Rom Yaab 16:18 - Uwumbɔr aagbaŋ

¹⁸ Binib bi bi kina na aa dii Tidindaan Yesu Kristo. Bi dii bima bibaa aasui aah ban pu na la. Bi kpa mmɔmɔɔn ki ŋmanni bininyaam.

UWONBƆR A GBƆNPƆŊ LIKƆƆNL

¹⁸ Bininfob nmɔn a booli kaa tun tenn ti Yudaau Masiya, amaa bi tun bi tɔɔl a kɔlisa bu le. Bi jɔɔ kulandiiŋ nin nmɔmɔm le ki lar bininfob ban a lam par bi-n.

Rom Yaab 16:18 ပူးပေါင်းရင်းမြစ်များ

2 Samuel 15:6

Absalom nan ŋani Israel aanii umɔk nan dan ubɔr chee ki ban ibamɔn na kina la, le ki gaa bi chee ubɔr aapak.

2 Bibɔrb Aabɔr 18:5

Kina pu, le Ahab nan yin bibɔnabr bi aawiwiir ga nan pii ikui inaa na, le ki nan baa bi ke, “M buen ti tak Ramof aatiŋ aan m taa buen?” Bi nan gar u ke, “Ti tak ki. Uwumbɔr ga tii si linyaŋ.”

Ilahn 119:130

Saakaal aatataa tii inimbiwoln la, le ki tii maanyidam nlan.

Ilahn 12:2

Bi mɔmɔk geei tɔb inyamɔn la; bi joo kimɔmɔɔn le ŋmanni tɔb.

Ilahn 19:7

Uwumbɔr aakaal si chob la; le ki tii binib mpɔɔn pɔɔn. Aa ga ŋmaa mak Uwumbɔr aakaal pu, mu tii nlan aah par binib bi na nlan.

Ŋiyataŋak 14:15

Ujɔr ma gaal tibɔr mɔmɔk keei la, le bilandam ma lik baah chuun pu na.

Ŋiyataŋak 22:3

Bilandam waa tibɔr aah choo pu na le ki minn ti, le ujɔr ma ga koo ti ni, le ki nan ki bi wii.

Ŋiyataŋak 8:5

Ni laa ye bibilb la aa? Bae nlan man. Ni ye bijɔrb la aa? Bae nlan man.

Jeremia 23:17

Bi tuk binib bi yii kaa pel maah len pu na ke nibaa aan ŋa bi, le ki tuk binib bimɔk kpa tafalaaŋun na ke tibɔbir aan dan bi pu.”

Esekiel 13:16

bima le ye bibɔnabr bi nan bui Jerusalem aatiŋ aanib ke tiwan mɔmɔk ŋan, aan ni mu aa ŋan na.” Bidindaan Uwumbɔr le len kina.

Esekiel 13:19

Ni jinn mi inimɔɔn maanib aanimbiin ni ke ni kan njikaabim ni ŋiboroboro kpin siib. Ni ku binib bi kaa ba ye ke bi kpo na, le ki tee cha binib bi ba ye ke bi kpo na kpa limɔfal. Ni geei inyamɔn tuk maanib, le bi keei tii nimi.”

Daniel 11:34

Buyoonn linikul ngbaan beenin ku na, Uwumbɔr aanib ga kan nterm siib, binib pam le ga kpee bi pu, bi mu ga li ŋani kina ki ban bibaa aajim pu la.

Maika 3:5

Baabɔnabr bi gaal tipar na le ŋmann maanib ke nsuudoon bi bi chee, le ki faani binib bi kaa pa bi na ke butɔb choo. Uwumbɔr bui bibɔnabr ngbaan ke,

Malakai 1:10

Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Matiu 24:11

Le binib bi ŋmanni ke bi ye Uwumbɔr aabɔnabtiib na ga li wiir ki ŋmanni binib pam.

Matiu 24:24

Ba pu? biŋmaŋmannim ga li bi. Bibaa ga bui ke bi ye Kristo ngbaan la. Biken mu ga bui ke bi ye Uwumbɔr aabɔnabtiib la. Le bi ga tun lijinjiir aatun pam, ki ŋmann binib. Hali, bi ga pɔɔn bibaa ke bi ti ŋmann binib bi Uwumbɔr nyan bi na.

Matiu 6:24

“Unii ubaa aan ŋmaa li ye dindatiib bilee aanaagbiija; u ga li nan ubaa, le ki gee uken; u ga li si ubaa aachaŋ ni, le ki lik uken fam. Naan ŋmaa dii Uwumbɔr ni liwankpal mu.

Matiu 7:15

“Ni li nyi binyamɔndam bi ŋmanni ke bi ye Uwumbɔr aabɔnabr na. Bi ŋmanni ke bi ye ipiih, le ki tee ye ŋisapol ŋi ga bii nimi na.

Jɔnn 12:26

Unii yaa ban ke u tun lituln tii mi kan, udaan li dii mi. Maah bi nin chee na, maatutunn mu ga li bi nima. Unii yaa tun lituln tii mi kan, Nte Uwumbɔr ga nyuŋ udaan.”

Rom Yaab 14:18

Unii u dii Kristo ki bi kina na, u ga piir Uwumbɔr aasui. Binib mu ga pak u.

Rom Yaab 16:19

Nimi ma kan, binib mɔmɔk nyi naah kii Yesu Kristo aamɔb pu na. Nima le m kpa ni pu mpopiin sakpen. M ban ke ni li kpa nlan ki li tun lituln li ŋan na, ki li bi chain, ki taa li tun lituln li kaa ŋan na.

2 Korenti 11:3

M san ijawaan ke binib ga ŋmann nimi, ni taa ki dii Kristo mbamɔm, ke kinimbɔŋ aah nan ŋmann Adam aapuu Iif pu na.

2 Korenti 2:17

Ti mu aa mooni Uwumbɔr aabɔr ŋimombil pu ke binib pam aah ŋani pu na. Uwumbɔr le tun timi ke ti moon waabɔr. Nima pu le ti ye binib bi len mbamɔn na, ki mooni Uwumbɔr aabɔr unimbil ni, Kristo aapɔɔn pu.

2 Korenti 4:2

Ti yii inimɔɔn aatuln, ni mbɔmbɔɔn aatuln, kaa ŋmanni binib, kaa kpelni Uwumbɔr aabɔr. Ti bi Uwumbɔr aanimbil ni la. Nima le cha ti tuk binib waabɔr mbamɔm, aan bi mɔmɔk bee ke ti len mbamɔn.

Galantiya 1:10

M ban m piir binib aasui le aan Uwumbɔr aasui? M ban ke binib pak mi ii? Aayii. M yaa ban ke binib pak mi kan, maa ba ga li ye Kristo aatutunn.

Filipi 2:21

Biken na mɔmɔk aatafal bi bibaa ni la. Bitafal aa bi Yesu Kristo aatuln ni.

Filipi 3:19

Baadoon le ga li ye ntafadaan mu kaa kpa ndoon na. Baawumbɔr le ye bipuul. Bi kpa kipupuk inimɔɔn aatuln pu. Baalandak bi dulnyaa wee ni aawan ni la.

Kolosiya 2:4

M tuk nimi kina ke ubaa taa ŋmann nimi la. Unii yaa mɔln inyamɔn i mɔ na ki tuk nimi kan, ni taa kii.

Kolosiya 3:24

Tidindaan Kristo le ni tun lituln tii u. Nima le ni bee ke uma le ga pa nimi tipar, waah nan puu tipuur ti ke u ga tii nimi na.

2 Tesalonika 2:10

ki li kpa nlan mu kaa ŋan na ke u ŋmann binib bi Uwumbɔr ga daa bitafal na. Bi yii Uwumbɔr aabɔr ti ga cha bi ŋmar na, kaa gee ti. Nima le Uwumbɔr ga daa bitafal.

1 Timoti 6:5

Le binib bi dak ilandakbir na kpak tɔb kinikpakpak. Baa ki nyi mbamɔn. Bi dak ke Uwumbɔr aasan ye liwankpal aasan la. [Nya binib ngbaan chee.]

Jemisi 1:1

Min Jems, u ye Uwumbɔr ni Tidindaan Yesu Kristo aatutunn na, m dooni Uwumbɔr aanib bi yaa ki bi itingbaan mɔmɔk ni na.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.

Juud 1:1

Min Juud, u ye Yesu Kristo aatutunn, ni Jems aanaal na le ŋmee tibɔr tee tii nimi bi Uwumbɔr lee nimi na. U gee nimi, ki joo nimi Yesu Kristo pu la.

Juud 1:12

Ni yaa kpaan ni ji tijikaar Uwumbɔr aadiik ni kan, bi sak nikaasisik ni ke tijɔŋ aah likr libɔkul pu pu na; ba pu? bi kpaan ji ni chee, kaa san Uwumbɔr. Bi ban ke bi kpiin bibaa baanja la. Baa kpa tinyoor. Bi naahn utaal u yun ki bɔln ki joo ni libuln kaa nu na la; ki naahn isui i kaa lu ŋisubil ki kpo ki kpukr lir na la.

Juud 1:16

Bibiindam ngbaan ŋulni n‑yoonn mɔmɔk; tiwan nibaa aa mɔ bi chee. Bi dii tiwan ni kaa ŋan na aakpeek, ki len mpɔɔn pu ki kpa kipupuk, ki pak biwankpadam, ŋimombil pu.

Tibɔkpiirkaan 1:1

Tibɔr tee le Uwumbɔr nan tuk Yesu Kristo ke u nan kpiir tuk waatutum. Ti ye tibɔr ti ga ŋa woween na la. Le Yesu nan tun waatuun ke u buen waatutunn Jɔnn chee ki ti tuk u tibɔr ngbaan.

1 Samuel 2:29

Ni ki ŋa kinye aan ni ki lik waa kitork ni ipiin i m ban maanib chee na? Eli, ni ŋa kinye aan aa pak aajapɔtiib ki jer mi, ki cha bi ji maanib aatork aanann ti ŋan sakpen aan bi ba ban bi di tii mi na, ki moo filk cha?