŋ, kaan li waa nibaa see falaa ni mbɔmbɔɔn ŋmeen, mbɔmbɔɔn mu kpa ijawaan aan bi cha bi ti koo mu ni na.

Jeremia 25:36

Uwumbɔr aaŋuul ponn ni le u kuln nimi aatimbol ki cha nimi aasuudoon aatiŋ nkuun, le ni wii ki ŋuuni ke inaa na.

Jeremia 30:7

Ijawaan sakpiin aawiin mubaa choo; nwiin ngbaan aaŋeen aatɔ aan li bi, maanib aapombiin aayoonn le bi na, bi mu tee ga ŋmar.”

Jeremia 46:5

Le Uwumbɔr baa ke, “Tɔ, ni ye ba m waa na? Ijawaan chuu bi le bi fenn bipuwɔb. Bidim nyaŋ baajab le bi fenn bipuwɔb ijawaan aah chuu bi sakpen pu na, le bi san mala mala kaa ki fenni lik bipuwɔb.

Jeremia 48:41

le ki nyaŋ kaatim, ni ntim mu bi maa ŋigon gob mu na. Liyaadaal ngbaan kan, Moab aajab ga san ijawaan ke imalween aah joo upii u na.

Esekiel 12:23

Tɔ, tuk bi min Bidindaan Uwumbɔr aah kpa pu ki joo cha kina wɔb na. M ga cha kina aayataŋakl doo. Ubaa aan ki ŋakl li Israel aatiŋ pu daalbaadaal. Tuk bi ke: N‑yoonn fuu ni, le tibɔnabrkaan bi gbiini.

Esekiel 30:3

Nwiin mundaal Uwumbɔr ga fii sil na duun ni a, mu ga li ye ntaalangbam ni tibɔbir aawiin le ki tii ŋitimbol.

Esekiel 7:12

N‑yoonn ngbaan choo. N‑yoonn peen ni, le kitiirk aan nan ki li kpa ŋitaa; ba pu? Uwumbɔr aah ga nan daa unii mɔmɔk aatafal pu na ga li ye mbaa la.

Esekiel 7:16

Bibaa ga san buen ŋijoo ni ke ŋinanjel ŋi tiwan faani ŋi tifatann ni na la. Bi mɔmɔk ga li du baatunwanbir pu.

Joel 1:15

Uwumbɔr aawiin peen ni a; nwiin mundaal Mpɔɔnsakpiindaan ga bii tiwan mɔmɔk doo na peen ni a. Ba aajawaan aaboln aan kina aawiin ga joo ni.

Joel 2:1

Pii kakaan man; faa nkuun Sionn aajool li ye Uwumbɔr aajool ki bi chain na paab. Juda aatiŋ aanib, cha niwon li gbaa man. Uwumbɔr aawiin peen ni a.

Joel 2:11

Uwumbɔr tar ke utaal na ki tuk waatɔb aajab baah ga ŋa pu na. Waajab bi kii tii waamɔb na wiir ki kpa mpɔɔn. Uwumbɔr aawiin ngbaan daal kan, ubaa aan li wii aan uŋeen aatɔ ka laa. Ubaa aan ŋmar nwiin ngbaan daal.

Joel 2:31

Nwiin ga bɔln, le uŋmal mann ke nsin na waahr aan Uwumbɔr aawiin daal nin fuu ni. Mu ga li ye nwiin sakpiin mu kpa ijawaan na la.

Joel 3:14

Binib ŋichur ŋichur le gbii Libɔjil Aafataŋ ngbaan ni. Nima chee le Uwumbɔr aawiin ngbaan ga gbeen fuu ni mala.

Joel 3:16

Uwumbɔr tar ke uchinn na Sionn aajool pu; uneel nyan ni Jerusalem aatiŋ ni, ke utaal aah tar pu na; le kitiŋ ni kitaapaak jii. U mu tee ga li kii waanib.

Amos 8:2

Le Uwumbɔr bui mi ke, “Buyoonn maanib Israel yaab ga doo na ŋeer le na; maan ki kpeln maalandak ke maan daa bitafal.

Sefania 1:10

Uwumbɔr ki bui ke, “Liyaadaal ngbaan kan, ni ga ŋun iwiil pu Ujan Aabisamɔb chee, Jerusalem aatiŋ ni. Ni ga ŋun ikpowiil pu baah laa maa tidipɔnn kitiŋ ngbaan ponn ni nin chee na, ki ŋun ŋidichal aah lir pu na aafuuk ŋigongon paab.

Sefania 1:7

Uwumbɔr aawiin peen ni a, nwiin mundaal Uwumbɔr ga ji binib tibɔr na peen ni a, kina pu na, li ŋmin suuna man. Uwumbɔr gor ke u kɔr waanib ke kitork aawakor na la, le ki yin baadim ke bi nan yoor baawan.

Malakai 4:5

“Tɔ, waahr aan min Uwumbɔr aawinbiik ngbaan daal nin fuu ni na, m ga tun ni maabɔnabr Elaija ni chee.

Lituln 2:20

nwiin ga bɔln, le uŋmal mann ke nsin na, waahr aan Uwumbɔr aawiin daal nin fuu ni. Mu ga li ye nwiin sakpiin mu kpa liyimbil na.

Filipi 4:5

Ni li bi suuna binib mɔmɔk chee man. Tidindaan ga gir ni dandana wee.

1 Tesalonika 4:16

Ba pu? Tidindaan ubaa ga nyan ni paacham ki sunn ni. U yaa sunn ni kan, le ti ga ŋun nneel sakpiin, ni Uwumbɔr aatuuntiib aaninkpel aaneel, ni Uwumbɔr aakakaan aawiil.

Hiibru Yaab 12:26

N‑yaayoonn na waaneel nan cha kitiŋ deŋ. Dandana wee u puu tipuur ke u ga ki cha kitiŋ ni paacham mɔk deŋ.

Jemisi 5:9

Nnaabitiib, ni taa ŋulni tɔb pu man aan Uwumbɔr taa ji nimi tibɔr. Ni gur siib, u ga ji binib tibɔr.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.