Rom Yaab 9:27 - Uwumbɔr aagbaŋ

²⁷ Tɔ, Uwumbɔr aabɔnabr Aisaya nan len Israel yaab aabɔr; u nan len ke Israel yaab wiir ke nnyusakpem aatambol aah wiir pu na, le bi ponn ni, binib siib baanja ga ŋmar;

UWONBƆR A GBƆNPƆŊ LIKƆƆNL

²⁷ Azaya nan mɔr Iziral yaab bu le: “Nin Iziral yaab kaah le yab ke limɔgil a tanbiidil nmɔn biɛn ni, bi ni wama nan le nan yin ŋmar.

Rom Yaab 9:27 ပူးပေါင်းရင်းမြစ်များ

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Esra 9:14

Kina kan, ti ga ŋa kinye ki suln saakaal bɔr, ki ki gir yoor bibiindam ngbaan aapiibim? Ti yaa ŋa kina kan, saaŋuul ga fii ti pu sakpen, le aa ga kuln ti mɔmɔk aan ubaa taa ŋmar.

Esra 9:8

Tidindaan Uwumbɔr, le aa san timi kinimbaak, ki cha ti ponn ni siib nyan tinaagbiir ngbaan ponn ni, ki ti koo nsuudoon ni, kitiŋ ki bi chain na ponn ni. Aa nyan timi tinaagbiir ngbaan ni, le ki tii timi limɔfapɔln.

Aisaya 1:1

Tibɔr ti bi kigbaŋ kee ponn ni na ye Juda ni Jerusalem aatim aabɔr le Uwumbɔr nan kpiir tuk Amos aajapɔɔn Aisaya. Ni nan ye buyoonn bibɔrb binaa bee nan jin jin nnaan Juda aatiŋ ni ki paan tɔb pu na la. Njan, ubɔr Usia le nan jin nnaan, le ubɔr Jotam nan paan u pu, le ubɔr Ahas mu nan paan Jotam pu, le Hesekia nan gbeln puwɔb.

Aisaya 1:9

Uwumbɔr Mpɔɔnsakpiindaan yaa kaa ba gur binib siib kan, Jerusalem ba ga kuln ke Sodom aatiŋ ni Gomora aatiŋ aah nan kuln pu na la.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 24:13

Kina le ga ŋa dulnyaa aatimbol mɔmɔk ni. Ni ga li naahn tijikaar aacheen yoonn la, buyoonn bi gbaa ker olif aakpan aasubil isui pu doo, ki ker ŋisubil ŋi gur na mu doo pu na.

Jeremia 44:14

Juda aanib bi gur ki dan nan koo Ijipt ponn ni na ubaa aan san ŋmar ki kan limɔfal. Bi ponn ni ubaa aan ki gir ni Juda, nin chee bi ga ki li gee ke bi nan ki li koo na. Ubaa aan ki gir ni, see bikusam siib kina le ga gir ni.”

Jeremia 5:10

M ga tun ni bidim le bi nan pir maanib aasubil aasui lir, ki taa tee kuln i kookoo. M ga bui bi ke bi pir isubon lir, ba pu? isubon ngbaan aa ye min yee.

Esekiel 6:8

“M ga cha bi nya linikul ngbaan ni ki yaa koo ŋitimbol ŋiken ni,

Hosea 1:10

Israel aanib ga li wiir ke nnyusakpem aatambol na la. Bi ga li wiir jer baah ga kahn, bee bi ŋaŋ bi pu na. Le Uwumbɔr bui bi n‑yoonn mue ke, “Naa ye maanib,” tɔ, n‑yoonn choo le u ga nan bui bi ke, “Ni ye min Uwumbɔr u bi na aabim la.”

Joel 2:32

Liyaadaal ngbaan unii umɔk mee Uwumbɔr na, uma le ga ŋmar ke Uwumbɔr aah len pu na ke, ‘Bibaa bi Jerusalem aatiŋ ni ki ga ŋmar; bima le ye binib bi m lee bi ke bi ga ŋmar na.’”