Rom Yaab 3:26 - Uwumbɔr aagbaŋ

²⁶ Tɔ, dandana wee, u len titunwanbir aabɔr ki bui ke binib bi gaa Yesu ki kii na aabɔr ŋan u chee. Nimina le mɔk ke uma Uwumbɔr si chob.

UWONBƆR A GBƆNPƆŊ LIKƆƆNL

²⁶ U nan ŋa man ki wɔɔn U bamɔn le n-yonn man wee ti be nan, ke U li ye ubamɔndaan wee ki ŋa ban ŋa Yisa yada-n mu bibamɔndam.

Rom Yaab 3:26 ပူးပေါင်းရင်းမြစ်များ

Aisaya 42:21

Uwumbɔr gee ke u gaal binib lir la, kina pu le u cha waakaal ni waamɔkm kpa kipak, ki nan ban ke waanib nyuŋ i.

Aisaya 45:21

Dan man ki nan di nimi aabɔr bil bibɔjirb chee; ki cha binib bi si nipuwɔb na kpokl tɔb. Ŋma nan len n‑yaayoonn na tiwan ni ga ŋa na? Naa nan ye min Uwumbɔr aa? Min le ye Uwumbɔr u ŋan ki gaal waanib lir na. Uken aa ki bi.

Sefania 3:15

Uwumbɔr kuln nimi aatafadaan a; u nyaŋ nimi aadim mɔmɔk a. Uwumbɔr u ye Israel yaab aabɔr na bi ni chee; taa ki san ijawaan man.

Sefania 3:5

Tɔ, Uwumbɔr mu tee beenin bi kitiŋ ngbaan ponn ni; u ŋani tiwan ni ŋan na n‑yoonn mɔmɔk, kaa ŋani tiwan ni kaa ŋan na kpala. U cha ibamɔn bi waanib chee kichakpiik mɔmɔk ni, le kaa yiil. Le binib bi bi nima chee aan baabimbin aa ŋan na tun taani, kaa san inimɔɔn.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Tibɔnyaan ti Luk ŋmee ti na 1:80

Le ubo ngbaan muun, ki dii Uwumbɔr ni usui mɔmɔk, le ki nan bi nteersakpiin ni, ki ti saa buyoonn u piin ki bi tuk Israel yaab Uwumbɔr aabɔr na.

Rom Yaab 3:25

U nan di Yesu siin binib aanimbil ni, ke u nan kpo, aan uma Uwumbɔr taa ki gee liŋuul ti pu. Ti yaa gaa Yesu ki kii kan, waasin pu le Uwumbɔr ga di cha pinn timi. Nima le mɔk ke Uwumbɔr ŋani ni ŋan na; ba pu? u nan kpa limɔr, kaa bii binib bi tun titunwanbir buyoonn Yesu Kristo aa kee dan dulnyaa wee ni na.

Rom Yaab 3:27

Tɔ, ba pu aan ti ga li kpa kipupuk? Taan li kpa kipupuk nibaa pu. Ba pu? Naa ye ke ti dii Uwumbɔr aakaal mbamɔm le cha u gaa timi lii, taah gaa Yesu ki kii na, nima le cha u gaa timi lii.

Rom Yaab 3:30

Uwumbɔr ye Uwumbɔrbaan la. Juu yaab yaa gaa Yesu ki kii kan, Uwumbɔr ga len ke baabɔr ŋan. Bi mu kaa ye Juu yaab na yaa gaa Yesu ki kii kan, Uwumbɔr ga len ke bi mu aabɔr ŋan.

Rom Yaab 4:5

Tɔ, unii u kaa joo nkaal na yaa gaa Uwumbɔr u di cha pinn titunwanbirdam na ki kii kan, waah gaa Uwumbɔr ki kii na, nima le Uwumbɔr ga len ke waabɔr ŋan.

Rom Yaab 8:33

Ŋma ga ŋmaa galn binib bi Uwumbɔr nyan bi na? Uwumbɔr ubaa len ke baabɔr ŋan.

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.