Rom Yaab 2:22 - Uwumbɔr aagbaŋ

²² Si u len ke binib taa gɔr kidagook na, ba ŋa aa gɔr? Si u yii ŋiwaa na, ba ŋa aa su ŋaadir ni aawan?

UWONBƆR A GBƆNPƆŊ LIKƆƆNL

²² Fin wan wɔɔnn ke bininfob laa tun iwanchɔgin toon nin, a tun iwanchɔgin toon naa? Fin wan kaa ban libawomanil a bɔrin ŋaa su kuwonjiɛndiig a wan naa?

Rom Yaab 2:22 ပူးပေါင်းရင်းမြစ်များ

Ilahn 50:17

Ni yii, ke m taa mɔk nimi buyoonn ni yenn na; ni yii maamɔbon.

Jeremia 5:7

Le Uwumbɔr baa ke, “Ni ga ŋa kinye aan m di maanib aatunwanbir cha pinn bi? Bi yii mi ki siir cha mi, le ki dooni ŋiwaa. M kpiin maanib le bi jin ti bab, le ki tee fii ti tun kidagook aatuln le ki chuun dii bipiib bi joo bibaa kooh na.

Jeremia 9:2

M yaa ba kan nkakaayaan nteersakpiin ni kan, m ba ga fii buen nima ki cha maanib. Baa dii Uwumbɔr, bi mɔmɔk nyan upuwɔb la.

Esekiel 22:11

Bibaa gɔr kidagook, le biken mu ŋmanni bijapɔtiib aapuutiib, le bibaa mu ŋmanni bitetiib aabisatiib ki doo bi chee.

Malakai 1:14

Ujinjir u yaa joo ni kiwakork ki kaa bi tibaa ni na nan toor kitork tii mi na kan, m ga puun lii udaan pu, ba pu? u kpa kiwakork ki ŋan aan u puu ke u ga di tii mi na waapiih ni. M ye ubɔrkpaan la, le ŋitimbol mɔmɔk aanib san mi ijawaan.” Uwumbɔr Mpɔɔnsakpiindaan le len kina.

Malakai 1:8

Buyoonn ni joo ni kiwakork ki jɔb, bee ki bun, bee ki aataal koo na nan toor kitork tii mi na, ni dak ke taani ubaa aa bi ii? Di kina aawakork tii nimi aayidaan man ki lik. Ni dak ke kina aawakork ga li piin usui ii? U ga faar nimi aapiin ngbaan ki ter nimi ii?”

Malakai 3:8

Le m ga baa nimi ke ni ŋan ke unii ji Uwumbɔr pem pem aa? Mbamɔn, naa ŋan; le nima tee ji mi pem pem. Le ni ki baa ke, ‘Kinye aan ti ji si pem pem?’ Le m ga gar nimi ke naah yakr nimi aatuln aanyoor aageln li tii mi na, ni ipiin i ni tii mi na, le ni ji mi.

Matiu 12:39

Le u bui bi, “Nimi dandana aanib, ni ye titunwanbirdam la, kaa dii Uwumbɔr, nima le ni ban lijinjiir aatuln. Uwumbɔr aabɔnabr Jona aah nan bi ujan sakpiin aaponn ni iwiin itaa ni tinyer titaa pu na,

Matiu 16:4

Nimi dandana aanib, ni ye titunwanbirdam la, kaa dii Uwumbɔr, nima le ni ban lijinjiir aatuln. Uwumbɔr aah nan ŋa lijinjiir aatuln ki ŋa waabɔnabr Jona pu na, lituln limina aaboln le ni ga kan. Maan mɔk nimi lijinjiir aawan niken kpee.” Waah len kina na, le u siir nima ki cha bi.

Tibɔnyaan ti Mak ŋmee ti na 11:17

Le u bui bi ke, “Ni ŋmee Uwumbɔr Aagbaŋ ni ke Uwumbɔr len ke, ‘Maadichal ga li ye mmeen aadichal, nin chee ŋinibol mɔmɔk mee mi na la;’ le nimi di li ŋa bififiirb aakakaa chee.”

Lituln 19:37

Nimi le joo ni bijab ngbaan do chee na. Baa sun tiwan liwaal aadichal ponn ni, kaa sii timi aawaal.

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

Jemisi 4:4

Ni di Uwumbɔr lii a, ke upiidagoor aah di uchal di lii pu na. Naa nyi ke dulnyaa aajɔtiik le ye Uwumbɔr aadiŋ aa? Nima pu na, unii u ban dulnyaa aajɔtiik na, u ye Uwumbɔr aadin la.