Rom Yaab 15:3 - Uwumbɔr aagbaŋ

³ Kristo aa nan ban ke u li ŋani uma ubaa aageehn. Ni ŋmee Uwumbɔr Aagbaŋ ni ke, “Ŋisiibil ŋi ye sin yee na choo min chee la.”

UWONBƆR A GBƆNPƆŊ LIKƆƆNL

³ Ni ma bu hali Masiya kaa nan tun nan li gbee u tɔɔl a numi, amaa a li ke naah sɔb Uwonbɔr a gbɔŋin ke: “Tisugir tan wee bi sugiriŋin lu min bu le.”

Rom Yaab 15:3 ပူးပေါင်းရင်းမြစ်များ

Ilahn 69:20

Ŋisiibil le bii nsui, le ntaakpab yɔl. M nan mak ke ubaa ga san mi kinimbaak, le ubaa aa gar, m nan mak ke ubaa ga nan sɔŋ nsui, le kaa kan ubaa,

Ilahn 69:9

Maah neen saadichal pu na bi ke mmii le aah wu mponn ni na; ŋisiibil ŋi ye sin yee na choo min chee la.

Matiu 10:25

Unii u bae mbaem na yaa bi ke waamɔmɔkr aah bi pu na kan, cha unimbil gbiin kina. Unaagbiija yaa bi ke udindaan na kan, cha unimbil gbiin kina. Bi yaa yin udichadaan kinimbɔŋdaan kan, baan yin waachiln ni aanib mu kinimbɔŋdam aa?”

Matiu 26:39

Le u foor siib, ki doon lichichikr, le ki mee Uwumbɔr, “Nte, aa yaa kii kina kan, nyan mi falaa u choo na ni. Tɔ, ŋa saageehn, ki taa ŋa maageehn.”

Matiu 26:42

Le u ki foor siib, ki ki mee Uwumbɔr, le ki bui ke, “Nte, ni yaa kaa ye m nyan falaa u choo na ni kan, cha saageehn ŋa.”

Matiu 27:44

Le bififiirb bi bi di kpaa u chee idɔpuinkee pu na mu sii u kina.

Jɔnn 15:10

M ŋani Nte Uwumbɔr aah tuk mi pu na, le u beenin gee mi. Ni mu yaa ŋani maah tuk nimi pu na kan, m mu ga li beenin gee nimi.

Jɔnn 15:24

M tun lijinjiir aatun binimbil ni. Ubaa aa ki bi, ki ga ŋmaa tun lijinjiir aatun kina. M yaa kaa ba tun lijinjiir aatun ngbaan binimbil ni kan, baa ba ga li kpa taani; naah bi pu na, bi kpa taani; ba pu? bi kan maah tun pu na, ki nan m ni Nte Uwumbɔr mɔk.

Jɔnn 4:34

Le u bui bi, “Maajikaar le ye ke m ŋa Uwumbɔr u tun ni mi na aah gee pu na, ki tun waatuln doo.

Jɔnn 5:30

“Maa ŋmaa ŋa nibaa mbaa pu. M ji binib tibɔr, Uwumbɔr aah tuk mi pu na la. Maah ji bi tibɔr pu na, ni ŋan; ba pu? maa ban maageehn, m ban Uwumbɔr u tun ni mi na aageehn la.

Jɔnn 6:38

M nyan ni paacham ke m nan ŋa Uwumbɔr u tun ni mi na aageehn la. Maa dan m nan ŋa mbaa aageehn.

Jɔnn 8:29

U tun ni mi na bi m chee la. Waa cha m bi mbaa; ba pu? n‑yoonn mɔmɔk m tun lituln li piir usui na la.”

2 Korenti 8:9

Ni nyi Tidindaan Yesu Kristo aah kpa tibulchinn pu na. U nan ye uwankpadaan la. Nimi pu le u ŋa ugiin. Waah ŋa ugiin na, nima le cha ni mu ŋa biwankpadam.

Filipi 2:5

Ni sunn nibaa taab man ke Yesu Kristo aah sunn ubaa taab pu na.

Filipi 2:8

ki sunn ubaa taab, ki kii Uwumbɔr aamɔb, hali ki ti kpo ndɔpuinkoo pu.