Rom Yaab 3:4 - Uwumbɔr aagbaŋ

⁴ U ga gbiin ti. Binib mɔmɔk yaa ye binyamɔndam kan, Uwumbɔr ma ye mbamɔndaan la. Ni ŋmee waagbaŋ ni ke, “Bi ga kan ke saah len pu na ye mbamɔn, Aa yaa jin binib tibɔr kan, aa kpa mbamɔn la.”

UWONBƆR A GBƆNPƆŊ LIKƆƆNL

⁴ Naa ye man ni! Che Uwonbɔr ma le ye ubamɔndaan na, wee uninfosaal biɛn mu le ye tibɔkardaan na. Ke naah sɔb Uwonbɔr a gbɔŋin man nin: “Na li ŋa man wee bin ke fin Uwonbɔr a bɔr ŋan ni ye a pag ke le uba mu kaa yin fir faaŋ limɔkpel a bɔr a jimin ni.”

Rom Yaab 3:4 ပူးပေါင်းရင်းမြစ်များ

Job Aagbaŋ 36:3

Maalan nyaŋ a; m ga di maah nyi pu na le ki mɔk ke Uwumbɔr u naan mi na ye ubamɔndaan la.

Job Aagbaŋ 40:8

Aa ban ke aa mɔk ke maa bi chob, ki bui ke maabɔr bii le aa ma yaar ŋan aa?

Ilahn 100:5

Uwumbɔr ŋan la; waageehm aa kpa ndoon, u joo waah puu tipuur ti na ki ti saa n‑yoonn mu kaa kpa ndoon na.

Ilahn 116:11

hali ijawaan aah nan joo mi aan m bui ke, “Taa ki tii ubaa naadii” na, m nan beenin mak u pu.

Ilahn 119:160

Saamɔbon mɔmɔk ye ibamɔn la, le saakaal mɔmɔk aa kpa ndoon.

Ilahn 138:2

Saageehm mu bi n‑yoonn mɔmɔk na, ni saah ŋani saah len pu na, le m fenn lik saadichal wɔb, ki gbaan kitiŋ ki pak saayimbil, ba pu? aa mɔk ke saayimbil ni saakaal le jer tiwan mɔmɔk.

Ilahn 51:4

M tun si titunwanbir, sin baanja le m tun titunwanbir, ki ŋani tiwan ni ye aa chee tibir na, kina pu na, aa yaa jin mi tibɔr kan, ni ŋan, aa kpa mbamɔn ke aa bui ke maabɔr bii.

Ilahn 62:9

Unibɔn naahn litakpiln libaa aabuln la; binikpaam ni biwaatiib mɔmɔk aa kpa tinyoor. Di bi tɔŋ likakl pu, le aa ga bee ke baa nyuun kpala, libuln nyuun jer bi.

Maika 7:20

Aa ga mɔk saanib, Abraham ni Jakob aayaabitiib, ke saah bi mbamɔm ki kpa ngeehm n‑yoonn mɔmɔk pu na, ke saah nan puu tii tiyaajatiib n‑yaayoonn na pu na.

Matiu 11:19

Min Unibɔn Aabo dan le ki ji ki nyu, le bi len ke m ye upusakpiindaan ki ye udanyur, ki jɔnni bilampoogaab ni titunwanbirdam. Tɔ, nlan aah tun pu na le mɔk ke mu ŋan.”

Tibɔnyaan ti Luk ŋmee ti na 20:16

U ga dan nan ku bikpaab ngbaan, ki di kisaak ngbaan tii bikpaab biken.” Kinipaak ngbaan aah ŋun kina na, le bi bui ke, “Uwumbɔr taa cha ni pii bi.”

Jɔnn 3:33

Unii umɔk gaa waah len pu na, u kii ke Uwumbɔr ye mbamɔndaan la.

Rom Yaab 11:1

Nima pu le m baa ke, “Uwumbɔr yii waanib Israel yaab aa?” Naa bi kina kpala. Min Pɔɔl mbaa ye Israel yaab aanii la. M ye Abraham aayaabil, ki ye Benjaminn aanibol aanii la.

Rom Yaab 11:11

Nima pu le m baa ke: Juu yaab lir ke bi taa ki fii ii? Naa bi kina kpala. Baah lir na, nima le cha binib bi kaa ye Juu yaab na ŋmar, aan Juu yaab li kpa lipiipoln bi pu.

Rom Yaab 3:31

Ti yaa len ke binib yaa gaa Yesu ki kii ki ga ŋmar kan, ti yii Uwumbɔr aakaal aa? Naa bi kina kpala. Ti ŋa mu tibɔkpaan la.

Rom Yaab 6:15

Nkaal aah kaa ki joo timi aan Uwumbɔr aanimbaasaln joo timi na, ti ga tun titunwanbir aa? Taan ŋa kina kpala.

Rom Yaab 6:2

Ti kpo ke titunwanbir taa ki li joo timi la. Ti yaa beenin tun titunwanbir kan, naa ŋan.

Rom Yaab 7:13

Waakaal mu ŋan na le ku mi ii? Aayii. Titunwanbir le ku mi. Nkaal mu ŋan na pu, le titunwanbir ku mi, ki cha ti bee ke titunwanbir aa ŋan. Nkaal na le mɔk timi titunwanbir aah bir sakpen pu na.

Rom Yaab 7:7

Nima pu na, ti ga len ke Moses aakaal aa ŋan aa? Mu ŋan. Nkaal na yaa kaa ba bi kan, maa ba ga bee titunwanbir. Nkaal na yaa kaa ba len ke “Taa li kpa iniman” kan, maa ba ga bee ke iniman ye titunwanbir.

Rom Yaab 9:14

Kina kan, ti ga len kinye? Ti ga len ke Uwumbɔr ŋa ni kaa ŋan aa? Taan len kina kpala.

1 Korenti 6:15

Naa nyi ke nimi aawon ye Kristo aawon aawan aa? M ga di nwon tee, ti ye Kristo aawan na, ki di kpaan upiidagoor aawon ni ii? Maan ŋa kina kpala.

2 Korenti 1:18

Uwumbɔr aah ye mbamɔndaan na, ti mu aa kpelni timi aalandak yɔl yɔl.

Galantiya 2:17

Taah kpaan Kristo chee ke ti ŋmar pu na, nima le mɔk ke timi Juu yaab ye titunwanbirdam ke binib bi kaa ye Juu yaab na mu aah ye pu na. Nimina mɔk ke Kristo ban titunwanbir aa? Aayii.

Galantiya 2:21

Maa yii Uwumbɔr aanimbaasaln. Maah len pu na le ye ke unii yaa bui ke waah dii Moses aakaal na, nima le ga gaa u lii kan, u bui ke Yesu nan kpo fam le na.

Galantiya 6:14

Mma kan, m ga li kpa kipupuk tiwan nibaa baanja le pu, nima le ye ke Tidindaan Yesu Kristo nan kpo ndɔpuinkoo pu. Waadɔpuinkoo pu, le dulnyaa wee ni aawan aa ki mɔ m chee, ntafal aa ki bi dulnyaa wee ni aawan ni.

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

1 Timoti 3:16

Uwumbɔr aah kpiir waasan aabɔr ti tuk timi na, ti ye tibɔkpaan la: U nan yoor unibɔn aawon, ki nyan ubaa mpaan pu. Uwumbɔr Aafuur Nyaan le mɔk ke u ŋan. Uwumbɔr aatuuntiib waa u. Binib moon waabɔr ki tuk ŋitimbol aanib, le binib gaa u ki kii dulnyaa wee mɔmɔk ni. Uwumbɔr nan yoor u ki di buen paacham, ki nyuŋ u.

Taitus 1:2

Waabɔr pu le bi kpa limakl ke bi ga li kpa limɔfal li kaa kpa ndoon na. Uwumbɔr u kaa mɔni inyamɔn na, uma le nan puu tipuur n‑yaayoonn na, ke u ga tii timi limɔfal ngbaan.

Hiibru Yaab 6:18

Waah nan puu tipuur ti na, waan kpeln. Waah puu uma ubaa aayimbil pu na, nima le sil mɔk ke waan kpeln. Waan ŋmaa mɔn nnyamɔn. Nima le timi bi san cha u chee ke ti ŋmar na aataakpab pɔɔ mbamɔm, le ti kpa limakl ke ti ga kan waah puu tipuur ti na.

1 Jɔnn 5:10

Unii umɔk gaa Uwumbɔr Aajapɔɔn ki kii na, u pak Uwumbɔr aah len pu na. Unii umɔk kaa pak Uwumbɔr aah len pu na, u yin Uwumbɔr unyamɔndaan la; kinye pu? waa pak Uwumbɔr aah len Ujapɔɔn aabɔr pu na.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.

Tibɔkpiirkaan 3:7

“Ŋmee kigbaŋ tii maanib bi bi Filadelfia aatiŋ ni na aatuun, ke min Yesu u ye chain, ki ye mbamɔn, ki kpa Ubɔr David aasaafii na, yaa piir mbisamɔb kan, ubaa aan ŋmaa piin mu; m yaa piin mu mu kan, ubaa aan ŋmaa piir mu,