Rom Yaab 9:20 - Uwumbɔr aagbaŋ

²⁰ Njɔ, aa ye ŋma ki kpak Uwumbɔr? Tiwanaankaan aan baa unii u naan ni na, “Ba ŋa aa naan mi kina?”

UWONBƆR A GBƆNPƆŊ LIKƆƆNL

²⁰ Amaa ke a mu ye ŋmaa, uninfosaalaa, ki pag jiin Uwonbɔr aa? “Niwann nan wee a naan nan li fir bei fin wan naan nin ke, ‘Ba ŋa wee a naanim man naa?’ ”

Rom Yaab 9:20 ပူးပေါင်းရင်းမြစ်များ

2 Samuel 16:10

Le ubɔr ngbaan bui Abisai, ni ukpel Joab ke, “Nimina aa ye nimi aabɔr. Uwumbɔr le yaa bui u ke u li puuni lir m pu kan, ŋma kpa nsan ke u baa u waah ŋani pu na?”

Job Aagbaŋ 16:3

Ni ga li len kina kaan ŋmin la aa? Nimi le yeh kookoo aamɔbon aa?

Job Aagbaŋ 33:13

Ba ŋa aa galni Uwumbɔr ke waa kee gar unii aabɔr?

Job Aagbaŋ 36:23

Ubaa aan ŋmaa bui Uwumbɔr waah ga ŋa pu na, kaan ŋmaa galn u ke u tun titunwanbir.

Job Aagbaŋ 40:5

M puun len jer maah ba ga len pu na a.

Job Aagbaŋ 40:8

Aa ban ke aa mɔk ke maa bi chob, ki bui ke maabɔr bii le aa ma yaar ŋan aa?

Job Aagbaŋ 9:32

Uwumbɔr yaa ba ye unibɔn kan, m ba ga ŋmaa giin gar u; ti ba ga ŋmaa buen bibɔjirb chee ki ti lik timi aanikpakpak ngbaan aabɔr.

Aisaya 10:15

Le Uwumbɔr ma bui ke, “Kichɔk ga ŋmaa bui ke ki jer unii u joo ki na aa? Ukpikpiir aah joo kichɔk ki kpii tiwan na aan ŋmaa bui ke ki jer u. Lichakukul aan ŋmaa yoor unii paacham; unii le ga yoor lichakukul paacham.”

Aisaya 29:16

Bi labr tiwan mɔmɔk chiŋni la. Nilani ye tiwankpaan, uyakmaal aan tiyakr? Tiwan ni unii naan ni na aan ŋmaa bui udaan ke, “Sin le aa naan mi,” ni mu aan ŋmaa bui u ke, “Saa nyi saah bi ŋani pu na.”

Aisaya 64:8

Uwumbɔr, sin le ye tite. Timi le ye tiyakr, le aa ye uyakmaal. Sin le naahn timi,

Jeremia 18:6

“Maa kpa nsan ke m ŋa nimi Israel aanib ke uyakmaal ngbaan aah ŋani waayakr pu na aa? Ni bi ŋŋaal ni ke tiyakr aah bi uyakmaal aaŋaal ponn ni pu na la.

Daniel 4:35

U lik binib bi bi taab na ke baa ye nibaa u chee. Waatuuntiib ni binib bi bi taab do na bi uŋaal ni la. Ubaa aan ŋmaa kpak waageehn bee u baa u waah ŋani tiwan ni na pu.

Maika 6:8

Aayii. Uwumbɔr bui timi tiwan ni ŋan na. Waah ban tiwan ni ti chee na sɔ: ke ti ŋa tiwan ni tok ki ŋan na, ki li kpa ngeehm n‑yoonn mɔmɔk, ki li bi suuna timi Aawumbɔr chee.

Matiu 20:15

Maa kpa nsan ke m di maamombil ŋa maah gee pu na aa? Maah kpa tibulchinn pu na le cha aa kpa lipiipoln aa?’

Tibɔnyaan ti Luk ŋmee ti na 12:14

Le Yesu bui u, “Uja, ŋma tii mi nsan ke m ji nimi tibɔr ki yakr lifaal tii nimi?”

Rom Yaab 14:4

Aa ye ŋma ki galn uken aatutunn? U yaa sil kan, u sil ki tii uma ubaa Aadindaan la. U yaa ti ki lir kan, u lir ki tii uma ubaa Aadindaan la. Ni ye mbamɔn, u ga sil; ba pu? Uwumbɔr ga ŋmaa cha u sil.

Rom Yaab 2:1

Tɔ, si u galni binib biken na, saan ŋmaa len tibaa ki nyan aabaa tibɔr ni Uwumbɔr chee; ba pu? aa mu ŋani kina la. Saah galni bi na, le ni mɔk ke saabɔr mu bii; ba pu? si u galni bi na, aa mu ŋani ke baah ŋani pu na la.

Rom Yaab 2:3

Si u ŋani kina na, ki galni biken bi ŋani kina na, aa dak ke Uwumbɔr aan daa aatafal aa?

Rom Yaab 9:21

Uyakmaal ga ŋmaa yakr tiyakr waageehn pu, ki di tibaa ti maa lisil aasambil, ki di tiken maa lisambil li kaa ye lisil aasambil na.

Rom Yaab 9:22

Uwumbɔr aah ŋa pu na, ni bi kina la. U nan ban ke u mɔk binib ke u gee liŋuul titunwanbir pu, ki ban ke bi bee waah kpa mpɔɔn pu na. Nima le u ji limɔr pam binib bi ŋa u liŋuul ki ŋeer ntafadaan na pu.

1 Korenti 1:20

Bilankpalb bi la? Binibiwolm mu bi la? Dandana aanib bi kpak kinikpakpak na mu bi la? Uwumbɔr cha dulnyaa wee aalan ŋa yɔli.

1 Korenti 7:16

Upii, aa nyi ke sin pu aachal ga ŋmar aan waan ŋmar? Uja, aa nyi ke sin pu aapuu ga ŋmar aan waan ŋmar?

1 Timoti 6:5

Le binib bi dak ilandakbir na kpak tɔb kinikpakpak. Baa ki nyi mbamɔn. Bi dak ke Uwumbɔr aasan ye liwankpal aasan la. [Nya binib ngbaan chee.]

2 Timoti 2:20

Tɔ, ŋisambil aabɔŋ bi lidichasakpeln ni. Ŋibaa ye salmaa, ŋibaa ye tikur, ŋibaa mu ye busub yaan, ŋibaa mu ye tiyakr. Bi joo ŋibaa tun litukpaan, ki joo ŋibaa tun lituwaatiir.

Taitus 2:9

Tuk binaagbiib ke bi li keei bidindatiib aamɔi, ki piir bisui tiwan mɔmɔk ni, ki taa kpak bi kinikpakpak,

Jemisi 2:20

Si ujɔr, cha m tuk si, aa yaa len ke aa gaa Uwumbɔr ki kii, kaa tun litunyaan kan, ni ye yɔli la.