Rom Yaab 5:14 - Uwumbɔr aagbaŋ

¹⁴ Adam aayoonn ki ti saa Moses aayoonn le nkun pii binib. Bi nan tun titunwanbir la. Baatunwanbir ni Adam u nan yii Uwumbɔr aamɔb na aatunwanbir aa kpaan. Nkun mu pii bi la. Ti mɔmɔk kan Adam aatunwanbir aatafadaan. Kina le ti mɔmɔk yakr Kristo aatunyaan aanyoor mu.

UWONBƆR A GBƆNPƆŊ LIKƆƆNL

¹⁴ Amaa nin ni ma biɛn ni, nkum li le ŋmag na nyan Adam a yonn ki nan kpaa Moziz a yonn, hali ki nyaŋ ban kaa tun tibir ke Adam kaah nan tun tibir ki nan bii Uwonbɔr a siimin, Adam nan jɔɔ wan yin ŋɔɔrin nin a nunaŋ le.

Rom Yaab 5:14 ပူးပေါင်းရင်းမြစ်များ

Mpiin 19:25

Mu nan bii ntim ngbaan, ni itingbaan mɔmɔk doo, le binib mɔmɔk, ni timoor, ni isui, ni tiwan nimɔk nan bi ntim ngbaan ni na kpo doo.

Mpiin 4:8

Le ni bi cha, le Kainn nan bui unaal Abel ke, [“Cha ti buen timoor ni.”] N‑yoonn mu bi bi timoor ni na, le u ti ku unaal Abel.

Mpiin 7:22

Tiwan nimɔk nan fuur ki bi dulnyaa wee ni na nan kpo a.

Nnyam 1:22

Gbelngbeln na, ubɔr ngbaan nan siin nkaal ki bui waanib mɔmɔk ke bi di Hiibru yaab aabijabim bi bi laa ma bi na ki di mee lii Nail aamɔɔl ni, tɔ, bi taa ku mpiibim ma.

Nnyam 1:6

Baah bi nima na, le Josef, ni ukpetiib, ni baamaal bi nan bi n‑yoonn ngbaan na, nan kpo doo,

Hosea 6:7

“Tɔ, baah ti kpaan koo kitiŋ ngbaan ni na, le bi bii tipuur ti m ni bima nan puu tii tɔb na, ke Adam aah nan bii pu na.

Jona 4:11

Tɔ, aa dak ke kinye aan m ga san kitisakpeŋ Ninefa aanib kinimbaak? Binib bi ki ponn ni, ki jer ŋichur nkub ni moninko, kaa ŋmaa yakr ni ŋan na ni ni kaa ŋan na, le tiwakor pam mu bi.”

Rom Yaab 5:12

Unibaan le nan joo ni titunwanbir dulnyaa ni, le titunwanbir ngbaan joo ni nkun. Binib mɔmɔk aah tun titunwanbir na, le nkun yaa gaa dulnyaa mɔmɔk ni.

Rom Yaab 5:17

Unibaan u bi yin u Adam na aatunwanbir pu, le nkun pii binib mɔmɔk. Unibaan Yesu Kristo na pu, le binib ga kan Uwumbɔr aaterm sakpen. U ga len ke baabɔr ŋan. Nima le ye waapiin. Bi ga li kpa limɔfal li kaa kpa ndoon na, ki kan linyaŋ.

Rom Yaab 5:21

Titunwanbir pu le binib kpo. Tidindaan Yesu Kristo pu, le Uwumbɔr san timi kinimbaak, ki len ke timi aabɔr ŋan, le ti kan limɔfal li kaa kpa ndoon na.

Rom Yaab 8:20

Buyoonn Adam nan tun titunwanbir na, Uwumbɔr nan len ke tiwan ni u naan ni na, ni ga li bi, ki bi fam la. Waageehn pu, le u len kina. Naa ye tiwan ni u naan ni na aageehn.

Rom Yaab 8:22

Ti nyi ke Uwumbɔr aah naan tiwan nimɔk na wu ke imalween aah wu pu na, ki du ki nan saa dandana.

1 Korenti 15:22

Adam pu, le binib mɔmɔk kpu. Kristo pu, le binib mɔmɔk ga kan limɔfal.

1 Korenti 15:45

Ni ŋmee Uwumbɔr Aagbaŋ ni ke Uwumbɔr nan naan njan aanii Adam, ki tii u limɔfal. Kookoo yoo le ye Nfuur Nyaan mu tii timi limɔfal li kaa kpa ndoon na. Uma le ye Kristo.

Hiibru Yaab 9:27

Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.