Rom Yaab 6:21 - Uwumbɔr aagbaŋ

²¹ Ni yaa teer naah tun titunwanbir ti na kan, ni jinni nimi inimɔɔn dandana wee la. Tinyoor nan bi titunwanbir ngbaan ni ii? Aayii. Titunwanbir ngbaan aadoon ye nkun la.

UWONBƆR A GBƆNPƆŊ LIKƆƆNL

²¹ Ba a nyɔɔr wee ni kan n-yonn nmɔn nin naah ni nan san nan ifa daandaan nan naa? Ni ma biɛn nan a joorim nan ye nkum le!

Rom Yaab 6:21 ပူးပေါင်းရင်းမြစ်များ

Rom Yaab 1:32

Bi nyi ke Uwumbɔr len ke binib bi ŋani kina na ŋeer nkun, le bi tee beenin ŋani kina, ki len ke binib yaa ŋani kina kan, naa bir.

Rom Yaab 7:5

Taah kaa nan dii Uwumbɔr buyoonn na, tisui nan gee Uwumbɔr aakaal aah kɔ pu na, ki cha ti tun titunwanbir ki dii nkun aasan.

Rom Yaab 6:23

Titunwanbir aapar ye nkun la. Tidindaan Yesu Kristo pu le Uwumbɔr aapiin ye limɔfal li kaa kpa ndoon na.

Ŋiyataŋak 14:12

Saah dak ke nsan mu ye nsanyaan na le ga ŋmaa di si buen nkun ni.

1 Jɔnn 2:28

Maabim, ni li kpaan Yesu chee n‑yoonn mɔmɔk, aan ti li kpa lipobil ki taa san inimɔɔn u chee bundaln u ga gir ni na.

Hiibru Yaab 6:8

Tɔ, kitiŋ ki po ŋani ikokon ni ichakpeejagar baanja na bee yɔli la. Naan yunn, le bi ga see ki mmii ki bii ki. Kitiŋ ngbaan aadoon le na.

Rom Yaab 8:13

Ni yaa dii unibɔn aabimbin aah ban pu na kan, ni ga kpo la. Ni yaa kuln nimi aawon aatunwanbir, Uwumbɔr Aafuur Nyaan aapɔɔn pu kan, ni ga li kpa limɔfal li kaa kpa ndoon na.

Rom Yaab 8:6

Binib bi aatafal bi mbimbikpok aabɔr ni na ga kpo la. Binib bi aatafal bi Uwumbɔr Aafuur Nyaan aabɔr ni na ga kan limɔfal, ni nsuudoon.

Daniel 12:2

Bi puen kpo na pam le ga fikr nkun ni: bibaa ga kan limɔfal li kaa kpa ndoon na, le bibaa mu ji inimɔɔn i kaa kpa ndoon na.

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Tibɔkpiirkaan 20:14

Le u di nkun ni kitekpiitiŋ ŋa mmii sakpiin ponn ni. Mmii ngbaan le ye lelee aakun.

Tibɔkpiirkaan 16:6

ba pu? bi ku saanib ni saabɔnabtiib ki cha baasin nyan, le aa mu cha baanyun kpaln nsin bi nyu. Bi ŋeer kina la.”

1 Piita 4:17

Ni ŋeer Uwumbɔr piin ki ji binib tibɔr. U ga puen ji waanib le tibɔr, le ki nin ji biken tibɔr. U yaa puen ji timi waanib tibɔr kan, binib bi kaa kii waabɔnyaan na aabɔr ga doo kinye?

Jemisi 5:20

u bee ke unii u giin titunwanbirdaan waah yenn pu na, u nyan waamɔfal nkun ni la, ki cha Uwumbɔr di cha pinn titunwanbir pam.

Jemisi 1:15

Kikpeek yaa dek lipuul kan, ki maa titunwanbir la; titunwanbir yaa chikr kan, ti maa nkun la.

Hiibru Yaab 10:29

Unii yaa lik Uwumbɔr Aajapɔɔn fam, ki yaa dak ke Yesu aasin mu ŋa u chain na ye fam, ki yaa sii Uwumbɔr Aafuur Nyaan mu san timi kinimbaak na kan, udaan ngbaan ŋeer ntafadaan sakpen ki jer unii u bii Moses aakaal na aah kan pu na.

2 Korenti 7:11

Uwumbɔr aah cha ni kpa mpombiin pu na, ni kan naah ŋa nimi tinyoor pu na. Nitafal bi waabɔr ni. Ni gee liŋuul titunwanbir pu, ki ban ni nyan nibaa tibɔr ngbaan ni, ki san Uwumbɔr ijawaan, ki ban ni ki kan mi, ki ban ni ŋa Uwumbɔr aageehn, ki ban ni daa unii u tun titunwanbir na aatafal. Naah ŋa kina na, ni mɔk ke naa kpa taani ubaa tibɔr ngbaan ponn ni.

Esekiel 43:11

Tɔ, inimɔɔn yaa chuu bi baah ŋa pu na pu kan, aa ŋeer Maadichal ngbaan aabimbin aah bi pu na: laah ga li bi pu na, laabisamɔi i bi ga li diir koo na, ni i bi ga li diir nya na, laasisii aah ga li bi pu na, ni tiwan mɔmɔk aah ga li si nin chee na, ni laakaal ni ŋikoobil mɔmɔk. Ŋmee ni mɔmɔk bil aan bi ga ŋmaa kan tiwan mɔmɔk aasisii, ki ga ŋmaa dii laakaal.

Jeremia 31:19

Ti nan fenn tipuwɔb tii si, le naa yunn le ti ki ban ke ti gir ni. Saah nan daa titafal na aapuwɔb, le ti nan ka tii tiyil mpombiin pu. Ti nan jin inimɔɔn, ba pu? taah nan laa ye mbim pu na le ti nan tun titunwanbir.

Jeremia 12:13

Maanib nan bun imuul, le ki tee nan chee timoor; bi nan tun le kitotoŋ nyan, le kaa nan kan nibaa. Maaŋuusakpeln pu le baajikaar aa ŋa.”

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Jeremia 3:3

Nima pu le utaal aa nan ki nu, le utakuutaal mu aa nan ki nu. Ni sil naahn bidagoob la; naa san inimɔɔn.

Aisaya 3:10

Binib bi aabimbin bi chain na ga li kpa mpopiin, le baawan mɔmɔk ga li dii nsan. Baah tun ki kan pu na, bi ga ji ni ni mpopiin.

Ŋiyataŋak 16:25

Saah dak ke nsan mu ŋan na ga ŋmaa di si buen nkun ni.

Ŋiyataŋak 1:31

Kina pu le ni ga kan naah ban pu na, le nimi nibaa aabimbin ga cha ni buŋ.

Ilahn 73:17

Le m ti baan di ti buen Saadichal ni. Nima chee le m bee tiwan ni ga ŋa bibiindam na.

Job Aagbaŋ 42:6

Kina pu na, inimɔɔn chuu mi maah len pu na mɔmɔk pu, le m ka titan, ni nfatan ni, ki yii maatunwanbir.

Esra 9:6

M nan bui ke, “Uwumbɔr, inimɔɔn sakpiin pu, le maa ŋmaa yaar n‑yil paacham aanimbiin ni. Timi aatunwanbir muun ti nyaŋ, ki fɔk jer timi, ti fɔk ti pii kitaapaak.

1 Bibɔrb 2:26

Le Ubɔr Solomonn bui utotoor Abiatar ke, “Gir kun saakpaakon ni, Anatof aatiŋ ni. Aa ŋeer nkun, m mu aan cha bi ku si dandana, ba pu? ni ye ke sin le nan yeh Uwumbɔr Aakaal Aadakaa, nte David chee, le aa ni uma nan kpaan jin waabɔbir mɔmɔk aafalaa.”

Ikaal 21:22

“Unii yaa tun titunwanbir aan ni ku u ki di uwon leen busub pu kan,

Ikaal 17:6

Ni yaa kpa seeraadam bilee, bee ki jer kina, aan bi len ke tibɔr ngbaan gbii kan, ni ku u. Tɔ, ni yaa ye seeraadaan ubaa baanja kan, ni taa ku u.

Filipi 3:19

Baadoon le ga li ye ntafadaan mu kaa kpa ndoon na. Baawumbɔr le ye bipuul. Bi kpa kipupuk inimɔɔn aatuln pu. Baalandak bi dulnyaa wee ni aawan ni la.

Job Aagbaŋ 33:27

Le u ga sil binib ni ki len ke, “M tun titunwanbir. Maa tun ni ŋan na, le Uwumbɔr tee di cha pinn mi.

Rom Yaab 5:12

Unibaan le nan joo ni titunwanbir dulnyaa ni, le titunwanbir ngbaan joo ni nkun. Binib mɔmɔk aah tun titunwanbir na, le nkun yaa gaa dulnyaa mɔmɔk ni.

Rom Yaab 6:16

Aa yaa di aabaa tii unii aan ki kii waamɔb kan, aa ye waanaagbiija la. Naa bee kina aa? Aa yaa kii tii titunwanbir kan, aa ye titunwanbir aanaagbiija la, le ki ga kpo. Aa yaa kii Uwumbɔr aamɔb kan, u ga bui ke saabɔr ŋan.

2 Korenti 4:2

Ti yii inimɔɔn aatuln, ni mbɔmbɔɔn aatuln, kaa ŋmanni binib, kaa kpelni Uwumbɔr aabɔr. Ti bi Uwumbɔr aanimbil ni la. Nima le cha ti tuk binib waabɔr mbamɔm, aan bi mɔmɔk bee ke ti len mbamɔn.