Rom Yaab 9:22 - Uwumbɔr aagbaŋ

²² Uwumbɔr aah ŋa pu na, ni bi kina la. U nan ban ke u mɔk binib ke u gee liŋuul titunwanbir pu, ki ban ke bi bee waah kpa mpɔɔn pu na. Nima le u ji limɔr pam binib bi ŋa u liŋuul ki ŋeer ntafadaan na pu.

UWONBƆR A GBƆNPƆŊ LIKƆƆNL

²² Ke ni ye Uwonbɔr gann ki wɔɔn U ŋuufiiŋ, ki che U pɔɔm nyan npaan ni, wee ki jɔɔ limɔril nin tiwann tan fiin U ŋuul wee ki bi kpaan nin Un bii ti-n naa?

Rom Yaab 9:22 ပူးပေါင်းရင်းမြစ်များ

Mpiin 15:16

Yaabitiib ŋiker ŋinaa pu le ga jer, nee aapuwɔb le saamaal ga ki gir ni kitiŋ kee pu; ba pu? maan jenn nyan Amor yaab kitiŋ kee pu, see baatunwanbir ti nyaŋ, le m nin daa bitafal.”

Ilahn 90:11

Ŋma kee kan saaŋuul aapɔɔn mbamɔm? Ŋma nyi saaŋuusakpeln aah ga joo ni ijawaan i na.

Nnyam 9:16

Maah ban m mɔk si maapɔɔn na, maa ku si, nima kan, binib mɔmɔk ga bee maah kpa liyimbil dulnyaa wee mɔmɔk ni pu na.

Ŋiyataŋak 16:4

Uwumbɔr aah ŋa tiwan ni mɔmɔk na kpa naah ga ti doo pu na, hali bibiindam aatafadaan aawiin daal bi la.

Inandalahn 3:22

Uwumbɔr aageehm ni linimbaasaln li kaa door na beenin bi.

Nkahm 14:11

Uwumbɔr nan baa Moses ke, “Bayoonn aan binib bee ga di cha kaan ki yii mi? Maah ŋa lijinjiir aawan bikaasisik ni pu na, bayoonn aan bi ga di cha ki tii mi naadii?

Nkahm 14:18

‘Min le ye Uwumbɔr, maaŋuul aa fii yɔl yɔl, le m mɔk maah kpa ngeehm sakpen pu, ki ŋani maah puu ke m ga ŋa pu na, le ki cha pinni titunwanbir, ni binib bi yii maamɔb na. Mbamɔn, maan di cha ke maan daa tetiib aabim, ni biyaabitiib, ni biyaabisɔsɔk aatafal, ki ti saa nfum munaa pu, bitetiib aatunwanbir pu.’

Rom Yaab 1:18

Uwumbɔr mɔk binib ke u gee liŋuul titunwanbirdam pu; bi tun lituln li kaa ŋan na, kaa dii u. Baabiin pu le bi yii mbamɔn.

Rom Yaab 9:17

Ni ŋmee Uwumbɔr Aagbaŋ ni ke Uwumbɔr nan bui Ubɔr Faro, “M ŋa si ubɔr ke m mɔk binib maah kpa mpɔɔn ki chiin si pu na, aan maayimbil nya paacham, dulnyaa aapepel mɔmɔk ni.”

Rom Yaab 9:20

Njɔ, aa ye ŋma ki kpak Uwumbɔr? Tiwanaankaan aan baa unii u naan ni na, “Ba ŋa aa naan mi kina?”

Rom Yaab 9:21

Uyakmaal ga ŋmaa yakr tiyakr waageehn pu, ki di tibaa ti maa lisil aasambil, ki di tiken maa lisambil li kaa ye lisil aasambil na.

1 Tesalonika 2:16

ki kiir timi, kaa ban ke ti tuk binib bi kaa ye Juu yaab na tibɔnyaan tee, aan bi ŋmar. Juu yaab ngbaan aah ŋani kina na, bi too kpae baatunwanbir pu n‑yoonn mɔmɔk la. Uwumbɔr aaŋuul pii bi kookoo.

1 Tesalonika 5:9

Uwumbɔr aah lee timi na, waa lee timi ke u gee liŋuul ti pu, u lee timi ke ti ŋmar Tidindaan Yesu Kristo pu la.

2 Timoti 2:20

Tɔ, ŋisambil aabɔŋ bi lidichasakpeln ni. Ŋibaa ye salmaa, ŋibaa ye tikur, ŋibaa mu ye busub yaan, ŋibaa mu ye tiyakr. Bi joo ŋibaa tun litukpaan, ki joo ŋibaa tun lituwaatiir.

1 Piita 2:8

ki ki len ke, “Binib bibaa ga gbeer litakpal ngbaan ki lir. Litakpal ngbaan pu le bi ga lir.” Baa kii Uwumbɔr aabɔr; nima le cha bi lir, waah siin bi pu na.

1 Piita 3:20

Bi nan bi Nowa aayoonn, kaa nan kii Uwumbɔr aamɔb, le u nan jin limɔr bi pu, ki kii n‑yoonn mu Nowa nan ti kpii buŋɔb doo na. Binib biniin baanja le nan koo buŋɔb ngbaan ni, le ki ŋmar nnyun pu.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.

2 Piita 2:9

Tɔ, nimina mɔmɔk le mɔk timi ke Tidindaan ga ŋmaa nyan binib bi san u na ntɔŋ ni, ki ga ŋmaa li dar titunwanbirdam aatafal ki ti saa bundaln u ga ji bi tibɔr na.

2 Piita 3:15

Tidindaan aah jin limɔr, kaa gir ni mala na, ni bee ke u tii binib nsan ke bi ŋmar le waahr, le u nin gir ni. Tinaabogeekoo Pɔɔl mu nan ŋmee kigbaŋ tii ni nimi, ki tuk nimi kina, Uwumbɔr aah tii u nlan pu na.

Juud 1:4

Budabu cha m gaŋni nimi kina na le ye ke binib bibaa nan koo ni nikaasisik ni, ki ŋmanni nimi. Baa san Uwumbɔr. Bi len ke Uwumbɔr aah di cha pinn timi pu na, ti yaa gɔr kidagook kan, waan daa titafal. Bi yii Tidindaan Yesu Kristo. Uma baanja le ye Tidindaan. N‑yaayoonn na, Uwumbɔr aabɔnabtiib nan ŋmee ke Uwumbɔr ga daa bibiindam ngbaan aatafal.