Sefania 1:13 - Uwumbɔr aagbaŋ

¹³ Bidim ga yoor baawangol buen, le baadichal ber. Baan koo ŋidichal ŋi bi bi maa na ponn ni, kaan nyu baah bi ŋumni ndaan aasubil aasui i na aadaan kpala.”

Sefania 1:13 ပူးပေါင်းရင်းမြစ်များ

Aisaya 6:11

Le m baa ke, “Ndindaan, nimina ga yunn kinye?” Le u gar mi ke, “Ki ti saa n‑yoonn mu ntim ngbaan ti kuln, nibaa aa ki bi mu ni na; buyoonn unii aa ti ki bi ŋidichal ni na; buyoonn kitiŋ kee kibaa aa ti ki kpa tinyoor tibaa na.

Jeremia 15:13

“M ga cha maanib aadim dan ki nan gaa baawangol, ni baawan, aan ki daa bitafal, titunwanbir ti bi tun kitiŋ kee mɔmɔk pu na pu.

Jeremia 17:3

ni ŋijoo paab, ikpaakon ni. M ga cha nimi aadim nan yoor nimi aawangol ni nimi aawankpal buen, naah tun titunwanbir ti kitiŋ kee mɔmɔk pu na pu.

Jeremia 4:20

Libiil libaa dii liken la; kitiŋ ngbaan mɔmɔk ber doo a. Libuul ni le bi bii timi aadir doo; le ki gbaa wiil ti mɔmɔk.

Jeremia 4:7

Uchinn aah nyani waabɔbɔryaan ni pu na, kina le unii u bii ŋitimbol na nyan ni. U choo u nan bii Juda aatiŋ la. Juda aatim ga kpaln tilangbenn la, le ubaa aan ŋmaa koo mu ni.

Jeremia 5:17

Bi ga di nimi aajikaar ni njikaabim nab; bi ga ku nijapɔtiib ni nibisatiib. Bi ga nan kɔr nimi aawakor mɔmɔk, ki kuln nimi aasubil aasui mu. Baajab ga nan ber naah maa ŋigon kiir ntim mu ki mak mu pu na mɔmɔk.

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Jeremia 9:19

Li pel man iwiil aafuuk Sionn aatiŋ ni, “Timi aamɔfal junn a. Ti kpaln binimɔɔnib la. Ti ga nya cha timi aatiŋ la; bi ber timi aadichal a.”

Inandalahn 5:2

Timi aawangol gur bi biwɔwɔm aaŋaal ni la; bima le koo timi aadichal ni.

Esekiel 22:31

Kina pu na, m ga chuu buur maaŋuul lii bi pu, le ki kuln bi ke mmii na, baah tun pu na pu.” Bidindaan Uwumbɔr le len kina.

Esekiel 7:19

Bi ga di baasalmaa ni tikunabr mae kitiŋ ponn ni ke timoor na; ba pu? baasalmaa ni tikunabr aan ŋmaa gaa bi lii buyoonn Uwumbɔr di waaŋuusakpeln lii ni bi pu na. Baan ŋmaa di ni kuln baakpeek, bee bi di ni gbiin bipuu. Salmaa ni tikunabr le di bi koon titunwanbir ponn ni.

Esekiel 7:21

Uwumbɔr len ke, “M ga cha biwɔwɔm su bi nnaayuk pɔɔn, le binib bi bii ikaal na yoor baawangol ki bii li.

Esekiel 7:24

M ga cha ŋitimbol ŋi tun titunwanbir sakpen na dan do ki nan gaa nimi aadichal. M yaa cha ŋitimbol ngbaan bii naah dooni nimi aawaa ŋi na kan, nimi aajab bi pɔɔ sakpen na aawon ga yɔl.

Amos 5:11

Ni muk bigiim le ki gaal baah kpa tijikaar ni tiwan siib ni na. Kina pu na, naan koo ŋitakpal aadichanyaan ŋi ni maa siin na ni, kaan nyu naah ŋum ŋisubil aasui i na aadaan mu.

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Maika 6:15

Ni ga bu njikaabim, ki mu aan chee tijikaar. Ni ga nyan nkpan olif aasubil ni, ki mu aan ŋmaa di mu ŋa nibaa. Ni ga ŋaa ndaan, ki mu aan nyu mu.

Sefania 1:9

M ga daa binib bi mɔmɔk aa taar mbisamɔb na aatafal. Bi su kinaayuk mu, ki ku binib, ki joo baawan ti bilni baawaadir ni na.”

Ikaal 28:30

“Aa ga li ban ke aa yoor usapɔɔn, le uniyayan ga yoor u ki cha si. Aa ga maa lidichal, ki mu aan koo li ponn ni. Aa ga ko ŋisubil aasaak, ki mu aan ji ŋisubil ngbaan.

Ikaal 28:39

Ni ga bu ŋisubil aasui ki toor i mbamɔm, le ki mu aan nan kan ŋisubil ki ker ki nyu ŋaadaan; ba pu? ŋikpaambil le ga dan nan ŋmɔ tifar ni mpuun mɔmɔk.

Ikaal 28:51

Bi ga di nimi aawakor ni tijikaar ji, le nkon ku nimi. Baan ki gur nimi tijikaar, ni ŋisubil aadaan, ni olif aakpan, ni tiwakor, le ni ga kpo.