Rom Yaab 4:9 - Uwumbɔr aagbaŋ

⁹ U len ke Juu yaab baanja le kpa mpopiin ngbaan aa? Waa len kina. Binib bi kaa ye Juu yaab na mu kpa. Ti len ke Abraham nan gaa Uwumbɔr aamɔboln ki kii, nima le cha Uwumbɔr gaa u ke u ye uninyaan u chee.

UWONBƆR A GBƆNPƆŊ LIKƆƆNL

⁹ Tikaar nan ye ban jii bi pun a binba yaar le bee, ban kaa jii n mu kpiɛ nii waa? Ti le gbaa pag le ke Abiraham a yada-n nan wɔɔn u buchin binbem le.

Rom Yaab 4:9 ပူးပေါင်းရင်းမြစ်များ

Mpiin 15:6

Abram nan gaa Uwumbɔr aamɔboln ki kii, kina pu na, Uwumbɔr aasui nan piir Abram pu, le Uwumbɔr gaa u ke u ye uninyaan u chee.

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Tibɔnyaan ti Luk ŋmee ti na 2:32

U ye nwiihn ki ga woln binib bi kaa ye Israel yaab na aanimbil. U pu, le binib ga nyuŋ saanib Israel yaab.”

Rom Yaab 4:10

Bayoonn Uwumbɔr len ke waabɔr ŋan? Buyoonn u nan gii lichakpaln na le aan buyoonn waa nan kee gii na? Buyoonn waa nan kee gii na.

Rom Yaab 4:3

Uwumbɔr Aagbaŋ len ke, “Abraham nan gaa Uwumbɔr aamɔboln ki kii, kina pu na le Uwumbɔr gaa u ke u ye uninyaan u chee.”

Galantiya 3:14

Uwumbɔr nan ŋa tinyoor ŋa Abraham pu. Le Yesu Kristo nan kpo ti pu ke binib bi kaa ye Juu yaab na mu kan tinyoor ngbaan. Le ti yaa gaa Yesu ki kii kan, ti ga gaa Uwumbɔr Aafuur Nyaan, waah nan puu tipuur ti ke u ga tii timi na.

Efesusi 3:8

Maa pii Uwumbɔr aaniwaatiir ubaa, le u mu tee tii mi litunyaan limina, ke m buen binib bi kaa ye Juu yaab na chee, ki ti moon tibɔnyaan tee, ki tuk bi Kristo aah ŋan sakpen pu na,

Kolosiya 3:11

Naah kpa mbimbipɔm na, naa ki yakr Juu yaab, ni binib bi kaa ye Juu yaab na, ni binib bi gii ŋichakpan na, ni binib bi kaa gii na, ni biwɔwɔm, ni timoor ni aanib, ni binaagbiib, ni bimalb. Ni mɔmɔk kpaan la. Kristo le jer tiwan ngbaan mɔmɔk, ki bi waanib mɔmɔk ni.