Rom Yaab 4:15 - Uwumbɔr aagbaŋ

¹⁵ Binib aah bii nkaal na, le Uwumbɔr gee liŋuul bi pu. Nkaal aah kaa bi nin chee na, binib aa bii nkaal.

UWONBƆR A GBƆNPƆŊ LIKƆƆNL

¹⁵ nan bu-n nsiimin a biim le jɔɔ Uwonbɔr a ŋuufiiŋ chaan. Nan yaan wee nsiim kaa be-n uba mu kaa jɔɔ igalin ni.

Rom Yaab 4:15 ပူးပေါင်းရင်းမြစ်များ

2 Bibɔrb 22:13

“Li cha man ki ti baa Uwumbɔr chee, min ni binib bi gur Israel ni Juda aatim ni na pu. Baa ki bee man kigbaŋ kimina aamɔkm aah ye pu na. Tiyaajatiib aah yii Uwumbɔr aamɔboln, kaa ŋa kigbaŋ kimina aah bui ke bi ŋa tiwan ni na pu, le u gee ti pu liŋuul.”

Jeremia 4:8

Kina pu na, di tiwanpeenkaan ni saak kuub na peen, ki li wii ki kaani, Uwumbɔr aaŋuusakpeln aah kaan fenn cha Juda pu na pu.

Inandalahn 2:22

Aa yin ni maadim ke bi nan ji linikul aajim m chee. Le saaŋuul ngbaan daal ubaa aa ŋmaa ŋmar. Bi ku maabim mu m kpiin mu ki gee mu na.

Esekiel 7:19

Bi ga di baasalmaa ni tikunabr mae kitiŋ ponn ni ke timoor na; ba pu? baasalmaa ni tikunabr aan ŋmaa gaa bi lii buyoonn Uwumbɔr di waaŋuusakpeln lii ni bi pu na. Baan ŋmaa di ni kuln baakpeek, bee bi di ni gbiin bipuu. Salmaa ni tikunabr le di bi koon titunwanbir ponn ni.

Sefania 1:18

Nwiin mundaal Uwumbɔr ga mɔk waaŋuul na kan, hali baakunabr ni salmaa aan ŋmaa gaa bi lii. Waaŋuul li wu ke mmii na le ga kuln kitiŋ kee mɔmɔk. U ga kuln unii umɔk bi kitiŋ kee pu na aamɔfal mala.

Nkahm 32:14

Le nimi titunwanbirdam bimina fii sil nitetiib aataa pu, ki ban ke ni bii Uwumbɔr aasui aan waaŋuul fii Israel yaab pu.

Jɔnn 15:22

M yaa kaa ba dan dulnyaa ni ki nan tuk bi maabɔr kan, baa ba ga li kpa taani; naah bi pu na, bi kpa taani; ba pu? maah tuk bi maabɔr na, baan ki ŋmaa len ke baa nyi ti.

Jɔnn 3:36

Unii umɔk gaa Uwumbɔr Aajapɔɔn ki kii na le kpa limɔfal li kaa kpa ndoon na. Unii umɔk kaa kii Uwumbɔr Aajapɔɔn aamɔb na, waan kan limɔfal li kaa kpa ndoon na. Uwumbɔr gee liŋuul u pu n‑yoonn mu kaa kpa ndoon na.

Rom Yaab 1:17

Tibɔnyaan ngbaan mɔk timi ke unii yaa gaa Yesu Kristo ki kii kan, Uwumbɔr ga len ke waabɔr ŋan. Ni ŋmee Uwumbɔr Aagbaŋ ni ke, “Uninyaan aah gaa Uwumbɔr ki kii na, u ga li kpa limɔfal.”

Rom Yaab 5:13

Buyoonn Moses aa nan kee tuk binib Uwumbɔr aakaal na, titunwanbir nan bi. Nkaal aah kaa bi nin chee na, Uwumbɔr aan len ke bi bii mu.

1 Korenti 15:56

Titunwanbir le ye nkun aaween. Uwumbɔr aakaal le ye titunwanbir aapɔɔn.

Galantiya 3:10

Tɔ, binib bimɔk dii Moses aakaal ke bi ŋmar na, Uwumbɔr aamɔpuur bi bi pu la. Ba pu? ni ŋmee Uwumbɔr Aagbaŋ ni ke, “Uwumbɔr aamɔpuur bi unii umɔk yii, kaa dii ikaal ni mmɔkm mumɔk bi Nkaal aagbaŋ ni na pu la.”

Galantiya 3:19

Ni yaa ye kina kan, ba pu Uwumbɔr nan tii binib nkaal ngbaan? U nan tii bi nkaal ngbaan ke bi bee titunwanbir aah ye pu na. U ban ke nkaal ngbaan li bi ki nan saa buyoonn Abraham aayaabil ga fuu ni na. Abraham aayaabil ngbaan le Uwumbɔr nan puu tipuur ngbaan tii u. Uwumbɔr nan cha waatuuntiib di nkaal ngbaan tii Moses, ke u di tii binib.

Efesusi 5:6

Titunwanbir timina aaboln pu, le Uwumbɔr gee liŋuul binib bi kaa kii waamɔb na pu. Ni taa cha unii ubaa ŋmann nimi ki tuk nimi ke naa bir.

Kolosiya 3:6

Binib bi yii Uwumbɔr aamɔb ki tun titunwanbir timina na, u ga daa bitafal.

1 Jɔnn 3:4

Unii umɔk tun titunwanbir na, u ŋani Uwumbɔr aakaal aah kɔ pu na la; ba pu? unii yaa ŋa Uwumbɔr aakaal aah kɔ pu na kan, nima le ye titunwanbir.

Tibɔkpiirkaan 19:15

Le kijaak aajuk ki ka na bi umɔb ni, ke u ti nyaŋ ŋinibol mɔmɔk. U ga di tikur aadabil ki li joo bi mpɔɔn pu, ki ga ŋa bi ke binib aah taar ŋisubil pu libuusakpeln ponn ni ki nyani ŋaanyun pu na, le ki mɔk bi Uwumbɔr Mpɔɔnsakpiindaan aah gee liŋuul pu na.