Rom Yaab 4:17 - Uwumbɔr aagbaŋ

¹⁷ Ni ŋmee Uwumbɔr Aagbaŋ ponn ni ke Uwumbɔr bui Abraham, “M ŋa si ŋinibol pam aayaaja la.” Abraham le ye tite Uwumbɔr chee. U nan tii Uwumbɔr naadii. Uma Uwumbɔr le fikr binib bi kpo na nkun ni, le ki yin binib bi kaa kee bi na, ke baah bi le na.

UWONBƆR A GBƆNPƆŊ LIKƆƆNL

¹⁷ Ke naah sɔb man Uwonbɔr a gbɔŋin nin: “Min le ŋaaŋ ibol takpem a baa.” U ye ti baa le Uwonbɔr ban, wan wee u ŋa u yada, U ma ye Uwonbɔr wan tenn bitakpiib limiɛfol wee ki che tiwann tan kaa nan be-n nin be ke ti pii nan be le-n.

Rom Yaab 4:17 ပူးပေါင်းရင်းမြစ်များ

Mpiin 17:16

M ga ŋa tinyoor ŋa u pu, le ki cha u maa ubijabo tii si. M ga ŋa tinyoor ŋa u pu, le u ga li ye ŋitimbol pam aana, le bibɔrb ga nyan ni uyaabitiib ponn ni.”

Mpiin 17:20

M ŋun saah ban m ŋa pu tii Ismael na, nima pu na, m ga ŋa tinyoor ŋa u pu, ki tii u mbim, ni yaabitiib pam. U ga li ye bibɔrb kipiik ni bilee aate la, le m ga cha uyaabitiib ŋa litimbokpaan.

Mpiin 28:3

Uwumbɔr Mpɔɔnsakpiindaan ŋa tinyoor ŋa aa ni aapuu pu, ki cha ni maa pɔr sakpen, nima kan, aa ga li ye ŋitimbol pam aate.

Aisaya 43:6

M ga bui ŋŋangan wɔb yaab ke bi cha bi li cha, ki bui ŋŋangii wɔb yaab ke bi taa leŋ bi nsan. Cha maanib nya dandar aatim ni ki gir ni, bi nya ni dulnyaa wee aapepel mɔmɔk ni.

Aisaya 44:7

Ŋma mu ki ga ŋmaa ŋa maah ŋa pu na? Ŋma ga ŋmaa bui binib tiwan ni ga ŋa na ki nyan mpiin ki ti saa ndoon aayoonn?

Aisaya 48:13

Maaŋaal le nan naan taab aatinyikl, ki daa taln kitaapaak. M yaa yin kitiŋ ni kitaapaak kan, ni choo mala le ki nan sil nnimbiin ni.

Aisaya 49:12

Maanib ga nyan ni dandar, bi ga nya ni ŋŋangan wɔb ni liwilir wɔb, ki nya ni Aswann aatiŋ ki bi ŋŋangii wɔb na.”

Aisaya 51:2

Dakl ki lik man niyaaja Abraham aabɔr, ni Sara, niyaa u ma nimi na. Maah nan yin Abraham na, waa nan kpa ubo, le m tii mmɔɔnyunsɔm ŋa upuu pu ki tii u mbim; m cha uyaabitiib wiir sakpen.

Aisaya 55:12

Ni ga di mpopiin le ki di nya Babiloŋ aatiŋ ni; bi ga cheen nimi nya kitiŋ ngbaan ni, ni mpopiin la. Le ŋijoo ni ŋigongon ga teen ilahn lii; isui mu ga di mpopiin teen mpɔɔn pu.

Matiu 3:9

ki taa bui ke niyaaja aah ye Abraham na, nima le ga cha ni nyan ntafadaan ni. M tuk nimi la, Uwumbɔr ga ŋmaa di ŋitakpal ŋimina kpaln Abraham aayaabitiib,

Jɔnn 5:21

Nte Uwumbɔr aah fikr binib bi kpo na nkun ni, ki tii bi limɔfal pu na, kina le min Ujapɔɔn mu tii maah lee bi na limɔfal.

Jɔnn 5:25

M tuk nimi mbamɔn la, n‑yoonn choo, ki mu fuu ni a, le binib bi kpo na ga ŋun min Uwumbɔr Aajapɔɔn aaneel pu, le bi ŋun na ga kan limɔfal.

Jɔnn 6:63

Uwumbɔr Aafuur Nyaan le tii binib limɔfal. Tiwon aa kpa tinyoor tibaa. Tibɔr ti m len ni chee na le tii nimi Nfuur Nyaan ni limɔfal.

Lituln 15:18

Uwumbɔr le len kina. N‑yaayoonn na ki joo cha, u nan tuk binib tibɔr timina.’”

Rom Yaab 3:29

Uwumbɔr ye Juu yaab baanja Aawumbɔr la aa? Waa ye binib bi kaa ye Juu yaab na mu Aawumbɔr aa? Mbamɔn, u ye.

Rom Yaab 4:18

U nan puu tipuur tii Abraham ke u ga ŋa u ŋinibol pam aayaaja, ke uyaabitiib ga li wiir ke iŋmabi aah wiir pu na. Ni nan bi ke tipuur ngbaan aah kaan ŋmaa gbiin le na. Abraham mu nan tee kpa limakl ke ti ga nan gbiin.

Rom Yaab 4:2

Ni yaa ba ye waatunyaan pu le cha Uwumbɔr len ke waabɔr ŋan kan, u ba ga ŋmaa li kpa kipupuk. U mu aa ŋmaa li kpa kipupuk Uwumbɔr chee.

Rom Yaab 8:11

Uwumbɔr nan fikr Yesu nkun ni. Uwumbɔr u fikr Yesu nkun ni na Aafuur Nyaan yaa bi ni ni kan, uma Uwumbɔr u fikr Yesu Kristo nkun ni na ga fikr nimi aawon ti ga kpo na mu. Waafuur Nyaan mu bi ni ni na aapɔɔn pu, le u ga fikr nimi nkun ni.

Rom Yaab 9:11

Le Uwumbɔr nan bui Rebeka ke ubo u ye uwaatiir na ga jer ukpel. Buyoonn Uwumbɔr bui u kina na, waa nan kee ma mbim ngbaan. Baa nan kee ŋa ni ŋan na, bee ni kaa ŋan na. Uwumbɔr nyan mbim mulee ngbaan ponn ni ubaa, waageehn pu, naa ye baatuln pu. Nima le mɔk ke Uwumbɔr aageehn pu le u nyan waah ban unii u na.

Rom Yaab 9:26

Baah nan tuk bi ke baa ye maanib nin chee na, nima chee le bi ga yin bi ke min Uwumbɔr u fu na aabim.”

1 Korenti 1:28

U nyan bigiim, ki nyan binib bi ye fam binib aanimbil ni na, ki nyan binib bi kaa ye nibaa binib aanimbil ni na mu, aan ki ŋa binib bi kpa ipɔɔn na yɔli.

1 Korenti 15:45

Ni ŋmee Uwumbɔr Aagbaŋ ni ke Uwumbɔr nan naan njan aanii Adam, ki tii u limɔfal. Kookoo yoo le ye Nfuur Nyaan mu tii timi limɔfal li kaa kpa ndoon na. Uma le ye Kristo.

1 Timoti 6:13

Yesu Kristo nan tii seeraa nyaan Pontius Pailat aanimbiin ni. Le m sur si, uma Yesu ni Uwumbɔr u tii tiwan mɔmɔk limɔfal na aanimbiin ni

Hiibru Yaab 11:12

Nima pu na, ujabaan u nan bi ke waah kpo le na, nan ma binib bi wiir ke iŋmabi aah wiir pu na. Bi wiir ke litambol li dɔ nnyusakpem aagbaan na. Ubaa aa ŋmaa kahn bi.

Hiibru Yaab 11:3

Ti gaa Uwumbɔr ki kii, nima le cha ti bee ke u nan len ki naan kitiŋ ni paacham. U nan di tiwan ni tinimbil aa ŋmaa kani ni na naan tinimbil aah kani nimɔk na.

Hiibru Yaab 11:7

Uwumbɔr nan bui Nowa linimaln li nan choo na pu, le laa kee fuu ni. Nowa aah nan tii Uwumbɔr naadii pu na, le u nan pak waah len pu na, le ki kii waamɔb, le ki kpii buŋɔb bu, u ni waamaal koo ki ŋmar na. Nowa aah nan ŋa kina na, le ni mɔk ke dulnyaa ni yaab biken aabɔr bii Uwumbɔr chee. Nowa nan tii Uwumbɔr naadii, nima le nan cha Uwumbɔr len ke waabɔr ŋan u chee.

1 Piita 2:10

N‑yoonn mbaa naa nan ye Uwumbɔr aanib. Dandana wee ni ye Uwumbɔr aanib la. N‑yoonn mbaa Uwumbɔr aa nan san nimi kinimbaak. Dandana wee u san nimi kinimbaak.

2 Piita 3:8

Maanigeekaab, ni taa suln ke liwinbaal naahn ŋibin lichur le Tidindaan chee. Ŋibin lichur mu naahn liwinbaal le u chee.