Rom Yaab 7:7 - Uwumbɔr aagbaŋ

⁷ Nima pu na, ti ga len ke Moses aakaal aa ŋan aa? Mu ŋan. Nkaal na yaa kaa ba bi kan, maa ba ga bee titunwanbir. Nkaal na yaa kaa ba len ke “Taa li kpa iniman” kan, maa ba ga bee ke iniman ye titunwanbir.

UWONBƆR A GBƆNPƆŊ LIKƆƆNL

⁷ Ti ni yin len ke nii? Nsiimin ye tibir lee? Naa ye man ni! Ibamɔn buu maa bi yin nyi tibir kaah ye nan ni, nsiimin le che n biɛ. Maa bi yin nyi linunchɔril kaah jann ye nan ni, ni ye nsiimin kaa bi be ke, “Laa jɔɔ linunchɔrili.”

Rom Yaab 7:7 ပူးပေါင်းရင်းမြစ်များ

Mpiin 3:6

Le upii lik ŋisubil ngbaan, ki kan ŋaah ŋan pu na, ki dakl ke unimbil yaa woln kan, ni ga li ŋan sakpen, le ki neen ŋi, le ki ker ŋi ki moo, le ki di ŋiken tii uchal mu, le u mu moo.

2 Samuel 11:2

Daalbaadaal aajoowiin pu, le David nan fii waafuur aadɔdooyaan, ki buen libɔrdichal aapaacham. Waah bi chuun paacham ngbaan na, le u kan upii ubaa bi fu nnyun. U nan ŋan sakpen.

Ilahn 119:96

M bee ke tiwan mɔmɔk kpa naadoon; le saakaal ma aa kpa ndoon.

Nnyam 20:17

“Aa taa cha aanimbil li man aaŋeen aatɔ aadichal, bee upuu, bee waanaagbiib, bee waanaa, bee waabon, bee waah kpa tiwan nimɔk na pu.”

Maika 2:2

Bi yaa ban ikpaakon kan, bi gaal i mpɔɔn la; bi yaa ban ŋidichal kan, bi gaal ŋi mpɔɔn la. Ubaa aadichal bee waawangol aa nyan tibɔr ni.

Matiu 5:28

Min le tuk nimi ke unii umɔk kan upii aan usui koo u ni kan, u kpaan gɔr kidagook usui ni la.

Tibɔnyaan ti Luk ŋmee ti na 12:15

le ki tuk kinipaak ngbaan, “Ni li nyi man ki taa li kpa iniman. Unii yaa kpa liwangol li wiir na kan, nima le aan tii u limɔfal.”

Tibɔnyaan ti Luk ŋmee ti na 20:16

U ga dan nan ku bikpaab ngbaan, ki di kisaak ngbaan tii bikpaab biken.” Kinipaak ngbaan aah ŋun kina na, le bi bui ke, “Uwumbɔr taa cha ni pii bi.”

Lituln 20:33

Maah nan bi ni chee na, maa nan ban unii ubaa aamombil, kaa ban unii ubaa aawanpeenkaan.

Rom Yaab 13:9

Ba pu? ikaal mɔmɔk nyan ni nkaal mu len ke, “Aa li gee binib biken ke saah gee aabaa pu na” ni la. Ikaal i len ke, “Taa gɔr kidagook, taa ku binib, taa su kinaayuk, taa gee nnyamɔn paani binib, taa li ban biken aawan” na, ikaal ngbaan, ni ikaal i gur na mɔmɔk nyan ni nkaal ngbaan ponn ni la.

Rom Yaab 3:20

Ubaa aan ŋmaa len ke waah joo Uwumbɔr aakaal mbamɔm pu na, waabɔr ŋan Uwumbɔr chee. Uwumbɔr aakaal le mɔk binib ke bi ye titunwanbirdam la.

Rom Yaab 3:5

Timi aatunwanbir yaa mɔk ke Uwumbɔr ŋani ni ŋan na kan, ti ga len ke Uwumbɔr yaa daa titafal kan, u ŋa ni kaa ŋan na aa? Binib bi kaa dii Uwumbɔr na le baa kina.

Rom Yaab 4:1

Tɔ, cha ti lik tiyaaja Abraham aabɔr aah nan bi pu na:

Rom Yaab 4:15

Binib aah bii nkaal na, le Uwumbɔr gee liŋuul bi pu. Nkaal aah kaa bi nin chee na, binib aa bii nkaal.

Rom Yaab 5:20

Moses nan tuk binib Uwumbɔr aakaal. Nkaal ngbaan mɔk bi ke baatunwanbir wiir sakpen. Le titunwanbir aah wiir nin chee na Uwumbɔr aanimbaasaln wiir ki jer titunwanbir.

Rom Yaab 6:15

Nkaal aah kaa ki joo timi aan Uwumbɔr aanimbaasaln joo timi na, ti ga tun titunwanbir aa? Taan ŋa kina kpala.

Rom Yaab 7:11

Nkaal pu le titunwanbir ti bi nsui ni na nan kpa nsan ki ŋmann mi, ki cha m ŋeer nkun.

Rom Yaab 7:13

Waakaal mu ŋan na le ku mi ii? Aayii. Titunwanbir le ku mi. Nkaal mu ŋan na pu, le titunwanbir ku mi, ki cha ti bee ke titunwanbir aa ŋan. Nkaal na le mɔk timi titunwanbir aah bir sakpen pu na.

Rom Yaab 7:5

Taah kaa nan dii Uwumbɔr buyoonn na, tisui nan gee Uwumbɔr aakaal aah kɔ pu na, ki cha ti tun titunwanbir ki dii nkun aasan.

Rom Yaab 7:8

Nkaal aah len kina na, le titunwanbir ti bi nsui ni na yii nkaal ngbaan, ki cha m kpa iniman aabɔŋ aabɔŋ. Nkaal yaa kaa bi kan, titunwanbir aa fu.

1 Korenti 15:56

Titunwanbir le ye nkun aaween. Uwumbɔr aakaal le ye titunwanbir aapɔɔn.

Efesusi 5:3

Naah ye Uwumbɔr aanib na, ni taa gɔr kidagook, ki taa tun tijɔŋ aatuln libaa, ki taa li kpa iniman. Ni taa po len lituln limina aaboln aabɔr.

Ikaal 5:21

“‘Aa taa cha aanimbil li man aaŋeen aatɔ aadichal, bee upuu, bee waakpaakon, bee waanaagbiib, bee waawakor, bee waah kpa tiwan nimɔk na pu.’

Kolosiya 3:5

Nima pu na, kuln man tiwon aah ban pu na, ki taa gɔr kidagook, ki taa tun tijɔŋ aatuln, ki taa li ban tiwan ni kaa ŋan na, ki taa li kpa iniman. Unii u kpa iniman na aa dii Uwumbɔr, u dii liwankpal la.

1 Tesalonika 4:5

Ubaa taa cha bipiib aakpeek li bi u ni, ke binib bi kaa nyi Uwumbɔr na aah bi pu na.

Josua 7:21

Tiwan nimɔk ti jenn gaa na ponn ni, m kan Babiloŋ yaab aabɔkul nyaan libaa, ni tikunabr ti aanyunyuun ga pii njikaabim kuruwaa bilee na, ni salmaa u aanyunyuun ga pii njikaabim kuruwaa ubaa na, le nsui gee ni sakpen, le m yoor. M di tikunabr ngbaan le ŋa taab ki di ni mɔmɔk sub maabool ni. Ni ga kan ni nima.”