Rom Yaab 9:4 - Uwumbɔr aagbaŋ

⁴ Bi ye Israel yaab la. Uwumbɔr nan ŋa bi waabim, ki nyuŋ bi, ki puu tipuur tii bi, ki tii bi waakaal, ki mɔk bi baah ga li dooni u pu na, ki bui bi waah ga ŋa tinyoor pu ki ŋa bi pu na.

UWONBƆR A GBƆNPƆŊ LIKƆƆNL

⁴ bi ma ye Iziral yaab. Bi ma le Uwonbɔr nan ta bi kpann U bimarim; ki che bi jɔɔ U tɔɔl a pag, ki poo tipoopɔnn sei bi, ki sei bi U siim, ki wɔɔn bi baah li jiɛn U man iwonjiɛn niin, le ki siin bi limɔsiinl.

Rom Yaab 9:4 ပူးပေါင်းရင်းမြစ်များ

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

Mpiin 17:10

Aa ni aayaabitiib mɔmɔk kii ke ni ga li geei mbijabim bi mɔmɔk ni ga maa na aachakpan.

Mpiin 17:2

M ga puu tipuur tii si ke aa ga li kpa yaabitiib pam.”

Mpiin 17:7

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

1 Bibɔrb 8:11

ki wiin, ki joo Uwumbɔr aawiihn mu moor lak lak na, le baa nan ki ŋmaa gir koo ki ti tun baatun.

Nehemia 13:29

Uwumbɔr, teer binib ngbaan aah nan bii bitotoorb aatuln, ni tipuur ti aa nan puu ki tii bitotoorb ni Liifai yaab na.

Ilahn 147:19

U joo waamɔboln tii waanib Israel yaab, u tii bi waakaal ni waamɔkm.

Ilahn 63:2

Cha m kan si saadichal ni, cha m kan saah kpa mpɔɔn, ni kipak pu na.

Ilahn 73:1

Uwumbɔr sil kpa Israel yaab pu tiŋann, u kpa binib bi aasui ponn ni ŋan na pu tiŋann.

Ilahn 78:61

U nan cha timi aadim nyaŋ timi ki gaa Nkaal Aadakaa u ye waapɔɔn ni kipak aamɔkl na.

Ilahn 89:3

Aa len ke, “M puu tipuur tii uja u m lee u na, uma le ye maatutunn David; m puu tii u ke,

Ilahn 89:34

Maan bii maah puu tipuur tii u na, kaan bar tipuur ngbaan pu kibaa.

Ilahn 90:16

Cha timi saatutum kan saapɔɔn sakpiin aatun; Cha timi aayaabitiib kan saapak sakpeŋ.

Nnyam 12:25

N‑yoonn mu ni ti koo kitiŋ ki Uwumbɔr puu ke u ga di tii nimi na ni kan, ni li toor kitork ngbaan tiŋann,

Nnyam 34:27

Uwumbɔr nan ki bui Moses ke, “Ŋmee tibɔr ngbaan bil; ba pu? tibɔr tee pu le m ga puu tipuur tii sin ni Israel yaab mɔmɔk.”

Nnyam 4:22

Aa ga bui u ke min Uwumbɔr len ke, ‘Israel yaab le ye maajan aabijabo.

Nnyam 40:34

N‑yoonn ngbaan, Uwumbɔr aataalangbam nan biin Libool pu, le waawiihn mu moor ki deer ŋinimbil na gbiin li ponn ni.

Aisaya 41:8

Le nimi maatutum Israel yaab, ni ye binib bi m lee bi na la, njɔ Abraham aayaabitiib.

Aisaya 46:3

“Jakob aayaabitiib, nimi Israel yaab ponn ni bimɔk ŋmar na, li pel m chee man. Buyoonn bi nan ma nimi na, min le nan joo nimi.

Aisaya 5:2

U nan kuun ŋitakpal le ki kon ki ŋum isui i lu ŋisubil ŋi ŋan na ki ponn ni, le ki maa libimbifɔfɔŋ ke bi li ka li paab ki kiir kisaak na, le ki gbii libuul litakpasakpeln ni, li bi ga di ŋisubil ŋa li ponn ni na aan ki ŋmaa ŋaanyun nyan na; le ki kii buyoonn ŋisubil ga puir na; le ŋisubil na mɔmɔk nan mɔɔn la.

Aisaya 60:19

Nwiin aan ki li ye nimi aawiihn nwiin pu, le uŋmal mu aan ki li ye nimi aawiihn kinyeek; min Uwumbɔr le ga li ye nimi aawiihn mu kaan junn na, maanyuŋ aawiihn le ga li wiin ni pu.

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Jeremia 31:33

Maah ga puu tipuupɔln ti tii Israel yaab na ga li ye le ke: M ga di maakaal ŋa baalandak ni, ki ŋmee mu bisui ponn ni. M ga li ye Baawumbɔr, le bi li ye maanib.

Jeremia 31:9

Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Esekiel 1:28

ki bi ke waakpimanja aah bi pu na. Nwiihn mu nan deer ŋinimbil ngbaan na le nan mɔk ke Uwumbɔr bi nima chee.

Hosea 11:1

Uwumbɔr len ke, “Israel aah nan laa ye ubo pu na, m nan gee u, le ki nan yin u nyan ni Ijipt aatiŋ ni ke maabo na.

Nkahm 7:89

N‑yoonn mu Moses buen Uwumbɔr Aabool ni u ti len Uwumbɔr chee tibɔr na, le u ŋun Uwumbɔr len u chee tibɔr, tiwan ni bi Nkaal Aadakaa pu aapaacham ki kpa ifeen na aakaasisik ni.

Matiu 21:33

“Li pel man liyataŋakl liken. Udichadaan ubaa le nan bi le ki naan kisaak, le ki ŋum isui i lu ŋisubil na ki ponn ni, le ki di idɔ gob kisaak ngbaan, le ki gbii libuul li bi ga di ŋisubil ŋa li ponn ni na aan ki mueni nyani ŋaanyun na, le ki maa libimbifɔfɔŋ ke unii li ka li paab ki kiir kisaak ngbaan, le ki yin bikpaab bibaa, le ki di kisaak ngbaan ŋa biŋaal ni, ke bi li lik ki. Isui ngbaan yaa nan lun ŋisubil kan, bi ker ki tii u, aan ki ker bibaa mu. Waah ŋa kina na, le u siir ki buen kitiŋ ki daa na ni.

Jɔnn 1:17

Uwumbɔr nan tuk Moses waakaal ke u di tuk timi. Yesu Kristo dan nan tuk timi Uwumbɔr aah gee timi pu na, ki tuk timi tibɔr ti ye mbamɔn na.

Jɔnn 1:47

Yesu nan waa Natanael choo u chee, le ki bui ke, “Lik, Israel aabobamɔnn. Nnyamɔn aa bi u ni.”

Lituln 2:39

Tidindaan Uwumbɔr nan puu tipuur ke u ga di Waafuur Nyaan tii nimi, ni nimi aabim, ni binib bi bi ni daa na: u ga tii binib bi u ga yin bi na mɔmɔk.”

Rom Yaab 3:2

Een, bi jer bi tiwan aabɔŋ ni la. Ni jer tiwan mɔmɔk na le ye ke Uwumbɔr nan di waabɔr ŋa bima le aaŋaal ni.

Rom Yaab 8:15

Nfuur Nyaan mu Uwumbɔr tii nimi na, mu aa joo nimi tinaagbiir ke ni san ijawaan. Waafuur Nyaan le ŋa nimi waabim, le ki cha ti yin u ke “Nte.”

Rom Yaab 9:6

Uwumbɔr aah puu tipuur ti tii Israel yaab na, maa len ke waa gbiin tipuur ngbaan. Bi ye Israel aayaabitiib la. Ni mu aa ye bi mɔmɔk le ye Israel yaab bamɔm.

2 Korenti 11:22

Biŋmaŋmannim ngbaan ye Hiibru yaab la aa? M mu ye. Bi ye Israel yaab la aa? M mu ye. Bi ye Abraham aayaabitiib la aa? M mu ye.

Galantiya 3:16

Uwumbɔr nan puu tipuur tii Abraham ni uyaabil la. Waa len ke uyaabitiib, kaa len ke kinipaak, u len ke unibaan la. U nan len ke uyaabil la. Uma le ye Kristo.

Efesusi 2:12

N‑yoonn ngbaan, naa nan kpaan Kristo chee, kaa nan ye binib bi Uwumbɔr nyan bi na ponn ni bibaa, kaa nan bi tipuur ti Uwumbɔr nan puu tii bi na ni. Ni nan bi dulnyaa wee ni, kaa nan kpa limakl, kaa nan nyi Uwumbɔr.

Ikaal 14:1

“Ni ye Nidindaan Uwumbɔr aanib la. Nima pu na, nimi aanii yaa kpo kan, ni taa di kijuk gii niwon nibaa chee, ki mu taa kuu niyigbeer pu aayikpir lii, ke ŋinibol ŋiken aah ŋani pu na.

Ikaal 29:1

Tipuur timina le Uwumbɔr nan bui Moses ke uma Uwumbɔr puu tii Israel yaab, Moab yaab aatiŋ ni. Tipuur timina le nan ki kpee tipuur ti Uwumbɔr nan puu tii bi Sainai Aajool chee na pu.

Ikaal 29:14

Naa ye nimi baanja le Uwumbɔr ban u puu tipuur ngbaan tii ke ni li joo ti,

Ikaal 31:16

Uwumbɔr nan bui Moses ke, “Naan yunn le aa ga kpo. Saakun aapuwɔb, binib ngbaan ga fenn cha mi, ki bii tipuur ti m nan puu tii bi na. Bi ga di mi lii, le ki buen ti doon baah ban bi koo kitiŋ ki ni na aanib ngbaan aawaa.

Ikaal 4:13

U nan tuk nimi naah ga ŋa pu aan ki li joo waah nan puu tipuur ti tii nimi na pu na; ke ni pɔɔn nibaa ki kii tii ikaal kipiik i u nan ŋmee paan ŋitakpal ŋilee pu na.

Ikaal 7:6

Naah ye Nidindaan Uwumbɔr aanib pu na, ni ŋa kina. Nimi le u nyan dulnyaa aanib mɔmɔk ni, ke ni li ye uma ubaa aanib.

Hiibru Yaab 9:1

Uwumbɔr aah nan puu njan aapuur tii bi na, u nan mɔk bi baah ga doon u pu na. Bi nan kpa libool li bi ga li dooni u li ponn ni, aan binib gaa li na.

Hiibru Yaab 9:10

Nkaalkpok ngbaan mɔk bi tijikaar ni tiwanyukaan ni kɔ na, ni ni kaa kɔ na, ki mɔk bi baah ga finn bibaa ki ŋa chain pu na. Ni nan mɔk ke see bi dii kina le ki nan saa buyoonn Yesu ga joo ni nsanpɔɔn mu ŋan na.

Hiibru Yaab 9:3

Bi nan di likekeln gii libool ngbaan ponn ni lipepel libaa wɔb, ki yin li ke chain chain.

Hiibru Yaab 9:5

Tiwan ni kpa ifeen na nilee mu nan bi dakaa ngbaan paab. Nima chee le Uwumbɔr nan mɔk Israel yaab waah wiin chain pu na. Tiwan ngbaan aafeen nan biin dakaa ngbaan aabiil pu, Uwumbɔr aah san bi kinimbaak nin chee na. Taan ŋmaa len tiwan nimina mɔmɔk aatataa nibaabaa dandana wee.

Hiibru Yaab 9:6

Baah di tiwan nimina mɔmɔk siin kina na, le bitotoorb koo mɔb aadiik ni iwiin mɔmɔk, bi ti tun lituln tii Uwumbɔr.