Rom Yaab 3:19 - Uwumbɔr aagbaŋ

¹⁹ Tɔ, ti nyi ke nkaal aah len pu na mɔmɔk len binib bi bi mu chee na la. Nima le dulnyaa wee ni aanib mɔmɔk aabɔr bii Uwumbɔr chee. Ubaa aan ŋmaa len tibaa ke u nyan ubaa tibɔr ni Uwumbɔr chee.

UWONBƆR A GBƆNPƆŊ LIKƆƆNL

¹⁹ Daandaan nan ti nyi Uwonbɔr a siimin a poolin kaah len man biɛn, mi pag tenn bininfob ban nɔɔ nsiim nmɔn le, wee uba nlaa nan kan bimɔb ki fir pag niba, wee Uwonbɔr n nan ji dulinya biɛn tibɔr.

Rom Yaab 3:19 ပူးပေါင်းရင်းမြစ်များ

Job Aagbaŋ 5:16

U tii bigiim limakl, le ki ŋmini bibiindam chii.

Ilahn 107:42

Binib bi aabimbin ŋan na kani kina, le ni mɔ bi, le bibiindam ma ŋmin chii.

Ilahn 63:11

Uwumbɔr aah tii ubɔr linyaŋ pu na, le u ga li mɔɔni. Binib bi puur tipuur Uwumbɔr aayimbil pu na ga pak u, le binyamɔndam ma aamɔi ga ŋmin.

Esekiel 16:63

M ga di cha pinn si saah tun taani u mɔmɔk na, aa mu tee ga teer taani ngbaan bɔr, le inimɔɔn ga chuu si sakpen, le saan ki ŋmaa waar aamɔb.” Aadindaan Uwumbɔr le len kina.

Jɔnn 15:25

Bi nan timi kina ke ni gbiin Uwumbɔr Aagbaŋ aah len pu na ke, ‘Bi po nan mi fam la, naa ye ke m ŋa bi nibaa.’

Jɔnn 8:9

Baah ŋun u len kina na, le bi mɔmɔk bolni ubaabaa; [ba pu? baalandak galn bi]. U ye uninkpel na puen boln siir, le bi mɔmɔk bolni ubaabaa, ki ti cha upii ngbaan si Yesu aanimbiin ni.

Rom Yaab 1:20

Buyoonn Uwumbɔr nan naan dulnyaa wee ki nan saa dandana wee na, binib kani waabimbin aah bi pu na. Naa ye ke binimbil le kan u. Bi kan tiwan ni u naan ni na, ki kan ke u kpa mpɔɔn mu kaan doo na, ki sil ye Uwumbɔr. Nima le baan ŋmaa len ke baa nyi.

Rom Yaab 3:2

Een, bi jer bi tiwan aabɔŋ ni la. Ni jer tiwan mɔmɔk na le ye ke Uwumbɔr nan di waabɔr ŋa bima le aaŋaal ni.

Rom Yaab 3:23

binib mɔmɔk tun titunwanbir la, kaa gbiin Uwumbɔr aanimbil.

Rom Yaab 3:4

U ga gbiin ti. Binib mɔmɔk yaa ye binyamɔndam kan, Uwumbɔr ma ye mbamɔndaan la. Ni ŋmee waagbaŋ ni ke, “Bi ga kan ke saah len pu na ye mbamɔn, Aa yaa jin binib tibɔr kan, aa kpa mbamɔn la.”

Rom Yaab 3:9

Tɔ, timi Juu yaab ŋan ki jer binib bi kaa ye Juu yaab na aa? Taa jer bi. M nan mɔk nimi ke binib bi ye Juu yaab na, ni bi kaa ye Juu yaab na mɔmɔk ye titunwanbirdam la.

1 Korenti 1:29

U ŋa kina ke unii ubaa taa li kpa kipupuk ubaa pu uma Uwumbɔr chee.

Galantiya 3:10

Tɔ, binib bimɔk dii Moses aakaal ke bi ŋmar na, Uwumbɔr aamɔpuur bi bi pu la. Ba pu? ni ŋmee Uwumbɔr Aagbaŋ ni ke, “Uwumbɔr aamɔpuur bi unii umɔk yii, kaa dii ikaal ni mmɔkm mumɔk bi Nkaal aagbaŋ ni na pu la.”

Galantiya 4:21

Nimi bi ban ni dii Moses aakaal na, naa nyi nkaal ngbaan aah len pu na aa?

Galantiya 4:5

ke u gaa binib bi dii nkaal ngbaan na lii, aan Uwumbɔr ŋa timi waabim.

Galantiya 5:18

Ni yaa dii Uwumbɔr Aafuur Nyaan aah ban pu na kan, Moses aakaal aa dii nimi.

1 Samuel 2:9

Waanib bi dii u mbamɔm na, u kii baamɔfal, le bibiindam ma beer mbɔmbɔɔn ni. Uja aan ŋmaa di ubaa aapɔɔn kan linyaŋ.