Rom Yaab 5:20 - Uwumbɔr aagbaŋ

²⁰ Moses nan tuk binib Uwumbɔr aakaal. Nkaal ngbaan mɔk bi ke baatunwanbir wiir sakpen. Le titunwanbir aah wiir nin chee na Uwumbɔr aanimbaasaln wiir ki jer titunwanbir.

UWONBƆR A GBƆNPƆŊ LIKƆƆNL

²⁰ Nsiimin nan kpiɛ le ki che titoonbir pɔr. Amaa le titoonbir kaah pɔr man nmɔn linyunyunbasanlin pɔr jon man na,

Rom Yaab 5:20 ပူးပေါင်းရင်းမြစ်များ

Ilahn 25:11

Uwumbɔr, li joo saah puu tipuur ti na, ki di maatunwanbir ti wiir sakpen na cha pinn mi,

Aisaya 1:18

Le Uwumbɔr ki len ke, “Dandana wee, cha ti toor tibɔr ngbaan man. Nimi aatunwanbir man ni pu ke nsin na, le m ga ŋmaa finn nimi ni nya chain ke nkokoyon na. Nimi aatunwanbir yaa po man ni pu sakpen pu na, m ga finn nimi, ni piir chain.

Esekiel 16:52

Ni ŋeer ke aa gaa saanimɔɔn. Saatunwanbir ti nyaŋ sakpen na pu le aanaabitiib bi aa chee ke baah kaa tun taani kpala le na. Li joo saanimɔɔn ki cha i koo aasil, ba pu? aa cha aanaabitiib gur naahn bi bi chain na la.”

Nkahm 21:9

Le Moses di tikumann mɔɔ uwaa, ki di u fin ndɔŋumkoo pu. Le umɔk uwaa nan juu u aan u waan lik na, udaan nan kan limɔfal.

Matiu 20:9

Le bijab bi gbiln puwɔb na aah dan bi nan gaa baapal na, u pan bi tikunabr aamombil libaabaa.

Matiu 9:13

Uwumbɔr Aagbaŋ len ke waa ban ke binib toor kitork baanja ki tii u. U ban ke bi li san tɔb kinimbaak la. Li cha ki ti bae tibɔr ngbaan aatataa. Maa dan ke m nan yin bininyaam. M dan ke m nan yin titunwanbirdam [ke bi nan kpeln baabimbin.”]

Tibɔnyaan ti Luk ŋmee ti na 7:47

M tuk si la, m di cha waatunwanbir ti wiir na ki pinn u. Nima le cha u gee mi sakpen. M yaa di cha pinn unii titunwanbir siib na kan, udaan ga li gee mi siib la.”

Jɔnn 10:10

Unaayuk yaa dan kan, u ban ke u su ipiih, ki ku i, ki bii i la. M dan m nan tii binib limɔfal li kaa kpa ndoon na la.

Jɔnn 15:22

M yaa kaa ba dan dulnyaa ni ki nan tuk bi maabɔr kan, baa ba ga li kpa taani; naah bi pu na, bi kpa taani; ba pu? maah tuk bi maabɔr na, baan ki ŋmaa len ke baa nyi ti.

Rom Yaab 4:15

Binib aah bii nkaal na, le Uwumbɔr gee liŋuul bi pu. Nkaal aah kaa bi nin chee na, binib aa bii nkaal.

Rom Yaab 6:1

Kina pu na, ti ga len kinye? Ti ga li beenin tun titunwanbir aan Uwumbɔr aanimbaasaln kpee ee? Taan li ŋani kina kpala.

Rom Yaab 6:14

Nkaal aa ki joo nimi. Uwumbɔr aanimbaasaln le joo nimi. Nima le titunwanbir aan ki li ye nimi aadindaan.