Rom Yaab 7:14 - Uwumbɔr aagbaŋ

¹⁴ Ti bee ke Uwumbɔr aakaal mɔk timi Uwumbɔr aah ban pu na. M mu aa ŋani kina; ba pu? m ye titunwanbir aanaagbiija la.

UWONBƆR A GBƆNPƆŊ LIKƆƆNL

¹⁴ Ti nyi nsiimin ye kinaaŋ a binbem le; amaa min le jɔɔ tigbanann a bam, le bi kɔɔrim sei tibir ke uyomin.

Rom Yaab 7:14 ပူးပေါင်းရင်းမြစ်များ

Mpiin 37:27

Cha ti di u kooh Ismael aanib bee pu. Nima kan, taan tii u iween; ba pu? u ye tinaal la, le ti ni u kpaa tiwon ni nsinbaan.” Le biken na mu kii kina.

Mpiin 37:36

Tɔ, Midiann yaab ngbaan aah ti fuu Ijipt aatiŋ ni na, bi mu nan ki di Josef kooh tii Potifa, u nan ye nima chee aabɔr aajab bi kii waadichal na aaninkpel na la.

Mpiin 40:15

Maah bi do na, bi tɔk mi Hiibru yaab aatiŋ ni la, le maah bi Ijipt aatiŋ ni do na, maa ŋa nibaa le bi di mi ŋa kiyondiik ni.”

1 Bibɔrb 21:20

Ahab aah kan Elaija na, le u baa u ke, “Maadin, aa pii ni mi do oo?” Le Elaija gar u ke, “Een, m pii ni si. Aa di aabaa tii ke aa li tun ni kaa ŋan Uwumbɔr chee na la.

1 Bibɔrb 21:25

Ubaa aa nan ki neen titunwanbir aatuln Uwumbɔr chee ke Ahab na. Upuu Jesebel mu le nan pai u le u tun.

2 Bibɔrb 17:17

Bi nan kɔr bijapɔtiib ni bibisatiib ki joo seer mmii ni tii ŋiwaa; bi nan buu tibɔɔr bibɔɔb, ni bipɔnijoob chee, le ki di bibaa tii tiwan ni kaa ŋan Uwumbɔr chee na pel pel, le ki fiin waaŋuul.

Job Aagbaŋ 42:6

Kina pu na, inimɔɔn chuu mi maah len pu na mɔmɔk pu, le m ka titan, ni nfatan ni, ki yii maatunwanbir.

Ilahn 119:25

M lir le ki dɔ titan ponn ni, cha maamɔfal ki gir ni ke saah puu ke aa ga ŋa pu na.

Ilahn 51:6

Saah ban pu na le ye mbimbinyaan, ni ibamɔn; di saalan gbiin mi.

Ŋiyataŋak 30:2

M naahn kiwakork ki jer unibɔn, maa kpa nlan mu unibɔn ga li kpa na.

Ŋiyataŋak 30:5

“Uwumbɔr joo waah puu tipuur ti na mɔmɔk. U kii binib bi mɔmɔk ban waaterm na.

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Aisaya 52:3

Tidindaan Uwumbɔr bui waanib ke, “Naah nan kpaln binaagbiib na, ubaa aa nan pan ni pu ŋimombil; kina pu na, ni yaa ban ni nya tinaagbiir ngbaan ni kan, ubaa aan ki pa ŋimombil.

Aisaya 6:5

Le m bui ke, “Maabɔr doo a. Maamɔfal junn le na; ba pu? tibɔr timɔk nyani mmɔb ponn ni na ye titunwanbir aabɔr la, le maah bi binib bi ponn ni na mu aabɔr ye titunwanbir la. Le nimina mɔmɔk aapuwɔb, m kan Ubɔrkpaan ngbaan, Uwumbɔr Mpɔɔnsakpiindaan.”

Liifai Yaab 13:12

Ni yaa ye ke iween ngbaan pɔr ki yaa gaa uwon mɔmɔk ki nyan uyil ki ti saa utaa kan,

Liifai Yaab 13:16

Mbuun ngbaan yaa yann ki ki piir kan, u ga ki gir buen utotoor chee,

Liifai Yaab 19:18

Aa taa li ban ke aa teen ubaa bakaa, ki li nan udaan ki cha n‑yoonn mɔmɔk, tɔ, aa li gee aaŋeen aatɔ ke saah gee aabaa pu na. Min le ye Uwumbɔr.

Amos 2:6

Uwumbɔr ki len ke, “Israel yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi joo bininyaam le kooh ke bi di teen baapɔln, hali bigiim bi kaan ŋmaa pa ŋinaatak aadaak na, bi kooh bi mu la.

Matiu 16:23

Le Yesu fenn lik Piita le ki bui u, “Kinimbɔŋ, siir foor m chee. Aa ye lisugeln la, le ki lek mi nsan. Aa dak ke unibɔn aah dak pu na la, kaa dak ke Uwumbɔr aah dak pu na.”

Matiu 18:25

Waah kaa kpa ŋimombil ŋibaa ki ga pa lipɔln ngbaan na, le udindaan bui ke bi di u ni upuu, ni waabim, ni waah kpa tiwan ni na mɔmɔk, ki di kooh, aan ki di ŋimombil ngbaan pa lipɔln ngbaan.

Matiu 5:22

Min le tuk nimi ke unii umɔk gee liŋuul una aabo pu na, bi ga ji u tibɔr. Unii umɔk tuk una aabo, ‘Saa bi tibɔr tibaa ni,’ bibɔjirb aaninkpiib ga ji u tibɔr. Unii umɔk tuk una aabo ke, ‘Si ujɔr’ na, u ŋeer u koo mmii mu kaan junn na ni.

Matiu 5:28

Min le tuk nimi ke unii umɔk kan upii aan usui koo u ni kan, u kpaan gɔr kidagook usui ni la.

Tibɔnyaan ti Luk ŋmee ti na 5:8

Simonn Piita aah kan kina na, le u gbaan Yesu aanimbiin ni, ki bui u, “Ndindaan, siir m chee. M ye titunwanbirdaan la.”

Tibɔnyaan ti Luk ŋmee ti na 7:6

Le Yesu dii bi buen. Waah ti peen butɔb aajab aaninkpel ngbaan aadichal na, le uninkpel ngbaan tun ni ujɔtiib ke bi tooh u nsan ni, ki ti bui u, “Tidindaan, butɔb aajab aaninkpel ke: Taa ki ŋani falaa, ke waa ŋeer aa dan udo ki koo waadiik ni.

Rom Yaab 3:9

Tɔ, timi Juu yaab ŋan ki jer binib bi kaa ye Juu yaab na aa? Taa jer bi. M nan mɔk nimi ke binib bi ye Juu yaab na, ni bi kaa ye Juu yaab na mɔmɔk ye titunwanbirdam la.

Rom Yaab 6:6

Ti bee ke baah kpaa u ndɔpuinkoo pu na, bi kpaa timi aabimbikpok mu u chee, ke mbimbikpok mu kaa ŋan na taa ki li bi, aan ti taa ki li ye titunwanbir aanaagbiib.

Rom Yaab 7:18

M bee ke tiwan ni ŋan na aa bi maabimbikpok ni; m ban ke m tun lituln li ŋan na, kaa ŋmaa tun.

Galantiya 4:3

Ti mu bi kina la. Buyoonn taa nan kee nyi Yesu aabɔr na, dulnyaa aawanbir nan joo timi tinaagbiir la.

Efesusi 3:8

Maa pii Uwumbɔr aaniwaatiir ubaa, le u mu tee tii mi litunyaan limina, ke m buen binib bi kaa ye Juu yaab na chee, ki ti moon tibɔnyaan tee, ki tuk bi Kristo aah ŋan sakpen pu na,

Ikaal 6:5

Ni li gee Nidindaan Uwumbɔr nimi aasui mɔmɔk ni, ni nimi aawiin mɔmɔk, ni nimi aapɔɔn mɔmɔk.

Hiibru Yaab 4:12

Uwumbɔr aabɔr fu, ki kpa mpɔɔn, ki ka jer kijuk ki ka ŋipepel mɔmɔk ŋilee na, ki koo unii aasui ni, ni waawiin ni, ki lik usui ni aabɔbɔrkaan aah bi pu na, ki mɔk waalandak aah bi pu na, ki lik usui aah ban pu na, ke ni ŋan aan naa ŋan.