Rom Yaab 13:4 - Uwumbɔr aagbaŋ

⁴ Bi ye Uwumbɔr aatutum ke bi biin aa pu la. Aa mu yaa tun lituln li kaa ŋan na kan, li san ijawaan. Bi kpa mpɔɔn ke bi daa aatafal. Bi ye Uwumbɔr aatutum ke bi daa binib bi tun lituln li kaa ŋan na aatafal.

UWONBƆR A GBƆNPƆŊ LIKƆƆNL

⁴ Ni ma bu u ye Uwonbɔr a toontunnu wan li tun nan ŋan le ki sei ni. Amaa ni ye a tun nan kaa ŋan ke, a li san bijawaama, nan bu-n waa ŋmag takoobi yɔli. U ye Uwonbɔr a toontunnu le, wan wee U ta u siin U ŋuufiiŋin yaan ke un dar wan tun titoonbir a tul.

Rom Yaab 13:4 ပူးပေါင်းရင်းမြစ်များ

1 Bibɔrb 10:9

Li pak Aadindaan Uwumbɔr. U mɔk si waah gee si sakpen pu na le ki di si ŋa Israel yaab aabɔr. Waah gee Israel yaab n‑yoonn mɔmɔk pu na, le u di si ŋa ubɔr ke aa cha waakaal ni ibamɔn li bi.”

2 Bibɔrb Aabɔr 19:6

le ki tuk bi ke, “Ni li nyi naah ji binib tibɔr pu na; naa ye unibɔn aapɔɔn pu le ni tun, ni ye Uwumbɔr aapɔɔn pu la, le u bi ni chee buyoonn ni bi ji unii tibɔr na.

Ŋiyataŋak 16:14

Ulandaan pɔɔni ubaa ki tii ubɔr mpopiin la; ubɔr aaŋuul ga ŋmaa joo ni nkun.

Ŋiyataŋak 20:2

Li san ubɔr u aaŋuul fii na ijawaan, ke saah ga li san uchinn u bi ŋuuni na ijawaan pu na; aa yaa fiin waaŋuul kan, aa pɔ tee ku aabaa.

Ŋiyataŋak 20:26

Ubɔr u kpa nlan na ga lik le ki bee unii u tun taani na, le ki ga daa utafal kaan san u kinimbaak.

Ŋiyataŋak 20:8

Ubɔr ka libɔjil ni le ki yaa kan titunwanbir kan, u beer ti.

Aisaya 1:17

ki bee ni ŋan na ki ŋa kina. Cha ibamɔn ŋa, ki ter bigiim, ki tii nkpobim baabamɔn, ki li kii bikpopiib.”

Jeremia 5:28

le ki ji babr ki filk. Baatunwanbir aa kpa taadoon. Baa joo nkpobim ni bigiim aabamɔn tii bi.

Esekiel 22:27

Kitiŋ aaninkpiib naahn takɔ tiib la, le ki dar par baah ku tinann ti na. Bi ku binib le ke bi kan ŋimombil.

Esekiel 25:14

Maanib Israel yaab le ga teen Edom yaab lipɔln tii mi. Bi ga cha Edom yaab kan maaŋuul aah pɔɔ pu na. Edom aatiŋ ga bee ke ki sil ye kitiŋ ki m ga teen ki lipɔln na la.” Dindaan Uwumbɔr le len kina.

Maika 3:9

Nimi Israel aanib aajojoob, li pel man, nimi bi kaa gee ibamɔn ki kpelni tiwan ni ŋan na ŋani taani na.

Rom Yaab 12:19

Maanigeekaab, binib yaa ŋa nimi bakaa kan, ni taa teen bi. Cha Uwumbɔr le daa bitafal. Ni ŋmee Uwumbɔr Aagbaŋ ni ke Uwumbɔr len ke, “Min baanja le kpa nsan ke m daa binib aatafal. Min le ga teen bi.”

Rom Yaab 13:6

Nima pu na, ni ŋan ke ni li pa lampoo mu. Bi ye Uwumbɔr aatutum bi u nan siin bi ke bi tun lituln ngbaan na la.

1 Tesalonika 4:6

Uja ubaa taa li ban una aabo aapuu ki tun titunwanbir timina. Ti nan tuk nimi ki sur nimi mbamɔm ke Tidindaan dar binib aatafal titunwanbir ngbaan mɔmɔk pu.

Josua 20:5

Nima kan, unii u ban u ke u ku u teen lipɔln na yaa dii u aan u san fuu kitiŋ ngbaan ni kan, kitiŋ ngbaan ni aanib taa kii ki di unii u san na tii unii u ban u teen lipɔln na. Ni ye ke binib ngbaan li kii u, ba pu? waa nyi le ki ku udaan ngbaan.

Josua 20:9

Ntim mu bi nan nyan, mu ye mbɔbɔryaan aatim ki tii Israel yaab mɔmɔk, ni biwɔwɔm bi nan koo bi chee na le bi na. Le unii umɔk aa nan nyi ki ku uken na kan, u ga ŋmaa san ti koo nima chee, ki ŋmar unii u ban u ku u teen lipɔln na chee; baan ŋmaa ku u see bi jin waabɔr waahr ki kan ke waabɔr bii a.

1 Piita 2:14

Waah kaan bininkpiib ntim ni na, ni li keei bi mu aamɔi. Ba pu? u kaan bi ke bi daa binib bi tun lituln li kaa ŋan na aatafal, ki ban ke bi pak binib bi tun lituln li ŋan na.