Rom Yaab 2:3 - Uwumbɔr aagbaŋ

³ Si u ŋani kina na, ki galni biken bi ŋani kina na, aa dak ke Uwumbɔr aan daa aatafal aa?

UWONBƆR A GBƆNPƆŊ LIKƆƆNL

³ Ke ni ye fin, uninfosaal mu, jin bi tibɔr wee ki mu ji tun man ke, a tiɛr ke a li fir ŋmar Uwonbɔr a bɔjilin naa?

Rom Yaab 2:3 ပူးပေါင်းရင်းမြစ်များ

2 Samuel 10:3

le Amonn yaab aayidam bui ubɔr ngbaan ke, “Aa dak ke aate aanyuŋ pu le David tun ni bijab bee, ke bi nan doon si likpuul aa? Naa ye kina pu. U tun ni bi ke bi nan pekr kitiŋ kee la, aan u ŋmaa nyaŋ timi.”

Ilahn 50:21

Ni ŋani nimina mɔmɔk, le maa len tibaa, kina pu le ni dakl ke m mu bi kina la. Tɔ, dandana ma kan, m ban m galn nimi la, ki nyan tibɔr ngbaan lipaal tii nimi.

Ilahn 56:7

Uwumbɔr, daa bitafal, baatunwanbir pu, nyaŋ binib ngbaan buyoonn saaŋuul fii na.

Ŋiyataŋak 11:21

Li nyi gbin gbin ke titunwanbirdam ga kan ntafadaan, le binib bi aabimbin ŋan na ma ga ŋmar.

Ŋiyataŋak 16:5

Uwumbɔr aa gee unii u yoor ubaa paacham na; waan cha u nya ntafadaan ni kpala.

Esekiel 17:15

Juda aabɔr nan nyan upuwɔb, le ki buen Ijipt aabɔr chee ti ban itaan, ni butɔb aajab bi wiir na. U ga nyaŋ aa? U ga ŋmaa nya tibɔr ngbaan ni ii? Waan ŋmaa bii kimɔbaan ngbaan kaa kan ntafadaan.”

Esekiel 17:18

U bii waah puu tipuur ti na, ni kimɔbaan ki u nan ŋa na. U ŋa tiwan nimina mɔmɔk, le waan ŋmar.”

Daniel 10:19

Le u bui mi ke, “Uwumbɔr gee si, kina pu na, taa cha nibaa li muk si, bee ni faan si.” Waah ki len kina na, le nwon moo pɔɔk sakpen, le m bui ke, “Maaninkpel, tuk mi saah kpa pu aa len na. Aa cha nwon chuu a.”

Matiu 23:33

Nimi iwaa, bi ye ijagen aabim na, ni ga ŋa kinye ki nya ntafadaan mu ga pii nimi, mmii mu kaan junn na ponn ni.

Matiu 26:53

Saa nyi ke m yaa mee Nte Uwumbɔr kan, u ga tun ni bituuntiib bi jer ŋichur kipiik ni ŋilee na m chee dandana aa?

Tibɔnyaan ti Luk ŋmee ti na 12:14

Le Yesu bui u, “Uja, ŋma tii mi nsan ke m ji nimi tibɔr ki yakr lifaal tii nimi?”

Tibɔnyaan ti Luk ŋmee ti na 22:58

Le ni kpee siib, le unii uken mu kan u, ki mu bui u, “Aa mu ye bi ponn ni ubaa la.” Le Piita bui u, “Uja, maa ye.”

Tibɔnyaan ti Luk ŋmee ti na 22:60

Le Piita bui u, “Uja, maa nyi saah len pu na aatataa.” Waah laa bi len kina na, libuul ngbaan ni, le ukooja wii.

Rom Yaab 1:32

Bi nyi ke Uwumbɔr len ke binib bi ŋani kina na ŋeer nkun, le bi tee beenin ŋani kina, ki len ke binib yaa ŋani kina kan, naa bir.

Rom Yaab 2:1

Tɔ, si u galni binib biken na, saan ŋmaa len tibaa ki nyan aabaa tibɔr ni Uwumbɔr chee; ba pu? aa mu ŋani kina la. Saah galni bi na, le ni mɔk ke saabɔr mu bii; ba pu? si u galni bi na, aa mu ŋani ke baah ŋani pu na la.

Rom Yaab 2:2

Ti nyi ke Uwumbɔr yaa daa binib bi ŋani kina na aatafal kan, ni ŋan.

Rom Yaab 9:20

Njɔ, aa ye ŋma ki kpak Uwumbɔr? Tiwanaankaan aan baa unii u naan ni na, “Ba ŋa aa naan mi kina?”

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.

Hiibru Yaab 12:25

Ni li nyi man, ki taa yii Uwumbɔr u len ni chee na. Buyoonn u nan sur Israel yaab dulnyaa wee ni na, le bi yii, le u daa bitafal. Ti yaa yii Yesu u nyan ni paacham ki nan sur timi na kan, u ga sil daa titafal.

Hiibru Yaab 2:3

Nima pu na, ti yaa yii ŋŋmarkpaan ngbaan aaboln kan, taan nyan ntafadaan ni. Tidindaan ubaa le nan pue tuk binib ŋŋmarm ngbaan aabɔr. Le binib bi ŋun na mu tuk timi, ki mɔk timi ke ti gbii la.