Rom Yaab 8:29 - Uwumbɔr aagbaŋ

²⁹ U nan nyi binib bimɔk ga kii tii u na, le ki nan nyan bi, ke bi kpaln Ujapɔɔn Yesu Kristo aah bi pu na, aan u li ye njan aabo, naabitiib pam ponn ni.

UWONBƆR A GBƆNPƆŊ LIKƆƆNL

²⁹ Ban wee Uwonbɔr pii nan nyi ki bon ke bi na li chee ki kpenn ki li be ke u bija-n kaah be man nin, wee nin che U bija nmɔn nŋa kibininkpeeg u nabum takpem a sisiigin.

Rom Yaab 8:29 ပူးပေါင်းရင်းမြစ်များ

Ilahn 1:6

Uwumbɔr le kiir ki joo bininyaam, le titunwanbirdam ma cha baadoon ni.

Ilahn 89:27

M ga ŋa u njapɔpol, uma le ga li ye ubɔrkpaan u jer bibɔrb mɔmɔk na.

Nnyam 33:12

Moses nan bui Uwumbɔr ke, “Ni ye mbamɔn ke aa tuk mi ke m loln binib ngbaan pu nsan, ki di bi buen kitiŋ ngbaan ni, tɔ, saa tuk mi u ga cheen mi na. Aa bui ke aa nyi mi, ki gee maabɔr mbamɔm.

Nnyam 33:17

Uwumbɔr nan gar Moses ke, “M ga ŋa saah mee pu na, ba pu? m nyi si, le nsui piin aa pu mbamɔm.”

Jeremia 1:5

“M nan nyan si waahr le ki nin tii si limɔfal, le waahr aan bi nin ma si na, m nan lee si ke aa li ye maabɔnabr tii ŋitimbol.”

Matiu 12:50

Ba pu? unii umɔk ŋani Nte Uwumbɔr u bi paacham na aah gee pu na, uma le ye nnaal, ni nninkpan, ni nna.”

Matiu 25:40

Le min Ubɔrkpaan ngbaan ga bui bi, ‘M tuk nimi mbamɔn la, naah nan ŋa kina ki tii nnaabitiib, biwaatiib bimina na, ni nan ŋa tii mi le na.’

Matiu 28:10

Le u bui bi, “Taa san ijawaan man. Li cha ki ti tuk maadidiliib ke bi li cha Galilee. Bi ga ti kan mi nima chee.”

Matiu 7:23

Le m ga tuk bi, ‘Nimi titunwanbirdam, maa nyi nimi. Siir m chee man.’”

Jɔnn 17:16

Maah kaa ye dulnyaa yoo na, kina le bi mu aa ye dulnyaa yaab.

Jɔnn 17:19

Bi pu le m di mbaa tii si ke bi mu li ye saanib bi bi chain mbamɔm na.

Jɔnn 17:26

M mɔk bi saah bi pu na, ki ga li beenin mɔk bi, ke bi mu li gee tɔb ke saah gee mi pu na, aan m mu li bi bi ni.”

Jɔnn 20:17

Le Yesu bui u, “Taa meeh mi. Maa kee buen paacham, Nte Uwumbɔr chee. Li cha ki ti tuk nnaabitiib ke m cha paacham, Nte u ye Maawumbɔr na chee la, u ye ni mu Aate, ki ye ni mu Aawumbɔr na.”

Rom Yaab 11:2

Uwumbɔr aa yii waanib bi u nan lee bi njan na. Ni bee Uwumbɔr Aagbaŋ aah len Elaija aabɔr pu na. Elaija nan galn Israel yaab Uwumbɔr chee,

Rom Yaab 13:14

Ni li bi ke Tidindaan Yesu Kristo aah bi pu na, ki taa ki li ŋani nimi aabimbikpok aah ban pu na.

Rom Yaab 9:23

U mu ban ke binib bee waah ŋan sakpen pu na, ki san timi kinimbaak, ki ŋa timi mpopiin pam. U nan naan timi ke u ŋa timi kina la,

1 Korenti 15:49

Ti naahn unii u Uwumbɔr nan di titan ki naan u na la. Kina le ti ga li naahn unii u nyan ni Uwumbɔr do na mu.

1 Korenti 2:7

Ti len Uwumbɔr aabɔbɔrkaan aalan mu nan bɔr na aabɔr la. Uwumbɔr aah kaa nan kee naan dulnyaa wee na, u nan dakl nlan mue, ke ti mu ji waamɔɔn.

1 Korenti 8:3

Unii mu yaa gee Uwumbɔr kan, Uwumbɔr beer udaan ngbaan.

2 Korenti 3:18

Ti mɔmɔk waa Tidindaan aah wiin chain pu na. Nibaa aa bi ki dok timi ke ti taa li waa u. Tidindaan u ye Nfuur Nyaan na le cha ti bi kpelni, ki naŋni u, ki moo wolni n‑yoonn mɔmɔk, ke waah wiin chain pu na.

Efesusi 1:11

Uwumbɔr aah ŋani tiwan mɔmɔk pu na, u ŋani waageehn, waah dak pu na la. Taah kpaan Kristo ni na, le Uwumbɔr ŋa timi waanib. N‑yaayoonn na, le u nan nyan timi ke ti li ye waanib.

Efesusi 4:24

ki yoor mbimbipɔm mu Uwumbɔr naan mu ki di tii nimi na. Mu ye mbimbinyaan, ki bi chain mbamɔm, ki naahn Uwumbɔr aabimbin la.

Filipi 3:21

U kpa mpɔɔn ki ga ŋmaa nyaŋ tiwan mɔmɔk, ki cha ni mɔmɔk kii waamɔb. Waah kpa mpɔɔn kina na, le u ga di timi aawon ti kaa ye lisil aawon na ŋa tiwonpɔnn ti naahn uyaar ti ye lisil aawon na.

Kolosiya 3:10

ki yoor mbimbipɔm la. Uwumbɔr le tii nimi mbimbipɔm ngbaan, ki bi toor mu, ke ni moo bee u, ki li naahn u.

2 Timoti 1:9

U gaa timi lii, ki yin timi ke ti li bi chain. Naa ye timi aatunyaan pu le u yin timi. Waah kpa tibulchinn pu na, nima le u yin timi waageehn pu. Waah kaa nan kee naan dulnyaa buyoonn na, le u nan ŋa timi tibulchinn ngbaan Yesu Kristo pu.

2 Timoti 2:19

Tɔ, Uwumbɔr aanib ye waadinyikl li pɔɔ, ki kpa kidaan, ki si na la. Kidaan ngbaan le ye ke, “Uwumbɔr nyi binib bi ye waanib na,” ki ki ye ke, “Binib bi pur Uwumbɔr aayimbil na mɔmɔk di cha titunwanbir.”

1 Piita 1:2

Tite Uwumbɔr nan nyan nimi waageehn pu, ki cha Waafuur Nyaan ŋa nimi chain, ni li keei Yesu Kristo aamɔb, aan Uwumbɔr di cha pinn nimi Yesu aasin pu. Uwumbɔr ŋa tinyoor ŋa ni pu, ki tii nimi nsuudoon pam.

1 Piita 1:20

Uwumbɔr aa nan kee naan dulnyaa le ki nyan Kristo ke u li ye kitork ngbaan. Naah nan ŋeer na, le u dan dulnyaa wee ni, nimi pu.

1 Jɔnn 3:2

Maanigeekaab, dandana wee ti ye Uwumbɔr aabim la. Taa kee nyi taah ga nan li bi pu na. Ti po nyi ke Yesu yaa nan gir ni kan, ti ga kan waah bi pu na. Nima pu le ti mu ga li naahn u.

Tibɔkpiirkaan 13:8

Le dulnyaa ni aanib bimɔk aayimbil aa ŋmee Uwumbɔr Aapihbo u bi nan ku u na aamɔfal aagbaŋ ni buyoonn Uwumbɔr aa nan kee naan dulnyaa wee na ga dii upeel ngbaan.