Rom Yaab 9:26 - Uwumbɔr aagbaŋ

²⁶ Baah nan tuk bi ke baa ye maanib nin chee na, nima chee le bi ga yin bi ke min Uwumbɔr u fu na aabim.”

UWONBƆR A GBƆNPƆŊ LIKƆƆNL

²⁶ Le, “Ni li ŋa ke kitiŋ kan a ninfob wee N nan ke, ‘Naa ye N ninfobin,’ bi li yin bi ke, Uwonbɔr wan fo-n a buwaab,’

Rom Yaab 9:26 ပူးပေါင်းရင်းမြစ်များ

Ilahn 42:2

Sin Uwumbɔr u bi n‑yoonn mɔmɔk na, m wii ban si la; bayoonn aan m ga ŋmaa buen aanimbiin ni ki ti doon si?

Aisaya 43:6

M ga bui ŋŋangan wɔb yaab ke bi cha bi li cha, ki bui ŋŋangii wɔb yaab ke bi taa leŋ bi nsan. Cha maanib nya dandar aatim ni ki gir ni, bi nya ni dulnyaa wee aapepel mɔmɔk ni.

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Matiu 16:16

Le Simonn Piita bui u, “Aa ye Kristo u ga gaa binib lii na. Aa ye Uwumbɔr u fu na Aajapɔɔn la.”

Jɔnn 11:52

Naa ye litimbol ngbaan baanja pu le u ga kpo. U ga kpo ki kuun Uwumbɔr aanib bi yaa ki bi ŋipepel mɔmɔk ni na, ki kpaan bi ke bi ŋa unibaan.

Rom Yaab 8:14

Binib bimɔk dii Uwumbɔr Aafuur Nyaan aah ban pu na, bima le ye Uwumbɔr aabim.

Rom Yaab 8:16

Waafuur Nyaan le kpaan timi aawiin chee, le ki ji seeraa ke ti ye Uwumbɔr aabim.

Rom Yaab 8:19

Tiwan ni Uwumbɔr naan ni na mɔmɔk aanimbil man ke ni kan bundaln Uwumbɔr ga nyan waabim mpaan pu na.

2 Korenti 6:18

M ga li ye Nite; ni mu ga li ye njapɔtiib ni mbisatiib. Min Uwumbɔr u kpa mpɔɔn mɔmɔk na, le len kina.”

Galantiya 3:26

Nimi bimɔk gaa Yesu Kristo ki kii na, u pu le ni ye Uwumbɔr aabim.

Ikaal 14:1

“Ni ye Nidindaan Uwumbɔr aanib la. Nima pu na, nimi aanii yaa kpo kan, ni taa di kijuk gii niwon nibaa chee, ki mu taa kuu niyigbeer pu aayikpir lii, ke ŋinibol ŋiken aah ŋani pu na.