Rom Yaab 3:11 - Uwumbɔr aagbaŋ

¹¹ ubaa aa kpa nlan, ubaa aa ban Uwumbɔr,

UWONBƆR A GBƆNPƆŊ LIKƆƆNL

¹¹ Uba kaa be ki biɛ ni taai yi, uba kaa be ki ban Uwonbɔr a boli.

Rom Yaab 3:11 ပူးပေါင်းရင်းမြစ်များ

Ilahn 53:2

Uwumbɔr bi paacham le ki lik ni unibɔn pu taab, ke u lik ke bibaa bi ki kpa nlan ki dii u aan baa bi.

Ilahn 53:4

Le Uwumbɔr baa ke, “Baa nyi la aa? Titunwanbirdam bee aa nyi la aa? Bi su maanib kinaayuk le ki ji, le kaa dooni mi kpala.”

Ilahn 94:8

Maanib, ba ŋa ni ye bigbaam ni bijɔrb kina? Bayoonn aan ni ga bae?

Ŋiyataŋak 1:22

“Bijɔrb, ni ban ni yunn kijɔrk ni kinye? Ni ban ke ni laa nlan ki ti saa bayoonn? Ni ga sil bae mbaem aa?

Ŋiyataŋak 1:7

Waahr aan aa nin kan nlan na, see aa kpa kipak ni ijawaan ki tii Uwumbɔr. Bijɔrb ma aa ban nlan, ki yii ke baan bae mu.

Aisaya 27:11

Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Aisaya 31:1

Binib bi chaa Ijipt ti ban nterm na aamɔfal junn a. Bi lik Ijipt aajab bi chaa butɔb na, ni baataan ni baataan aatɔroku tiib aawiwiir la. Baa tee fenn lik Uwumbɔr, u ye bima Israel yaab Aadindaan ki bi chain na, ke u ter bi.

Aisaya 55:6

Fenn toŋ Uwumbɔr ki mee u man, n‑yoonn mu u laa duun nimi na.

Aisaya 65:1

Uwumbɔr bui ke, “M nan gor ki kii ke m kii maanib aameel, le bi yii kaa mee. M nan gor ki kii ke bi kan mi, le bi yii kaa pɔɔni bibaa ke bi ban mi. Litimbol ngbaan aa nan mee mi kpala, hali m nan gor ki kii ke m kii baameel n‑yoonn mɔmɔk ke, ‘Min le na do; m ga ter nimi.’

Aisaya 9:13

Uwumbɔr Mpɔɔnsakpiindaan daa Israel yaab aatafal; le bi yii kaa kpeln baabimbin ki gir ni u chee.

Jeremia 4:22

Uwumbɔr bui ke, “Maanib ye bijɔrb la, baa nyi mi. Bi naahn mbim mu kaa kpa nlan na la; baa kpa ntafaŋum. Bi nyi titunwanbir aatuln sakpen, le kaa tee nyi tiwan ni ŋan na aaŋam.”

Hosea 4:6

Maanib aah kaa bee mi na, le baamɔfal ga junn. Nimi bitotoorb yii ke naan bee mi, le ki yii maakaal, kina pu le m mu yii nimi, kaan kii ke nijapɔtiib li ye maatotoorb.

Hosea 7:10

Israel aanib aagaak wii ban bi la. Hali tiwan ni mɔmɔk ŋa na pu, baa fenn ki gir ni min Bidindaan Uwumbɔr chee.

Matiu 13:19

Binib yaa ŋun Uwumbɔr aanaan aabɔr kaa bee taatataa kan, le kinimbɔŋ ga dan nan nyan tibɔr ti bi bisui ni na. Njikaabim mu lir nsan ponn ni na le na.

Rom Yaab 1:22

Bi len ke bi ye bilankpalb, le ki tee ye bijɔrb.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Rom Yaab 3:10

Ni ŋmee kina le Uwumbɔr Aagbaŋ ni ke, “Unii ubaa aa ye uninyaan,

Rom Yaab 3:12

bi mɔmɔk di cha waasan, bi mɔmɔk bee fam la. Ubaa aa bi ki tun lituln li ŋan na, ubaa baanja aa bi.

Rom Yaab 8:7

Binib bi aatafal bi mbimbikpok aabɔr ni na, bi ye Uwumbɔr aadim la; ba pu? baa dii waakaal, ki mu aa ŋmaa dii mu.

Taitus 3:3

N‑yoonn mbaa timi tibaa nan ye bijɔrb, kaa kii Yesu aamɔb. Kinimbɔŋ nan ŋmann timi la. Tinimbil nan man tiwan ni kaa ŋan na aabɔŋ pu. Tisui aah gee tiwan ni na le ti nan ban. Ti nan gee baka baka aatuln, ki nan kpa lipiipoln, ki nan ye binib bi ubaa aa gee bi na, ki mu nan nan tɔb.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.