Rom Yaab 9:32 - Uwumbɔr aagbaŋ

³² ba pu? baa gaa Uwumbɔr ki kii. Bi dak ke baatuln pu le Uwumbɔr ga len ke baabɔr ŋan. Bi yii Yesu Kristo le ki lir;

UWONBƆR A GBƆNPƆŊ LIKƆƆNL

³² Ba ŋa wee baa kan naa? Nan bu-n baa nan nɔɔ ke bi yada le yin che bin kan ni, amaa bi nan ŋaan le ke bi toon yin li yin che bin kan nin. Le ki gbiɛr “litangbagil gbiɛrikaal.”

Rom Yaab 9:32 ပူးပေါင်းရင်းမြစ်များ

Aisaya 8:14

Maah bi chain sakpen pu na, m naahn litakpal li binib gbeer li na la. M naahn kitaŋ ki chuu Israel ni Juda aanaan aanib, ni Jerusalem aanib na la.

Aisaya 8:15

Pam ga gbeer; bi ga lir ki wɔi. Kitaŋ ngbaan ga chuu bi.”

Matiu 13:57

Bi nan len kina le ki yii u. Le Yesu bui bi, “Binib pak Uwumbɔr aabɔnabtiib see bido aatiŋ ni aanib, ni baachiln ni aanib baanja le aa pak bi.”

Tibɔnyaan ti Luk ŋmee ti na 2:34

Le Simeonn ŋa Uwumbɔr aanyoor ŋa bi pu, le ki bui ubo ngbaan aana Mari, “Uwumbɔr nyan ubo ngbaan ke u sunn timi Israel yaab ponn ni pam taab, ki nyuŋ ti ponn ni pam mu. U ye limɔkl li binib pam ga yii li na.

Tibɔnyaan ti Luk ŋmee ti na 7:23

Unii u kaa joo mi beeni na, Uwumbɔr aanyoor bi u pu.”

Rom Yaab 10:3

Baa nyi Uwumbɔr aah ŋa pu aan ki len ke binib aabɔr ŋan u chee na. Bi nan ban ke bi dii nkaal aan ki ŋmar, ki yii Uwumbɔr aah ŋa pu ki cha binib aabɔr ŋan u chee na.

Rom Yaab 11:11

Nima pu le m baa ke: Juu yaab lir ke bi taa ki fii ii? Naa bi kina kpala. Baah lir na, nima le cha binib bi kaa ye Juu yaab na ŋmar, aan Juu yaab li kpa lipiipoln bi pu.

Rom Yaab 4:16

Nima le Uwumbɔr puu tipuur tii binib bi gaa u ki kii na. Uwumbɔr aah gee binib pu na, nima le u tii Abraham aayaabitiib mɔmɔk waah nan puu tipuur ti na. U ga tii Abraham aayaabitiib bi ye Juu yaab ki gaa u ki kii na, ni binib bi kaa ye Juu yaab ki mu gaa u ki kii na ke Abraham aah nan gaa u ki kii pu na. Abraham ye timi bimɔk gaa Uwumbɔr ki kii na aayaaja la.

1 Korenti 1:23

Le ti tuk bi Kristo aah kpo ndɔpuinkoo pu ki tii bi pu na. Ni ye liŋuul aabɔr le ki tii Juu yaab, ki ye kijɔrk aabɔr ki tii binib bi kaa ye Juu yaab na mu.

1 Piita 2:6

Uwumbɔr Aagbaŋ len ke, “Lik, m lee litakpal li ŋan na ki di bil Sionn aatiŋ ni. M di litakpal ngbaan ki di siin kaalɔlɔŋ ni, le unii umɔk gaa u ki kii na aan ji inimɔɔn.”

1 Piita 2:8

ki ki len ke, “Binib bibaa ga gbeer litakpal ngbaan ki lir. Litakpal ngbaan pu le bi ga lir.” Baa kii Uwumbɔr aabɔr; nima le cha bi lir, waah siin bi pu na.