Sefania 1:1 - Uwumbɔr aagbaŋ

¹ Uwumbɔr aah nan di waabɔr ti tuk Sefania, buyoonn Amonn aajapɔɔn Josia nan ye Juda aabɔr na sɔ. Sefania nan ye Kusi aajapɔɔn la. Le Kusi mu aate nan ye Gedalia, u mu aate nan ye Amaria na, le Amaria mu aate nan ye ubɔr Hesekia.

Sefania 1:1 ပူးပေါင်းရင်းမြစ်များ

2 Bibɔrb 21:18

Manase nan kpo, le bi di u sub libɔrdichal aasaak ni, Usa aasaak le nan bi na, le ujapɔɔn Amonn nab waanaan pu.

2 Bibɔrb 21:26

Bi nan di Amonn sub Usa aasaak aakaakul ni la, le ujapɔɔn Josia nab waanaan pu.

2 Bibɔrb Aabɔr 33:20

Manase nan kpo, le bi sub u libɔrdichal ni, le ujapɔɔn Amonn nab waanaan pu.

Jeremia 1:2

Uwumbɔr nan len Jeremia chee tibɔr, buyoonn Amonn aajapɔɔn Josia nan ye Juda aabɔr na aabin kipiik ni litatar ponn ni na la,

Jeremia 22:11

Uwumbɔr aah len Josia aajapɔɔn Salum u nan ka ute aajal pu ki ye Juda aabɔr na aabɔr ti na sɔ, “U nyan do, kaan ki gir ni daalbaadaal.

Jeremia 25:3

“Ŋibin moninko ni ŋitaa ponn ni, ki nya Amonn aajapɔɔn Josia aah nan ye Juda aabɔr pu na aabin kipiik ni litatar ni ki nan saa din wee na, Uwumbɔr len m chee tibɔr, le m mu aa kee yii kaa di waah len pu na tuk nimi. Le ni yii, kaa pel waah len pu na.

Esekiel 1:3

Kebar Aamɔɔl chee, Babiloŋ aatiŋ ni, nima chee, le m ŋun Uwumbɔr len m chee tibɔr le ki cha waapɔɔn gbiin mi.

Hosea 1:1

Bibɔrb bimina aah nan jin jin nnaan ki paan paan tɔb pu n‑yoonn mu aan Jehoas aajapɔɔn Jeroboam mu nan ye Israel aabɔr na, le Uwumbɔr nan di tibɔr timina tuk Beeri aajapɔɔn Hosea: Juda aabɔrb ngbaan le nan ye Usia, uma le nan puen jin nnaan, le Jotam paan u pu, le Ahas mu nan paan Jotam pu, le Hesekia ti gbeln puwɔb.

2 Timoti 3:16

Iliin imɔk bi Uwumbɔr Aagbaŋ ni na nyan ni Uwumbɔr chee la. Le i mɔmɔk kpa tinyoor, ki mɔk timi waasan, ki sur timi, ki toor timi aabimbin, ki mɔk timi taah ga li dii mbamɔm pu na.

2 Piita 1:19

Nima le mɔk timi ke Uwumbɔr aabɔnabtiib aah nan len Yesu aabɔr pu na, bi len mbamɔn la. Ni ŋan ke ni kii baah len pu na. Baaliin bi ke karyaa u wiin mbɔmbɔɔn ni na aah bi pu na. I ga woln ninimbil ki ti saa buyoonn Yesu Kristo ga gir ni ki nan woln ninimbil mbamɔm na.