Rom Yaab 4:14 - Uwumbɔr aagbaŋ

¹⁴ Uwumbɔr yaa ba puu tipuur ke binib bi joo waakaal na le ga li yeh dulnyaa kan, naadii aa ba ga li kpa tinyoor. Tipuur ngbaan mu aa ba ga gbiin; ba pu? ubaa aan ŋmaa joo nkaal mɔmɔk mbamɔm.

UWONBƆR A GBƆNPƆŊ LIKƆƆNL

¹⁴ Ni ye Uwonbɔr bi ke ban ŋmag nsiimin le yin ye dulinya nan a faajib ke, yada a ŋaam kaa bi jɔɔ tinyɔɔri le limɔsiinl kaa jɔɔ tinyɔɔri,

Rom Yaab 4:14 ပူးပေါင်းရင်းမြစ်များ

Ilahn 119:126

Uwumbɔr, binib aah yii saakaal pu na, ni ŋeer ke aa fii sil.

Aisaya 55:11

Kina le ga li ye ŋimɔbon ŋi m ga len na, ŋaan yii maah ban ke ŋi ŋa pu na; ŋi ga ŋa tiwan nimɔk m tun ŋi ke ŋi ti ŋa na.

Jeremia 19:7

Do le m ga bii Juda ni Jerusalem aanib aalandak mɔmɔk. M ga cha baadim nyaŋ bi, ki ku bi butɔb ni. Le m ga di ŋinikpol ngbaan tii inyoon, ni ipeel, i di ŋa tijikaar.

Nkahm 30:15

Uchal mu yaa bi ki nan ki yii ke upuu taa ŋa tipuur ngbaan kan, uma le ga gaa upii ngbaan aah kaa ŋa tipuur ngbaan pu na aatafadaan.

Rom Yaab 3:31

Ti yaa len ke binib yaa gaa Yesu ki kii ki ga ŋmar kan, ti yii Uwumbɔr aakaal aa? Naa bi kina kpala. Ti ŋa mu tibɔkpaan la.

Rom Yaab 4:16

Nima le Uwumbɔr puu tipuur tii binib bi gaa u ki kii na. Uwumbɔr aah gee binib pu na, nima le u tii Abraham aayaabitiib mɔmɔk waah nan puu tipuur ti na. U ga tii Abraham aayaabitiib bi ye Juu yaab ki gaa u ki kii na, ni binib bi kaa ye Juu yaab ki mu gaa u ki kii na ke Abraham aah nan gaa u ki kii pu na. Abraham ye timi bimɔk gaa Uwumbɔr ki kii na aayaaja la.

1 Korenti 1:13

Kristo yakr la aa? Bi kpaa min Pɔɔl ndɔpuinkoo pu ki tii nimi ii? Bi muin nimi nnyun ni Pɔɔl aayimbil ni la aa?

Galantiya 2:21

Maa yii Uwumbɔr aanimbaasaln. Maah len pu na le ye ke unii yaa bui ke waah dii Moses aakaal na, nima le ga gaa u lii kan, u bui ke Yesu nan kpo fam le na.

Galantiya 5:4

Nimi bi ban ke ni dii Moses aakaal ke ni ŋmar na, ni yakr Kristo chee la, ki di Uwumbɔr aaterm lii a.

Filipi 3:9

ki kpaan u ni. M yaa dii Moses aakaal kan, nima le aan cha Uwumbɔr len ke maabɔr ŋan. Maah gaa Kristo ki kii na, nima le cha Uwumbɔr len ke maabɔr ŋan; m gaa Yesu Kristo ki kii le ki ŋan Uwumbɔr chee.

Hiibru Yaab 7:28

Bi nan leer bitotoorninkpiib Moses aakaal aah dii pu na. Bitotoorninkpiib ngbaan aa nan ŋan ti doo. Nkaal ngbaan aapuwɔb le Uwumbɔr puu tipuur, ki ŋa Ujapɔɔn utotoorninkpel. Uma le ye utotoorninkpel bamɔnn, ki ga li bi n‑yoonn mu kaa kpa ndoon na.