Rom Yaab 2:5 - Uwumbɔr aagbaŋ

⁵ Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

UWONBƆR A GBƆNPƆŊ LIKƆƆNL

⁵ Amaa ni tukangbiril nin naah kaa ban ni kpenn ni sufu-n bu, le ni kpiɛg U ŋuufiiŋ lan yab ki tenn ni ba lidaal man wee Uwonbɔr a ŋuufiiŋ nin U buchin bɔjilin na yin degirin nin.

Rom Yaab 2:5 ပူးပေါင်းရင်းမြစ်များ

2 Bibɔrb Aabɔr 30:8

Taa li kpa tafalaaŋun ke baah nan kpa pu na man, ni tee kii Uwumbɔr aamɔb. Dan man Uwumbɔr Aadichal li Nidindaan Uwumbɔr ŋa li chain n‑yoonn mɔmɔk aan li bi Jerusalem ni na ni, ki nan doon u aan waaŋuul sɔŋ ni pu.

2 Bibɔrb Aabɔr 36:13

Sedekia nan nyan Ubɔr Nebukadnesar, u nan cha u puu Uwumbɔr aayimbil pu ke u ga li si uchaŋ ni mbamɔm na aapuwɔb. U nan kpa tafalaaŋun, le ki yii, kaa kpeln waabimbin ki fenn dan Israel yaab Aadindaan Uwumbɔr chee.

Job Aagbaŋ 21:30

Bundaal aan Uwumbɔr aaŋuul fii aan u dar binib aatafal na, bibiindam le ŋmar n‑yoonn mɔmɔk.

Ilahn 110:5

Tidindaan bi aaŋangii wɔb; waaŋuul yaa fii kan, u ga nyaŋ bibɔrb.

Ilahn 95:8

“Taa cha nitafal li pɔɔ ke niyaajatiib aah nan bi pu Meriba aatiŋ ni na, ke baah nan ŋa pu nteersakpiin ni, Masa aatiŋ ni na.

Nnyam 14:17

M ga pɔɔk Ijipt yaab aajab ngbaan aasui, le bi ga paan ni pu, le m ga nyaŋ ubɔr ngbaan, ni waajab, ni waatɔroku tiib, ni bijab bi ŋaal bi na mɔmɔk, ki kan kipak bi pu.

Nnyam 32:34

Tɔ, siir ki li cha, ki ti loln binib ngbaan pu nsan, ki buen nin chee m bui si na. Teer ke maatuun ga loln ni pu nsan; tɔ, n‑yoonn choo le m ga daa binib ngbaan aatafal, baatunwanbir pu.”

Nnyam 8:15

Ubɔr ngbaan aah kan ke ŋipulaatal mɔmɔk kpo doo na, le u ki pɔɔk usui, le ni gbiin Uwumbɔr aah nan tuk Moses ni Aaronn pu na, ke ubɔr ngbaan ga pɔɔk usui kaan tii bi nsan.

Ŋiyataŋak 1:18

tɔ, kina aanii bi pen ubaa aagaawɔb la, gaawɔb u u pen na ni le u ga kpo.

Ŋiyataŋak 11:4

Nwiin mundaal aa ni nkun ga kan tɔb na, liwankpal aan ŋmaa gaa si lii, le saabamɔn ma ga gaa si lii.

Ŋiyataŋak 28:14

Aa yaa ban mpopiin kan, kii tii Uwumbɔr n‑yoonn mɔmɔk. Aa yaa kpa tafalaaŋun kan, saamɔfal ga junn.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Ulandaan 12:14

Uwumbɔr ga ji timi tibɔr, timi aatun mɔmɔk pu. U ga ji timi tibɔr, timi aatunyaan, ni ŋi kaa ŋan na, ni taah tun ŋi libɔɔl ni na pu.

Aisaya 48:4

M nan nyi ke nitafal ga li pɔɔ ke kikurk na, kaan li kool ke tikumann aakur na.

Jeremia 40:3

le ki sil ŋa waah nan len pu na. Saanib aah tun Uwumbɔr titunwanbir, kaa kii waamɔb pu na, le cha nimina mɔmɔk ŋa.

Esekiel 11:19

M ga tii bi nsuupɔɔn ni nlandak pɔɔn. M ga chuu nyan baatafalaaŋun aasui mu pɔɔ ke litakpal na, ki ga di nsui mu kpa ŋuntii na tii bi.

Esekiel 3:7

le Israel aanii ubaa aan li ban ke u pel; baan kpaan pel min mbaa chee kpala. Bi mɔmɔk kpa tafalaaŋun le ki ye bimɔyiib.

Daniel 5:20

Tɔ, u nan di kigaak, ni inimpool, ni mbiin di ŋa waawangol na, nima le Uwumbɔr nan nyan u waanaan ni, ni kipak ni.

Hosea 13:12

“M ŋmee Israel aatunwanbir ni kaataani bil, le ki di tigbann ngbaan bil mbamɔm.

Amos 3:10

Uwumbɔr le len ke, “Binib bimina di baah gaa tiwan ni mpɔɔn na le di gbiin baadichal sakpiin ngbaan ponn ni. Baa nyi baah ga ŋa pu ki ŋa tiwan ni ŋan na.

Rom Yaab 1:18

Uwumbɔr mɔk binib ke u gee liŋuul titunwanbirdam pu; bi tun lituln li kaa ŋan na, kaa dii u. Baabiin pu le bi yii mbamɔn.

Rom Yaab 11:25

Nnaabitiib, m ban ke ni bee tibɔbɔrkaan tibaa, aan ki taa li dak ke ni kpa nlan sakpen. Juu yaab bibaa kpak tibɔnyaan tee la, ki ga kpak ti ki nan saa buyoonn binib bi kaa ye Juu yaab aan Uwumbɔr lee bi na ga ŋmar na.

Rom Yaab 9:22

Uwumbɔr aah ŋa pu na, ni bi kina la. U nan ban ke u mɔk binib ke u gee liŋuul titunwanbir pu, ki ban ke bi bee waah kpa mpɔɔn pu na. Nima le u ji limɔr pam binib bi ŋa u liŋuul ki ŋeer ntafadaan na pu.

2 Korenti 5:10

Ba pu? ti mɔmɔk ga nan sil Kristo aanimbiin ni, aan u lik timi aabimbin aah bi pu na, ki bee ke ti tun ni ŋan na, bee ni kaa ŋan na dulnyaa wee ni, ki ga tii ti mɔmɔk taah tun pu na aapal.

Ikaal 2:30

“Le ubɔr Sihonn nan yii, ke ti taa dii waatiŋ ni jer. Nidindaan Uwumbɔr nan cha usui pɔɔk, le u yii Uwumbɔr aamɔb, le Uwumbɔr cha ti nyaŋ u, ki gaa baatiŋ ki ti laa koo ki ponn ni na.

Ikaal 32:34

Uwumbɔr teer baadim aah ŋa bi pu na, le ki kii n‑yoonn mu u gee na ke u daa bitafal.

2 Tesalonika 1:5

Binib aah ŋani nimi falaa pu na, nima le mɔk ke Uwumbɔr yaa daa bitafal kan, ni ŋan. Naah ji falaa pu na, Uwumbɔr aanaan pu le ni ji. Nima le Uwumbɔr ga len ke ni ŋeer ke ni koo waanaan ngbaan ni.

Hiibru Yaab 3:13

Ni li pɔɔk tɔb aataakpab iwiin mɔmɔk, nsan aah laa bi pu buyoonn na, titunwanbir taa ŋmann unii ubaa aan utafal li pɔɔ.

Hiibru Yaab 3:15

Uwumbɔr Aagbaŋ len ke, “Ni yaa ŋun Uwumbɔr aaneel din wee kan, ni taa cha nitafal li pɔɔ ke niyaajatiib aatafal aah nan pɔɔ pu buyoonn bi nan yii waamɔb nteersakpiin ni na.”

Hiibru Yaab 4:7

Nima pu le Uwumbɔr ki siin nwiin mu bi ga kan lifuur ngbaan na, ki yin nwiin ngbaan ke “Din.” Binib ngbaan aa kan lifuur ngbaan; le ŋibin pam jer, le David nan ŋmee Uwumbɔr Aagbaŋ ni, naah nan puen ŋmee pu na ke, “Ni yaa ŋun Uwumbɔr aaneel din wee kan, ni taa cha nitafal li pɔɔ.”

Jemisi 5:3

Ni di ŋimombil bil, le ŋi daŋ a. Ŋaah daŋ pu na, nima le mɔk ke nimi aabɔr bii a, ki ga ji nimi aawon ke mmii na. Naah kuun liwankpal li wiir na bil na, ni kuun ntafadaan mu wiir ki ga pii nimi kookoo aataadaal na la.

Josua 11:20

Uwumbɔr le nan cha binib ngbaan aasui fii ke bi to Israel yaab butɔb, aan u ŋmaa kuln bi mɔmɔk; linimbaasaln aa nan bi, le bi ku bi mɔmɔk. Kina le Uwumbɔr nan bui Moses ke u ŋa.

2 Piita 2:9

Tɔ, nimina mɔmɔk le mɔk timi ke Tidindaan ga ŋmaa nyan binib bi san u na ntɔŋ ni, ki ga ŋmaa li dar titunwanbirdam aatafal ki ti saa bundaln u ga ji bi tibɔr na.

2 Piita 3:7

Bi suln ke Uwumbɔr aaliin ichachaan ngbaan le joo paacham ni kitiŋ ki bi dandana wee na, ki nan saa buyoonn u ga see paacham ni taab mmii, ki kuln titunwanbirdam na; liyaadaal ngbaan le u ga ji bi tibɔr ki bii bi.

Juud 1:6

Teer man, Uwumbɔr aatuuntiib bi nan di cha Uwumbɔr aah tii bi lituln li na, ki nyan ni bido paacham na aabɔr. Uwumbɔr nan buu bi tikululn ti baan ŋmaa buur ti na, ki di bi ŋa mbɔmbɔɔn mu bi kitiŋ aataab na ni, ki nan saa nwiin mundaln u ga ji bi tibɔr ki siin bi ntafadaan na.

Tibɔkpiirkaan 2:21

M tii u nsan ke u kpeln waabimbin, u mu aa ban u di cha kidagook aatuln.

Tibɔkpiirkaan 6:17

ba pu? baaŋuul aawiin sakpiin daal fuu ni a. Ŋma ga ŋmaa sil?”

1 Samuel 6:6

Ba ŋa nitafal pɔɔ ke Ijipt aabɔr ni waanib aatafal aah nan pɔɔ pu na? Taa suln man Uwumbɔr aah nan ŋa bi falaa aan ki ti nin cha Israel yaab nyan baatiŋ ponn ni pu na.