Rom Yaab 8:27 - Uwumbɔr aagbaŋ

²⁷ Uwumbɔr u lik binib aasui ni aah bi pu na nyi Waafuur Nyaan aalandak aah bi pu na; ba pu? Nfuur Nyaan mee u tii waanib waah ban pu na.

UWONBƆR A GBƆNPƆŊ LIKƆƆNL

²⁷ Le Uwonbɔr wan feen ki lig ti sufu-n nin nyi Kasi a Naaŋin a potiɛl, nan bu-n Kasi a Naaŋin le gaan ki miɛ tenn Uwonbɔr a ninfob gannkaabin Uwonbɔr a bam kaah wɔɔn man.

Rom Yaab 8:27 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

1 Bibɔrb Aabɔr 29:17

M nyi ke aa tɔŋni unii mɔk aasui lik, le aasui piin binib bi aabimbin ŋan na pu. Mbimbinyaan ni ngeehm ponn ni le m di nsui mɔmɔk tii si nimina mɔmɔk ki kan ke binib bi mɔmɔk kuun do na kpa mpopiin le ki joo ni si ipiin.

Ilahn 139:1

Uwumbɔr, aa ŋaŋ mi ki nyi maah bi pu na.

Ilahn 38:9

Uwumbɔr, aa nyi maah ban ni na; aa ŋun maadun mɔmɔk pu.

Ilahn 44:21

aa ba ga bee, ba pu? aa nyi tisui aah bi pu na.

Ilahn 7:9

Uwumbɔr, aa ye ubamɔndaan la, ki nyi tisui ponn ni aah bi pu na. Kuln kinimbɔŋdam aabiin; ki pa binib bi ŋan na baapar.

Ŋiyataŋak 17:3

Mmii le bi joo tɔŋni salmaa ni tikunabr, Uwumbɔr mu le tɔŋni unibɔn aasui lik.

Jeremia 11:20

Le m mee limeel ke, “Uwumbɔr Mpɔɔnsakpiindaan, aa ji binib tibɔr ibamɔn pu la; aa tɔŋni binib aalandak ni bisui. M di maabɔr ŋa aaŋaal ni, kina pu na, m ga li ka le ki lik saah ga teen binib ngbaan pu na.”

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Jeremia 20:12

Uwumbɔr Mpɔɔnsakpiindaan, le aa ma joo ibamɔn tɔŋni binib, aa nyi tiwan ni bi bisui, ni baalandak ni na. Kina pu na, cha m kan saah ga teen maadim pu na, ba pu? m di maabɔr ŋa sin le aaŋaal ni.

Matiu 6:8

Ni taa ŋani ke baah ŋani pu na; Nite Uwumbɔr nyi naah ban tiwan ni na, naa kee mee u.

Tibɔnyaan ti Luk ŋmee ti na 16:15

Le u bui bi, “Nimi le ban ke binib li dak ke ni ye bininyaam. Uwumbɔr le nyi nisui ni aah bi pu na. Binib aah nyuŋni tiwan ni na ye fam le Uwumbɔr chee.

Jɔnn 14:13

Ni yaa mee Uwumbɔr tiwan nimɔk maayimbil pu na kan, m ga ŋa naah ban pu na tii nimi, aan binib nyuŋ Uwumbɔr, min Ujapɔɔn pu.

Jɔnn 21:17

le ki ki baa u taataa, “Simonn, Jɔnn aajapɔɔn, aa gee mi ii?” Le Simonn Piita aasui bii; ba pu? u nan baa u nfum mutaa mɔk, “Aa gee mi ii?” Le u bui u, “Ndindaan, aa nyi tiwan mɔmɔk. Aa nyi ke m gee si.” Le Yesu bui u, “Kpiin maapiih.

Lituln 1:24

Le bi mee Uwumbɔr ke, “Tidindaan, aa nyi binib mɔmɔk aasui ni aah bi pu na. Mɔk timi unii u aa lee u na bijab bilee ngbaan ponn ni aan u li ye saakpambal ki gaa lituln li Judas nan di cha ki buen nin chee ŋeer u na.”

Lituln 15:8

Uwumbɔr u nyi binib mɔmɔk aasui ni aah bi pu na nan di Waafuur Nyaan tii binib bi kaa ye Juu yaab na, ke waah tii timi pu na.

Rom Yaab 8:34

Nima le ubaa aan ŋmaa galn timi. Yesu Kristo nan kpo ti pu, ki fikr nkun ni, ki bi Uwumbɔr aaŋangii wɔb, ki mee u ki tii timi.

Rom Yaab 8:6

Binib bi aatafal bi mbimbikpok aabɔr ni na ga kpo la. Binib bi aatafal bi Uwumbɔr Aafuur Nyaan aabɔr ni na ga kan limɔfal, ni nsuudoon.

Efesusi 2:18

Kristo pu, le binib bi ye Juu yaab na, ni binib bi kaa ye Juu yaab na mɔmɔk kpaani Uwumbɔr Aafuur Nyaan baan ni, ki dan Tite Uwumbɔr chee.

1 Tesalonika 2:4

N‑yoonn mɔmɔk ti nan len Uwumbɔr aah ban ke ti len pu na; ba pu? u nan lik taah bi pu na, le ki di waabɔnyaan ngbaan ŋa tiŋaal ni, ke ti tuk binib. Nima pu le ti ban ke ti piir Uwumbɔr aasui, naa ye binib aasui. Uma Uwumbɔr le lik timi aasui ni aah bi pu na.

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.